བསྟན་འཛིན་ཕུན་ཚོགས་ཀྱིས་རང་ལུས་མེར་བསྲེག
སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། བསྟན་འཛིན་ཕུན་ཚོགས་ལགས་ཀྱིས་རང་ལུས་མེར་བསྲེག་གཏོང་སྐབས་རྒྱ་དམག་གིས་འཛིན་བཟུང་བྱས་ཏེ་ཆབ་མདོར་དམག་མིའི་སྨན་ཁང་ཞིག་ཏུ་ཁྲིད་རྗེས། ཕྱི་ཚེས་ ༦ ཉིན་ཁོང་སྐུ་གཤེགས་འདུག ནང་མི་གཉེན་འབྲེལ་སུ་ལ་ཡང་འབྲེལ་གཏུགས་བྱེད་བཅུག་གི་མེད་པ་རེད། ཁོང་གིས་རང་ལུས་མེར་སྲེག་མ་བཏང་སྔོན་གྱི་ཉིན་ཤས་ནས་འབྲེལ་ཡོད་ཁག་ལ་དེང་སྐབས་རྒྱ་གཞུང་གིས་ཀརྨ་དགོན་པའི་མཁན་པོ་དང་དགེ་འདུན་པ་རྣམས་འཛིན་བཟུང་བྱས་པ་དང། བོད་མིར་དམ་དྲག་ཤུགས་ཆེར་བྱེད་བཞིན་པ་འདི་དག་ལ་བཟོད་ཐབས་རྩ་བ་ནས་མེད་སྐོར་ བཤད་ཡོད་འདུག
བསྟན་འཛིན་ཕུན་ཚོགས་ནི་དེ་སྔོན་ཀརྨ་དགོན་དུ་ཆོས་ཞུགས་བྱེད་མྱོང་ཡོད་པ་དང་། ད་ལྟ་རང་ལོ་ ༤༦ དང་བཟའ་ཟླའི་མིང་སྒྲོལ་མ། ཕྲུ་གུ་བུ་ ༢ དང་བུ་མོ་ ༡ ཡོད་འདུག ཁོང་གིས་རང་ལུས་མེར་བསྲེག་གི་ངོ་རྒོལ་སྐབས་སྐད་འབོད་དང། ཡིག་ཆ་ཡང་བཀྲམས་ཡོད་འདུག་ཀྱང་ཞིབ་གསལ་ཤེས་རྟོགས་ཐུབ་མེད་པ་རེད།
འདི་ལོའི་ཕྱི་ཟླ་༡༠།༢༦ ཐོ་རངས་ཁར་ཀརྨ་ཤང་དུ་འབར་རྫས་གས་གཏོར་བྱུང་བའི་གནས་ཚུལ་བྱུང་བ་དང། དེ་རྗེས་ཀརྨ་དགོན་དུ་རྒྱ་ནག་གཞུང་གིས་དམིགས་བསལ་དམ་དྲག་བྱས་ཏེ། འགྲུལ་བསྐྱོད་དང་བརྒྱུད་ལམ་ཡོངས་རྫོགས་བཀག་བསྡོམས་བྱས་ཤིང། རིམ་བཞིན་མཁན་པོ་རྣམ་སྲས་བསོད་ནམས་དང། མཁན་པོ་བློ་གྲོས་རབ་གསལ་གཉིས་ཀ་འཛིན་བཟུང་བྱས་པ་མ་ཟད། གྲྭ་པ་ ༧༠ ཙམ་བཀག་ཉར་བྱས་ཡོད་པའི་གནས་ཚུལ་བྱུང་ཡོད་པ་རེད།
ད་ལྟ་རྒྱ་ནག་གཞུང་གིས་བོད་ས་ཆ་བགོས་བྱེད་སྟངས་ལྟར། བོད་རང་སྐྱོང་ལྗོངས་ཟེར་བའི་ཁོངས་ཀྱི་ཆབ་མདོ་ས་ཁུལ་ཆབ་མདོ་རྫོང་ཀརྨ་ཤང་ཀརྨ་ དགོན་ཆེན་ནི། ༡༡༨༦ ལོར་ཀརྨ་པ་སྐུ་ཕྲེང་དང་པོ་དུས་གསུམ་མཁྱེན་པ་མཆོག་གིས་ཕྱག་བཏབ་པ་དང་། རྒྱ་ནག་གིས་བོད་དབང་བསྒྱུར་བྱས་ཏེ། རིག་གནས་གསར་བརྗེའི་སྐབས་རྒྱ་འཇང་ཧོར་གསུམ་གྱི་ལོ་རྒྱུས་དང་ལྡན་པ་ཡིན་ཟེར་ ནས་ལྷ་ཁང་ཆུང་ཆུང་ཞིག་ལས་གཞན་ཚང་མ་གཏོར་སྐྱོན་བཏང་ཡོད་འདུག
༡༩༨༠ ལོའི་ནང་རྒྱ་ཡི་སྲིད་ཇུས་ཅུང་ལྷོད་སྐབས་དགོན་སྡེ་གཞན་དང་གཅིག་མཚུངས་བསྐྱར་ གསོ་བྱས་པ་དང་། ད་ལྟ་གྲྭ་གྲངས་ ༢༠༠ ནས་ ༣༠༠ བར་དང། བཤད་སྒྲུབ་གཉིས་ལྡན། བཤད་གྲྭར་གྲྭ་པ་ ༨༠ ཙམ་ཡོད་འདུག །
(བོད་ཀྱི་བང་ཆེན་ལས་དྲངས། )
Another Tibetan sets himself on fire in protest
Beijing, December 02: A former Buddhist monk in Tibet has been hospitalized after setting himself on fire, the latest in a series of apparent self-immolation protests against Chinese rule, a human rights group said. but at 6th of December Tenzin Phuntsok died.Most of the protesters who set themselves on fire are calling for Tibetan freedom and the return of their spiritual leader, the Dalai Lama, who fled to India during an abortive uprising against Chinese rule in 1959.
