བསོད་ནམས་དར་རྒྱས། Sonam Dargye

At 17/3/2012 a man immolated himself in Rebgong, Amdo and dead. His name is Sonam Dargye and 44 years old. His father 's name was Shamo (passed away) his mother is Chakmo Gyal (78). Today in Tibet time around 9: 40 he burnt himself against to the Chinese government in Malho town. According to a witness said that when he was burning he shouted "return to Tibet H. H. the Dalai Lama". He dead there on the spot. After that local people and monks took his body behind Regong monastery. At that time about 7000 people gathered there, praying and mourning him.  

༢༠༡༢/༠༣/༡༧  དེ་རིང་ཞོགས་པའི་བོད་ནང་གི་ཆུ་ཚོད་ ༩།༤༠ ཙམ་ལ་རེབ་གོང་ཤ་བྲང་སྡེ་བའི་བོན་རྒྱ་ཚོ་བའི་རང་ལོ་ ༤༤ ཡིན་པའི་བསོད་ནམས་དར་རྒྱས་ལགས་ཀྱིས་རྨ་ལྷོ་ཁུལ་གྲོང་འཁྱེར་གྱི་༼ ཐོན་མིའི་རིག་གནས་དཔེ་ཁང ༽ཉེ་འགྲམ་གཞུང་ལམ་སྟེང་དུ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་གནང་ཡོད་འདུག

དེ་གར་དངོས་སུ་མཐོང་མཁན་ཞིག་གིས་བརྗོད་ན། ཁོང་གིས་“རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས།”ཞེས་སྐད་འབོད་གནང་ཡོད་པ་དང་།ལམ་འགྲོ་བ་དག་གིས་མེ གསོད་ཐབས་བྱས་ཀྱང་། མེ་ཤུགས་ཆེ་ཤིང་གྲོད་ཁོག་འབར་འཐོར་གྱི་སྒྲ་ཤུགས་ཤིག་དང་བཅས་དེ་ག་རང་དུ་གྲོངས་ཡོད་འདུག 

དེ་ནས་དགོན་པའི་རྒྱབ་རིའི་ངོས་ཀྱི་དགེ་འདུན་པའི་སྐུ་ཕུང་སྦྱིན་སྲེག་གནང་ཡུལ་དེར་གདན་འདྲེན་ཞུས་ཏེ། རོང་པོ་དགོན་པའི་དགེ་འདུན་པ་དང་ས་གནས་མི་མང་བཅས་ཀྱིས་སྨོན་ལམ་གསུང་བཞིན་སྐུ་ཕུང་ཞུགས་འབུལ་ཞུས་ཡོད་ཅིང་། སྐབས་དེར་སྐྱ་སེར་མང་ཚོགས་ ༧༠༠༠ ལྷག་འདུ་འཛོམས་ཀྱིས་གདུང་སེམས་མཉམ་སྐྱེད་དང་མྱ་ངན་གྱི་རྣམ་པ་བསྟན་ཡོད་འདུག

འདས་པོ་དམ་པ་བསོད་ནམས་དར་རྒྱས་ལགས་ནི། རེབ་གོང་རྫོང་གཉན་ཐོག་ཞང་། ཤ་བྲང་སྡེ་བའི་བོན་རྒྱ་ཚོ་བ་ནས་ཡིན་ཞིང་། (གཅེས་མིང་ལ་བསོད་ལོ)ཟེར་གྱི་ཡོད་འདུག ད་ལྟ་རང་ལོ་ ༤༤ དང་། ཕ་མིང་ལ་ཤ་མོ(ཚེ་འདས)དང་། མ་མིང་ལ་ལྕགས་མོ་རྒྱལ་ལོ་ན་ ༧༨ ཙམ་ཡིན་འདུག ཁོང་གི་སྐྱེས་དམན་གྱི་མིང་ལ་སྒྲོལ་དཀར་སྐྱིད་ཟེར་ཞིང་། ཁོང་གཉིས་ལ་བུ་གཉིས་དང་བུ་མོ་གཅིག་བཅས་ཡོད་འདུག

བློ་བཟང་ཚུལ་ཁྲིམས། Lobsang Tsultrim

At 16/3/2012 a monk immolated himself in Ngapa district. His name is Lobsang Tsultrim and 20 years old. His father's name is Yeshe and mother is Tsedon. When he was burning on the street of Ngapa town police came there and he was beaten badly. After that he was took by police on a truck. Many people could see that he rised up his hand voiced up still.  

ཕྱི་ལོ་༢༠༡༢/༠༣/༡༦ ཕྱི་དྲོའི་བོད་ནང་གི་ཆུ་ཚོད་ ༥ ཙམ་ལ་མདོ་སྨད་རྔ་པ་ཀིརྟི་དགོན་པའི་རྒྱུད་པ་གྲྭ་ཚང་གི་གྲྭ་བློ་བཟང་ཚུལ་ཁྲིམས། རང་ལོ་ ༢༠ ། ཕ་མིང་ལ་ཡེ་ཤེས། མ་མིང་ལ་ཚེ་སྒྲོན་ཡིན་པ་ཁོང་གིས་རྔ་པ་རྫོང་མཁར་སྟོད་ཕྱོགས་ཀྱི་གཞུང་ལམ་སྟེང་ངོ་རྒོལ་སྐད་འབོད་བྱེད་བཞིན་རང་ལུས་མེར་བསྲེགས་བཏང་འདུག

འདི་གར་བཏང་བའི་གནས་ཚུལ་ནང་བཀོད་དོན། “ ཁོང་གིས་རང་ལུས་མེར་བསྲེགས་གཏོང་ས་ནས་ཡར་གོམ་བགྲོད་བྱེད་བཞིན་པའི་སྐབས་དེར། ཁོང་གི་མདུན་ཕྱོགས་ནས་དྲག་ཆས་ཉེན་རྟོག་པ་སོགས་རྒྱུགས་ཡོང་སྐབས་ཁོང་མར་འཁོར་ནས་སྐད་འབོད་བྱེད་བཞིན་རྒྱུགས་ཡོད་ཀྱང་། སྐབས་དེར་དེའི་ཕྱོགས་ཀྱི་ཉེན་རྟོག་པ་ཞིག་གིས་གཞུས་ནས་ཐང་ལ་འགྱེལ་བཅུག་ཡོད་འདུག

ཉེན་རྟོག་པས་ཁོང་གི་སྐུ་ལུས་ལ་འབར་བཞིན་པའི་མེ་བསད་དེ་བཙན་ཁྲིད་བྱས་ཡོད་ཅིང་། རླངས་འཁོར་གྱི་སྒམ་ཤིང་ནང་དུ་གཡུགས་ཏེ་དྲག་ཆས་ཉེན་རྟོག་པ་སོགས་ཀྱིས་མནན་ནས་འགྲོ་སྐབས་ཀྱང་ལག་པ་གནམ་ལ་བཀྱགས་ཏེ་སྐད་འབོད་བྱེད་ཀྱིན་ཡོད་པ་དངོས་སུ་མཐོང་འདུག འོན་ཀྱང་ཁོང་གིས་འབོད་ཚིག་ཅི་ཞིག་སྒྲོག་ཡོད་མེད་ཤེས་རྟོགས་ཐུབ་མི་འདུག
ཁོང་ནི་རྔ་པ་རྫོང་ཆོས་རྗེ་མ་ཞང་སོ་རུ་མ་སྡེ་བའི་ཡེ་ཤེས་ཚང་ཡིན་ཞིང་། མིང་སྲིང་བཞི་ཡོད་པའི་ནང་གི་ཆེ་ཤོས་ཡིན་འདུག་ལ། ཁོང་ལོ་ན་བརྒྱད་ཙམ་ནས་རྔ་པ་ཀིརྟི་དགོན་པར་ཆོས་ཞུགས་བྱས་ནས་སྐབས་དེར་ཀིརྟིའི་དགོན་ནང་བསྟན་གཞོན་ནུའི་རིགས་སློབ་ཁང་ཞེས་པའི་ཀིརྟི་དགོན་པའི་སློབ་གྲྭའི་ནང་འཛུལ་ཞུགས་བྱས་ཤིང་། ༢༠༠༣ ལོར་སློབ་གྲྭ་སྒོ་རྒྱབ་རྗེས་གསང་སྔགས་རྒྱུད་པ་གྲྭ་ཚང་དུ་ཞུགས་ནས་འདོན་ཆོས་སྤྱོད་སོགས་ལ་སློབ་སྦྱོང་རྩེར་སོན་གྱི་གྲས་ཤིག་དང་གཉོམ་ཆུང་ཚུལ་མཐུན་ཞིག་ཡིན་འདུག

News from 

http://www.tibettimes.net/news.php?showfooter=1&id=5741 

འཇམས་དབྱངས་དཔལ་ལྡན། Jamyang Palden

At 14/3/2012 a monk immolated himself in Amdo Rebgong. According to the reporting. A monk from Rongpo monastery,  

འདོན་སྤེལ། ༢༠༡༢/༠༣/༡༤

དེ་རིང་ཞོགས་པར་བོད་ཨ་མདོ་རེབ་གོང་རོང་བོ་དགོན་ཆེན་གྱི་གྲྭ་འཇམ་དབྱངས་དཔལ་ལྡན་ལགས་ཀྱིས་རེབ་གོང་རོང་བོ་དགོན་པའི་མདུན་ཐང་དུ་རང་ལུས་མེར་བསྲེགས་བཏང་ཡོད་འདུག

ད་ལྟ་རིང་ངྷ་སར་གནས་བཞུགས་ཤར་ཕྱོགས་ཁུག་རྟ་ལགས་ཀྱིས་གནས་ཚུལ་ཁོ་སྤྲོད་བྱས་པ་ལྟར་ན། དེ་རིང་ཞོགས་པ་བོད་ནང་གི་ཆུ་ཚོད་ ༡༠།༣༠ སྟེང་རེབ་གོང་རོང་བོ་དགོན་ཆེན་གྱི་གྲྭ་འཇམ་དབྱངས་དཔལ་ལྡན་༼ སྐྱེས་ཡུལ་རེབ་གོང་རྒྱལ་བོ་ལྡོང་ངེ། ད་ལྟ་རང་ལོ་ ༣༤ ཡིན་པ ༽ཁོང་གིས་རོང་བོ་དགོན་པའི་མདུན་ཐང་། སྒྲོལ་མ་ཐང་ཟེར་བ་དེ་ནས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་ཡོད་འདུག་ཅིང་། དེ་མ་ཐག་རྒྱ་ནག་གི་དམག་མི་དང་དགོན་པའི་ཆོས་དོན་ལས་ཁུངས་ཀྱི་མི་སྣ་མཉམ་རུབ་ཐོག་ཉེ་འཁྲིས་སུ་ཡོད་པའི་རྨ་ལྷོ་ཁུལ་གྲོང་ཁྱེར་གྱི་སྨན་ཁང་ཞིག་ཏུ་འཁྱེར་ཡོད་ཀྱང་། དེ་གར་གནས་ཚུལ་ཅི་བྱུང་གསལ་བོ་མ་ཤེས་ཀྱང་། དུས་ཡུན་ཐུང་ངུ་ལས་མ་འགོར་བར་ཕྱིར་དགོན་ནང་གདན་འདྲེན་ཞུས་ཏེ། ད་ལྟ་ས་གནས་ཀྱི་སྐྱ་སེར་མང་པོ་ཞིག་སྒྲོལ་མ་ཐང་ཆེན་དུ་འཛོམས་ཏེ་སྨོན་ལམ་གསུང་པ་དང་། སྐད་འབོད་རྒྱག་པ་སོགས་བྱེད་ཀྱི་ཡོད་པ་དང་། རྒྱ་གཞུང་གི་དམག་མི་དང་ཉེན་རྟོག་པ་ཕོན་ཆེན་འབྱོར་ཏེ་དགོན་པ་ཡོངས་སུ་བསྐོར་ཏེ་གནས་སྟངས་ཛ་དྲག་ཆགས་ཡོད་འདུག 

At 14/3/2012 a monk immolated himself in Amdo Rebgong. According to the reporting. A monk from Rongpo monastery, named Jamyang Palden, 34 years old immolated himself freedom of Tibet. He burnt himself at Dolma palce infront Rebgong monastery. At that time Local Chinese police came there and took him to Malo city. After a short time he was took back to monstery. Local Tibetans gathered at Dolma place and protesting to the Chinese government and praying. So, According to the reporter nobody can know that this monk dead or alive in this time.

དགེ་པེ། Gepe

At 10^th March 2012, 5pm in Tibet time. A monk immolated himself in Ngawa district and he dead at right that place.

ཟླ་འདིའི་ཕྱི་ཚེས་ ༡༠ ཉིན་གྱི་ཉིན་གྱི་ཕྱི་དྲོའི་བོད་ནང་གི་ཆུ་ཚོད་ ༥ ཙམ་ལ་རྔ་པ་རྫོང་ཚོས་རྗེ་མ་ཞང་སོ་རུ་སྡེ་བ་ནས་ཡིན་པ་རྔ་པ་ཀིརྟི་དགོན་གྱི་གྲྭ་དགེ་པེ། རང་ལོ་ ༡༨ ། ཕ་མིང་ལ་ཕྱག་རྡོར། མ་མིང་ལ་ཆཱ་ཁོ་ཡིན་པ་ཁོང་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་སྐུ་སྲོག་ཤོར་ཡོད་འདུག
དགེ་པེ་ལགས་ཀྱིས་རང་ལུས་མེར་བསྲེགས་གནང་ས་དེ་ནི། ཕྱི་ལོ་ ༡༩༥༠ ཙམ་ལ་རྒྱ་ནག་གི་བཅིང་གྲོལ་དམག་ཟེར་བ་ཐོག་མར་བསླེབས་ཏེ་དམག་སྒར་བརྒྱབ་ཡོད་པའི་རྒྱབ་ལོགས་ཡིན་སྟབས། ཁོང་གི་ཕུང་པོ་དམག་མི་ཚོས་དམག་སྒར་དུ་ཁྱེར་ཡོད་པ་དང་། ཁ་སང་ཕྱི་ཚེས་ ༡༡ ཉིན་འབྲེལ་ཡོད་མི་མང་སྐོར་ཞིག་གིས་དམག་མི་ཚོར་ཕུང་པོ་ནང་མིར་སྤྲོད་དགོས་པའི་རེ་འདུན་བཏོན་ཏེ། ཁ་རྩོད་མང་པོ་བྱས་མཐར་ཕྱི་ཚེས་ ༡༡ ཉིན་གྱི་མཚན་མོ་རྔ་པ་ནས་ཕུང་པོ་མེར་བསྲེགས་གཏོང་རྒྱུ་དང་། དེར་འབྲེལ་ཡོད་མི་ ༥ ཙམ་ཡོང་ཆོག་ཐག་གཅོད་ཅིག་བྱས་ཡོད་པ་ལྟར། མཚན་མོའི་ཆུ་ཚོད་ ༡༠ ཙམ་ལ་དམག་མིས་དམ་དྲག་ཆེན་པོའི་འོག་དུར་སའི་ནང་མེར་བསྲེགས་གཏོང་དགོས་བྱུང་ཡོད་འདུག

At 10^th March 2012, 5pm in Tibet time. A monk immolated himself in Ngawa district and he dead at right that place. He is 18 years old, his name is Gepe and a monk from Kirti monastery in Amdo Ngawa. His father’s name is Chador, passed away some years ago and mother is Chakho.

At that day he immolated himself behind a Chinese malitery camp.  It is against to Chinese government freedom of Tibet. After burning himself he dead and his body was took to the malitery camp by army. Local people went there and requested them to get his body back to his family. 

རྡོར་རྗེ། Dorje

At 5/3/2012 a young man immolated himself and dead.

༢༠༡༢/༠༣/༠༥ ཕྱི་དྲོར་བོད་ཨ་མདོ་རྔ་པ་རྫོང་གཅའ་རུ་བའི་གཤོག་སྨད་མའི་རང་ལོ་ ༡༨ ཡིན་པ་རྡོ་རྗེ་ལགས་ཀྱིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག

རིང་ཕྱི་དྲོའི་བོད་ནང་གི་དུས་ཚོད ༦།༣༠ ཙམ་ལ། རྔ་པ་རྫོང་གཅའ་ཞང་གཅའ་རུ་བའི་གཤོག་སྨད་མའི་མགར་སྐྱ་ཚང་གི་བུ་རྡོ་རྗེ། རང་ ལོ ༡༨ ། ཕ་མིང་ལ་ཅཱ་ཅཱ་ཡིན་པ་ཁོང་གིས་རང་ལུས་མེར་བསྲེགས་ཀྱིས་རྒྱ་ནག་གཞུང་གིས་བོད་ཐོག་འཛིན་པའི་སྲིད་ཇུས་ལ་ངོ་རྒོལ་སྐད་འབོད་བྱེད་བཞིན་གཅའ་ཞང་ཐོག་དང་ཐག་ཉེ་བའི་ ཟམ་ཁ་ཞིག་ནས་གཅའ་ཞང་ཐོག་གི་རྒྱ་མིའི་ལས་ཁུངས་ཡོད་ས་པར་གོམ་བགྲོད་གནང་ཡོད་འདུག
གནས་ཚུལ་འགྲེལ་བརྗོད་པས་བཤད་ན་པ་ལྟར་ན་དུས་ཐོག་ལ་ཉེན་རྟོག་པ་དང་དྲག་ཆས་ཉེན་རྟོག་པ་སོགས་སླེབས་མེད་པ་དང་ས་གནས་ཀྱི་བོད་མི་རྣམས་ཀྱིས་མེ་མ་བསད་པར་འབར་བཅུག་ཡོད་སྟབས་མེས་ཤུགས་ཆེན་པོ་ཚིགས་ཏེ་སྐབས་ཐོག་དེར་སྐུ་གྲོངས་ཡོད་ཅིང་། བོད་མི་རྣམས་ཀྱིས་ཕུང་པོ་ཁྱེར་བརྩིས་བྱས་སྐབས་ཉེན་རྟོག་པ་སོགས་སླེབས་ཏེ་ཕུང་པོ་བཙན་འཕྲོག་གིས་རྔ་པ་རྫོང་ཐོག་ཏུ་ཁྱེར་ཡོད་འདུག གཅའ་ཞང་ནི་རྔ་པ་རྫོང་ཐོག་ནས་ཤར་ཕྱོགས་སུ་སྤྱི་ལེ་ ༧༠ ཙམ་གྱི་སར་ཡོད་པ་དང་། དེང་སྐབས་རྒྱ་ནག་གིས་ས་བགོས་བྱེད་སྟངས་ལྟར་ན་འབྲོག་སྡེ་གཅའ་རུ་བ་དང་། རྭ་རུ་བ། ནག་ཚང་མ་བཅས་ཀྱི་ཞང་ཡིན་འདུག 

At 5/3/2012 a young man immolated himself and dead. According to the reporting at the date in Tibet time around 6:30pm a man named Dorje, 18 years old immolated himself for freedom of Tibet and dead at the right place. He is from Charu vellage in Amdo Ngawa district. His father’s name is Cha Cha. When he was burning walking ahead to the loacal Chinese head office and after that he dead.

ཪིན་ཆེན། Rinchen

At 4/3/2012 a woman immolated herself in Ngapa and dead.

ཕྱི་ལོ་ ༢༠༡༢/༠༣/༠༤ ཞོགས་པར་རྔ་པ་ཀིརྟི་དགོན་པའི་རྒྱ་གཞུང་ཉེན་རྟོག་ལས་ཁུངས་སྒོ་ཁར། བོད་རིགས་བུད་མེད་ཅིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་ཏེ་སྐུ་གྲོངས་འདུག   

གནས་ཚུལ་འབྱོར་གསལ་ལ། གོང་ཚེས་ཞོགས་པའི་བོད་ནང་གི་ཆུ་ཚོད་ ༦།༣༠ ཙམ་ལ་རྔ་པ་ཀིརྟི་དགོན་པའི་སྒོ་ཆེན་འགྲམ་དུ་གཏན་སྡོད་བྱས་ནས་ཡོད་པའི་ཀིརྟི་དགོན་པར་དམིགས་བསལ་ལྟ་སྲུང་བྱེད་མཁན་གྱི་ཉེན་རྟོག་ལས་ཁུངས་སྒོ་མདུན་དུ། རྔ་པ་རྫོང་གཅའ་ཞང་རྭ་རུ་བའི་ལམ་དཀར་ཚང་གི་མནའ་མ་རིན་ཆེན་ཞུ་པ། ཕ་མིང་ལ་ར་སྣ། མ་མིང་ལ་ལྷ་ཁོ། རང་ལོ་ ༣༢ ཡིན་པ། ཁོང་མོས་རྒྱལ་བ་རིན་པོ་ཆེ་བོད་ལ་ཕེབས་དགོས། བོད་ལ་རང་དབང་དགོས་ཞེས་ཞུ་འབོད་གནང་བཞིན་རང་ལུས་མེར་བསྲེགས་བཏང་སྟེ། ས་གནས་དེ་ཀ་རང་དུ་སྐུ་གྲོངས་ཡོད་འདུག 

རིན་ཆེན་ལགས་ནི་ནགས་ཚང་མའི་ར་སྣ་ཚང་གི་ཕ་ར་སྣ་དང་མ་ལྷ་ཁོ་གཉིས་སུ་སྐྱེས་ཤིང་། རྗེས་སུ་རྭ་རུ་བའི་ལམ་དཀར་ཚང་གི་བུ་བྷུ་ངྷ་ཟེར་བའི་མནའ་མར་སོང་ཡོད་ཅིང་། མི་ཚང་དེར་གཟའ་མི་ཁྱོན་བརྒྱད་ཡོད་པ་དང་། ཁོང་ལ་ཕ་མ་གཅིག་པའི་མིང་སྲིང་བརྒྱད་ཡོད་པའི་ནང་ནས་ཁོང་ཆེ་ཤོས་གཉིས་པ་དེ་ཡིན་འདུག  སྐབས་ཐོག་དེར་ཁོང་གི་སྐུ་ཕུང་དགོན་པའི་ནང་ཡར་འཁྱེར་ཐུབ་པ་བྱུང་ཡོད་མོད་དེའི་རྗེས་སུ་སྐུ་ཕུང་རྒྱ་གཞུང་གིས་བཙན་འཕྲོག་བྱས་ཡོད་མེད་ཀྱི་གནས་ཚུལ་ཤེས་རྟོགས་མ་བྱུང་། 

At 4/3/2012 a woman immolated herself in Ngapa and dead. According to the reporting at the date in Tibet time around 6:30 am. A woman named Rinchen, 32 year old. Her mother name is Lhakho and father Rana. She immolated herself in front of the special police statation near Kirti monastery. When she was burning shouted “return to Tibet H.H the Dalai Lama” “freedom of Tibet”. After words she was burnt compaleted and dead at the right place. 

ཚེ་རིང་སྐྱིད། Tsering Kyi

On 4^th March 2012. One school girl immolated herself for freedom of Tibet and dead.

གཟའ་སྤེན་པའི་ཉིན་མདོ་སྨད་རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་བུ་མོ་ཞིག་གིས་རྫོང་གི་སྔོ་ཚལ་ཁྲོམ་རའི་ནང་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་འདས་གྲོངས་སུ་ཕྱིན་འདུག

མདོ་སྨད་སྤྱི་འཐུས་སྒྲོལ་དཀར་སྐྱབས་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༣ ཉིན་གྱི་བོད་ནང་གི་ཕྱི་དྲོ་ཆུ་ཚོད་ ༣ པ་ཡས་མས་སུ། མདོ་སྨད་རྨ་ཆུ་རྫོང་ཁྲོ་ཁོ་སྨད་མ་ཞང་གི་ཕ་བསོད་ནམས་ཡེ་ཤེས་ཀྱི་རང་ལོ་ ༡༩ ཡིན་པའི་བུ་མོ། རྨ་ཆུ་རྫོང་བོད་ཡིག་སློབ་འབྲིང་གི་སློབ་མ་ཚེ་རིང་སྐྱིད་ལགས་ཀྱིས། ཉིན་དེར་རྨ་ཆུ་རྫོང་རྨ་ཆུ་ལམ་དུ་ཡོད་པའི་སྔོ་ཚལ་ཁྲོམ་རའི་ཉེ་འགྲམ་གྱི་ར་སྐོར་ཞིག་གི་ནང་ལུས་ལ་སྣུམ་བླུགས་པ་དང་མེར་བསྒྲོན་ཏེ། སྔོ་ཚལ་ཁྲོམ་རའི་ཁྲོམ་གཞུང་དུ་ཐོན་སྐབས། སྔོ་ཚལ་བཙོང་མཁན་གྱི་རྒྱ་རིགས་ཚོང་པ་ཚོས་རྡོ་རུབ་བརྒྱབ་པ་དང་། དྲག་ཆས་ཉེན་རྟོག་པ་བསླེབས་ཏེ་རྡོ་དང་ལྕག་དབྱུག་གིས་གཞུས་ཏེ་ལུས་སྟེང་གི་མེ་བསད་རྗེས་འདས་གྲོངས་སུ་ཕྱིན་ཡོད་ཀྱང་། ཉེན་རྟོག་པས་ཁོ་མོའི་སྐུ་ཕུང་ནང་མིར་རྩིས་སྤྲོད་མ་བྱས་པར་བཙན་འཁྱེར་བྱས་ཡོད་འདུག

On 4^th March 2012. One school girl immolated herself for freedom of Tibet and dead.

According the reporting at the date in Tibet time 3pm around, one school girl from Machu district, Amdo and 19 years old. Her name is Tsering Kyi. She was learning in a middle high school. After self immolation she was dead because she was beaten badly by the local Chinese vegetable sellers and police.  

སྣང་གྲོལ། Nangdol

At 19/2/2012, In Ngawa Zamthang, Amdo a man immolated himself. His father is Chenzig and mother is Nyingmo. His name is Nangdol and 18 years old. He burnt himself near the Jonang Zamthang Monastery. Ather the immolation protest to the Chinese government he died. According to the reporter said that, during immolation Chinese polices and army came there and they tried to take his body to the police station, but local monks and people keeped his body and took to the Jonang monastery for praying.

དེ་རིང་བོད་ནང་གི་ཆུ་ཚོད་ ༢ ཙམ་གྱི་སྟེང་། མདོ་སྨད་རྔ་པ་ཁུལ་ཛམ་ཐང་བར་མ་ཡུལ་ཚོའི་མི་སྐྱ་སྣང་གྲོལ་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་འདུག

དེ་རིང་བོད་ནང་གི་ཆུ་ཚོད་ ༢ ཙམ་ལ་མདོ་སྨད་རྔ་པ་ཁུལ་ཛམ་ཐང་བར་མ་ཡུལ་ཚོ་ཆོས་རྗེ་ཚོ་བའི་སྡེ་མི་ཕ་སྤྱན་གཟིགས་དང་མ་སྙིང་མོ་གཉིས་ཀྱི་བུ་རང་ལོ་ ༡༨ ཡིན་པའི་སྣང་གྲོལ་ལགས་ཀྱིས། ཇོ་ནང་ཛམ་ཐང་དགོན་བསམ་འགྲུབ་ནོར་བུའི་གླིང་གི་ཉེ་འཁྲིས་སུ་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་འདུག

ཇོ་ནང་འགྲོ་ཕན་ལྷན་ཚོགས་ཀྱི་ཚོགས་གཙོ་ཚངས་དབྱངས་རྒྱ་མཚོ་ལགས་ཀྱིས་འདི་གར་གནས་ཚུལ་བརྗོད་པ་ལྟར་ན། ཁོང་གི་སྐུ་ལུས་མེར་བསྲེགས་གཏོང་སྐབས་ས་གནས་ཉེན་རྟོག་པ་སླེབས་ཏེ་ཁོང་གི་སྐུ་ཕུང་བཙན་འཕྲོག་བྱེད་རྩིས་བྱས་ཡོད་པ་དང་། སྐབས་དེར་ཇོ་ནང་དགོན་པའི་གྲྭ་བ་མང་པོ་འབྱོར་ཏེ་ཉེན་རྟོག་པའི་ལག་ནས་སྐུ་ཕུང་ཚུར་འཕྲོག་ཐུབ་ཡོད་འདུག ད་ལྟ་ཁོང་གི་སྐུ་ཕུང་འཛམ་ཐང་དགོན་ཆེན་དུ་ཁྱེར་ཏེ་ཕོ་ལུང་དང་བསྔོ་སྨོན་འདོན་བཞིན་ཡོད་འདུག

དམ་ཆོས། Damchoe

At 17/2/2012, in Themchen district, Tsongon a monk immolated himself for save Tibet. His name is Damche  from Bongtag monastery. He was a teacher and a controller in the monastery. After immolation protest to the Chinese government he died.

༢༠༡༢/༠༢/༡༧ ཉིན་མཚོ་སྔོན་ཞིང་ཆེན་ཐེམ་ཆེན་རྫོང་སེང་གེ་ཞང་རུ་ཁག་གཉིས་པའི་གྲྭ་དམ་ཆོས་ལགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག

དེ་རིང་ཕྱི་ཚེས་ ༡༧ ཉིན་གྱི་བོད་ནང་གི་ཞོགས་པའི་ཆུ་ཚོད་༦ ཙམ་ལ། མདོ་སྨད་མཚོ་སྔོན་ཐེམ་ཆེན་རྫོང་སེང་གེ་ཞང་རུ་ཁག་གཉིས་པའི་གྲྭ་དམ་ཆོས་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་ཡོད་པ་དང་། ཁོང་ནི་བོང་སྟག་དགོན་པའི་དགེ་བསྐོས་ཟུར་པ་དང་དགོན་པའི་དཔེ་ཁྲིད་དགེ་རྒན་དང་། དགོན་པ་དེའི་ཆོས་ལུགས་དོ་དམ་ཚོགས་པའི་འཐུས་མི་ཡང་ཡིན་འདུག ད་ལྟ་བོང་སྟག་དགོན་པར་རྒྱ་ནག་ཉེན་རྟོགས་དམག་མིའི་དམ་དྲག་ཤུགས་ཆེན་པོ་བྱས་ཡོད་པ་དང་།  ལམ་མདོ་ཁག་ཏུ་དམག་མིས་བཀག་སྡོམ་བྱས་ཏེ་མང་ཚོགས་ཡར་དགོན་པའི་ནང་འགྲོ་བསྐྱོད་བྱེད་འཇུག་གི་མེད་པ་མ་ཟད། ས་ཁུལ་དེའི་ནང་ཁ་པར་སོགས་བརྡ་འཕྲིན་བརྒྱུད་ལམ་ཆ་ཚང་བཀག་སྡོམ་བྱས་ཡོད་འདུག

བློ་བཟང་རྒྱ་མཚོ། Lobsang Gyatso

13/2/2012, After noon a monk from Ngawa Kirti monastery did self-immolation. His name is Lobsang Gyatso and 19 years old. 

He burnt himself in Ngawa district and protesting to Chinese government. After some minutes police came there and beating badly and took to police station. 

༡༣།༢།༢༠༡༢ ཉིན་རྒྱབ་བོད་ནང་གི་ཆུ་ཚོད་ ༢།༣༠ཙམ་ལ་བོད་མདོ་སྨད་རྔ་པ་རྫོང་གཅའ་ཞང་ནག་ཚང་མའི་བཛྲི་ཚང་གི་ཕ་བཛྲི་དང་མ་པད་དཀར་གཉིས་ཀྱི་བུ་རང་ལོ་ ༡༩ ཡིན་པའི་རྔ་པ་ཀིརྟི་དགོན་པའི་གྲྭ་བློ་བཟང་རྒྱ་མཚོ་ལགས་ཀྱིས་རང་ལུས་མེར་བསྲེགས་བཏང་འདུག

གྲྭ་བློ་བཟང་རྒྱ་མཚོ་ལགས་ཀྱིས་རྔ་པ་རྫོང་རྫོང་མཁར་གྱི་གཞུང་ལམ་དབུས་མའི་མགོ་སྟོད་ནས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་སྐད་འབོད་བྱས་འདུག་ཀྱང་།སྐབས་ཐོག་དེར་དྲག་ཆས་ཉེན་རྟོག་པ་དང་དམིགས་བསལ་ཉེན་རྟོག་པ་སོགས་སླེབས་ཏེ་ཁོང་གི་སྐུ་ལུས་ལ་འབར་གྱིན་པའི་མེ་བསད་དེ་གཅར་རྡུང་གཏོང་བཞིན་བཙན་ཁྲིད་བྱས་འདུག་པས་ཤི་གསོན་གྱི་གནས་ཚུལ་ཤེས་རྟོགས་མ་བྱུང་། ཁོང་ཚང་ལ་ནང་མི་ ༧ དང་མིང་སྲིང་ ༤ ཡོད་པའི་ཁོང་ནི་ཆེ་ཤོས་ཡིན་ཞིང་། ཁོ་རང་འཛིན་གྲྭའི་ནང་གི་སློབ་སྦྱོང་དང་སྤྱོད་ལམ་ཡག་ཤོས་ཤིག་དང་། ཚོགས་གླེང་ཐེངས་མང་གནང་མྱོང་མཁན་ཞིག་ཡིན་འདུག

བསྟན་འཛིན་ཆོས་སྒྲོན། Tenzin Choedon

At 11/02/2012, A nun of Mama nunnery in Ngaba district immolated herself for Tibet and Tibetans. Her name is Tenzin Choedon, 18 years old. Her mother's name Tsepo and father is Lope. When she was a kid she went to a local school in the district for three years. After words she joined Mama nunnery in upper Ngaba. After burning herself she was taken by Chinese police to Barkham town. According to continuous news after burning herself she was dead.  

༢༠༡༢/༠༢/༡༡ ཕྱི་དྲོ་བོད་ནང་གི་ཆུ་ཚོད་ ༦ ཙམ་རྔ་པ་རྫོང་རྭ་རུ་བའི་མདོ་ཤིས་སྐལ་རྒྱམ་ཚང་གི་མ་མའི་བཙུན་དགོན་གྱི་བཙུན་མ་བསྟན་འཛིན་ཆོས་སྒྲོན། རང་ལོ་ ༡༨ ། ཕ་མིང་ལ་བློ་པེ་དང་། མ་མིང་ལ་ཚེ་པོ་ཡིན་པ་ཁོང་མོས་བཙུན་དགོན་ཞོལ་གྱི་བསུ་མདོའི་ཟམ་ཁ་ནས་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་ཤིང་། སྐབས་ཐོག་དེར་གྲོངས་མེད་ནའང་། དེ་མ་ཐག་དམག་མི་དང་ཉེན་རྟོག་པ་སླེབས་ནས་འབར་ཁམས་སུ་ཐད་ཀར་ཁྱེར་ཡོད་འདུག རྗེས་སུ་མུ་མཐུད་གནས་ཚུལ་ཐོན་གསལ་ལྟར་ན་ཁོང་སྨན་ཁང་དུ་སྐུ་གྲངས་ཡོད་འདུག 

ཁོང་མོ་ཆུང་ཆུང་སྐབས་གཅའ་ཞང་ཐོག་ནས་ལོ་ ༣ ཙམ་རིང་སློབ་གྲྭར་སོང་ཞིང་། དེ་རྗེས་རྔ་སྟོད་མ་མའི་བཙུན་དགོན་དུ་བཙུན་མ་བྱས་འདུག ཁོང་མོར་ནང་མི་ ༡༢ ཡོད་པ་དང་། མིང་སྲིང་བཞི་ཡོད་པའི་ཆེ་ཤོས་ཁོང་མོ་ཡིན་འདུག རྒྱུན་ལྡན་སྨྲ་བ་ཉུང་ཞིང་དགོན་པའི་སྒྲིག་ལམ་ཚུལ་བཞིན་སྲུང་ནས་སློབ་སྦྱོང་ལ་དོ་སྣང་ཆེན་པོ་དང་སློབ་སྦྱོང་གི་གྲུབ་འབྲས་ཧ་ཅང་ཡག་པོ་ཡོད་མཁན་གྱི་དཔའ་འཛངས་གཉིས་ལྡན་གྱི་བུ་མོ་ཡ་རབ་ཞིག་ཡིན་འདུག

དེ་རྗེས་དམག་མི་དང་ཉེན་རྟོག་པས་མ་མའི་བཙུན་དགོན་ཡོངས་སུ་བསྐོར་ནས་དམ་དྲག་ཆེན་པོ་བྱས་ཡོད་པས་བཙུན་དགོན་ནང་གི་གནས་ཚུལ་ཤེས་རྟོགས་མ་བྱུང་། མ་མའི་བཙུན་དགོན་ནི་བདེ་ཆེན་ཆོས་འཁོར་གླིང་ ནི་རྔ་པ་རྫོང་དང་བར་ཐག་སྤྱི་ལེ་གསུམ་ལྷག་གི་ས་ན་ཡོད་པའི་རྔ་པའི་བཙུན་དགོན་ ཆེ་ཤོས་དེ་ཡིན་ཞིང་། དེང་སྐབས་བཙུན་མ་ ༣༥༠ ལྷག་ཡོད། ལོ་སྔོན་མའི་ཕྱི་ཟླ་ ༡༠ ཚེས་ ༡༧ ཉིན་བཙུན་དགོན་འདིའི་བཙུན་མ་བསྟན་འཛིན་དབང་མོ་ལགས་ཀྱིས་རང་ལུས་མེར་སྲེག་གིས་ངོ་རྒོལ་སྐད་འབོད་གནང་ཞིང་། དེ་མ་ཐག་འདས་གྲོངས་སུ་གྱུར་ཡོད། ཕྱི་ལོ་༢༠༠༨ ལོར་བཙུན་དགོན་གྱི་བཙུན་རྣམས་ཀྱིས་ནང་པའི་ཆོས་དར་དང་༸གོང་ས་མཆོག་གི་སྐུ་པར་བཟུང་ནས་རྔ་པའི་ཁྲོམ་ས་ཡོངས་ལ་ཞི་བའི་གོམས་བགྲོད་གནང་ཞིང་དེ་རྗེས་བཙུན་མ་མང་པོ་འཛིན་བཟུང་བཀག་ཉར་དང་། བཙུན་མ་ཁག་ཅིག་ལ་དུས་བཀག་བཙོན་འཇུག་གི་ཁྲིམས་ཐག་ཀྱང་བཅད་མྱོང་ཡོད།

བོད་ཀྱི་ལུས་བབ་ལས་དྲངས། 

བསོད་ནམས་རབ་ཡངས། Sonam Rabyang

At 8/2/2012, A monk of Lab monastery in Tridu district, (Zatoe district) in Kham province immolated himself. His name is Sonam Rabyang and 37 years old. After burning he was taken by police to the jail. 

After that over 600 hundred local people gathered in the district and chanted "return H. H. the Dalai Lama" "no religion free"  over and over again

ཕྱི་ཚེས་ ༨ ཉིན་ཁྲི་འདུ་རྫོང་དུ་ལབ་དགོན་པའི་དགེ་འདུན་པ་བསོད་ནམས་རབ་ཡངས་ཀྱིས་རང་ལུས་མེར་བསྲེགས་བཏང་འདུག

ཟླ་འདིའི་ཕྱི་ཚེས་ ༨ གྱི་ཉིན་རྒྱབ་ཙམ་ལ་ཁྲི་འདུ་རྫོང་ལབ་དགོན་པའི་རང་ལོ་ ༣༧ ཡིན་པའི་དགེ་འདུན་པ་བསོད་ནམས་རབ་ཡངས་ལགས་ཀྱིས་ཁྲི་འདུ་རྫོང་ཐོག་ཏུ་རང་ལུས་མེར་སྲེག་བཏང་ཡོད་པ་དང་། སྐབས་དེར་རྒྱ་གཞུང་ཉེན་རྟོག་དམག་མིས་བཙན་ཁྲིད་བྱས་ཡོད་འདུག གནས་ཡོང་ཁུངས་ཁག་གིས་བརྗོད་དོན་ལྟར་ན། རྒྱ་དམག་གིས་བཙན་འཁྲིད་སྐབས་དགེ་འདུན་པ་བསོད་ནམས་རབ་ཡངས་ལགས་འདས་གྲོངས་སུ་ཕྱིན་མེད་པ་དང་།  ད་ལྟ་ཁོང་ཟི་ལིང་དུ་བཙན་འཁྲིད་བྱས་ཡོད་པའི་ཚོད་དཔག་ཙམ་ལས། གར་ཡོད་དང་ཤི་གསོན་གྱི་གནས་སྟངས་གང་ཡང་ཤེས་རྟོག་བྱུང་མི་འདུག

གཞན་ཡང་། རྒྱ་གཞུང་གིས་ཆོས་ཕྱོགས་ཀྱི་བྱེད་སྒོ་བཀག་སྡོམ་བྱས་པ་ལ་བརྟེན་ནས། ཕྱི་ཚེས་ ༨ ཉིན་རྫ་སྟོད་རྫོང་དུ་བོད་མི་ ༦༠༠ ལྷག་ས་གནས་རྫོང་ཐོག་ཏུ་འདུ་འཛོམས་བྱས་ཡོད་པ་དང་། ཁ་སང་ཕྱི་ཚེས་  ༩ ཉིན་སླར་ཡང་མི་མང་ ༨༠༠ ལྷག་འདུ་འཛོམས་ཀྱིས། “ང་ཚོར་ཆོས་དད་རང་དབང་མི་འདུག རྒྱལ་བ་རིན་པོ་ཆེ་བོད་ནང་གདན་འདྲེན་ཞུ་དགོས” སོགས་ཀྱི་སྐད་འབོད་དང་། ༸གོང་ས་མཆོག་ཞབས་བརྟན་གསོལ་འདེབས་སྐྱོར་བཞིན་ཞི་བའི་སྒོ་ནས་རྔམ་སྟོན་ཁྲིམས་སྐོར་བྱས་ཡོད་ཀྱང་། སྐབས་དེར་རྒྱ་གཞུང་ཉེན་རྟོག་དམག་མིས་བོད་མི་འཇུ་བཟུང་གི་གནས་ཚུལ་བྱུང་འདུག 

དུས་བབ་དྲ་བ་ལས་དྲངས། 

རིན་འཛིན་རྡོ་རྗེ། Rigzin Dorje

At 8/2/2012 a former monk of Kirti monastery immolated himself. His name is Rigzin Dorje, His father's name Tsonkho and mother is Dungkar, from Ngaba district. After burning himself he was taken by Chinese police.

He is a very simple man and he likes keeping pigeons and other animals generously. One of his brother studying in Kirti Monastery in India. 
According to next reporting at 21/2/2012 he dead in a hospital. 

ཕྱི་ཟླ་ ༢ ཚེས་ ༨ ཉིན་རྔ་པ་རྫོང་རྨེའུ་རུ་མའི་རུ་ཆེན་གཉིས་པའི་མགར་བའི་བརྩོན་ཁོ་ཚང་གི་བུ་རིག་འཛིན་རྡོ་རྗེ་༼རྒྱུན་དུ་རིག་པེ་ཟེར ༽ རང་ལོ་ ༡༩ ཡིན་པ་ཁོང་གིས་རང་ལུས་མེར་སྲེག་བཏང་འདུག ཁོང་གི་ཕ་མིང་ལ་བརྩོན་ཁོ་དང་ཨ་མའི་མིང་ལ་དུང་དཀར་ཡིན་འདུག རང་ལུས་མེར་བསྲེགས་བཏང་རྗེས་རྒྱ་གཞུང་གི་ས་གནས་ཉེན་རྟོག་པ་དང་དམག་མིས་བཙན་ཁྲིད་བྱས་ཏེ་སྐབས་ཐོག་དེར་རྔ་པའི་སྨན་ཁང་དུ་ཁྱེར་ཞིང་དེ་རྗེས་འབར་ཁམས་སུ་ཁྱེར་འདུག་ཀྱང༌། ཕྱི་ཚེས་ ༨ ཉིན་གྱི་དགོང་མོ་ཁོང་ཤི་མེད་པ་ཙམ་ལས་དེ་རྗེས་ཤི་གསོན་གྱི་གནས་ཚུལ་གསལ་པོ་ཤེས་རྟོགས་ཐུབ་མེད། རྗེས་སུ་གནས་ཚུལ་ཤེས་གསལ་ལྟར་ཕྱི་ ༢ ཚེས་ ༢༡ ཉིན་ཁོང་སྨན་ཁང་ཞིག་སྐུ་གྲོངས་ཡོད་འདུག 
ཁོང་ཚང་ལ་ནང་མི་བརྒྱད་དང༌། ཕ་མ་གཅིག་པའི་མིང་སྲིང་དྲུག་ཡོད་པའི་ཁོངས་ནས་ཁོང་ཆུང་ཤོས་དང༌། མི་གཤིས་ཉོམ་ཆུང་ཞིག་ཡིན་འདུག་ལ། ཁོང་ནི་ནམ་རྒྱུན་ཕུག་རོན་མང་པོ་གསོ་སྐྱོང་བྱེད་རྒྱུར་དགའ་བའི་བྱམས་སེམས་ཅན་ཞིག་དང་། སྐབས་བབ་ཀྱི་ལས་ཀ་གང་ཞིག་ཡིན་ཡང་ཧུར་བརྩོན་ཆེན་པོས་སྒྲུབ་མཁན་ཞིག་ཀྱང་ཡིན་འདུག ཁོང་ཆུང་དུས་རྔ་པ་ཀིརྟི་དགོན་པར་གྲྭ་པ་བྱས་ཤིང་ཕྱི་ལོ་ ༢༠༡༠ ལོར་གྲྭ་པ་ལོགས་བྱས་ཏེ། དེང་སྐབས་འབྲོག་སར་ཕ་མའི་རྩར་བསྡད་ཡོད་ཅིང༌། ཁོང་གི་ཕ་གཅིག་པའི་སྤུན་རབ་བརྟན་ཟེར་བ་ཞིག་ཕྱི་ལོ་ ༢༠༡༡ ལོར་རྒྱ་གར་དུ་བཙན་བྱོལ་ལ་ཕེབས་ཡོད་པ་དེང་སྐབས་ཀིརྟིའི་བྱེས་པ་གྲྭ་ཚང་དུ་སློབ་གཉེར་བྱེད་མུས་ཡིན་འདུག

བློ་བཟང་འཇམ་དབྱངས། Losang Jamyang

"Beijing, January 15: Security forces clashed with angry Tibetans in southwestern China, shooting one person, after a man set himself on fire in the latest protest against Chinese rule, activist groups said."

At 14th January, a young Tibetan  immolated himself in Ngaba district, in west Tibet.  His name is Losang Jamyang and a former monk of Adue Monastery. He worked as an organizer of save Tibetan language activity. 

After he was beaten badly by Chinese police, at 16th January he was dead in a hospital in Bharkham town. When he was burning he shouted "return H. H. the Dalai Lama" "freedom of Tibet"

ཕྱི་ཚེས་ ༡༤ ཉིན་རྔ་པ་རྫོང་ཐོག་ཏུ་བོད་དོན་སྐད་འབོད་རྒྱག་བཞིན་རང་ལུས་མེར་བསྲེགས་གཏོང་མཁན་རྔ་པ་ཨ་འདུས་ཥེ་བ་སྡེ་བའི་བློ་བཟང་འཇམ་དབྱངས་ལགས་ཕྱི་ཚེས་ ༡༦ འབར་ཁམས་ནས་སྐུ་གྲོངས་འདུག

ཟླ་འདིའི་ཕྱི་ཚེས་ ༡༤ ཉིན་གྱི་བོད་ནང་གི་དུས་ཚོད་ ༡།༣༠ ཙམ་ལ་བོད་ཨ་མདོ་རྔ་པའི་ཨ་འདུས་ཥེ་བ་སྡེ་བའི་རྒྱ་མཚོ་ཚང་གི་ཕ་རྒྱ་མཚོ་དང་མ་ལྷ་ཆུང་གཉིས་ཀྱི་བུ་བློ་བཟང་འཇམ་དབྱངས། རང་ལོ་ ༢༡ ཡིན་པ་ཁོང་གིས་རྔ་པ་རྫོང་མཁར་གྱི་བཞི་མདོའི་གསང་སྤྱོད་ཅིག་གི་ནང་ནས་ལུས་ཡོངས་ལ་ས་སྣུམ་བྱུགས་ཤིང་རང་ལུས་མེ་རུ་བསྒྲོན་ཏེ “རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག བོད་ལ་རང་དབང་དགོས ” ཞེས་པའི་འབོད་ཚིག་སྒྲོག་བཞིན་གོམ་བགྲོད་བྱས་ཡོད་པ་དང་། སྐབས་དེར་གཡས་གཡོན་གྱི་ཉེན་རྟོག་པ་དང་དམག་མི་རྣམས་ཀྱིས་ཁོང་ལ་ལྕགས་མདུང་ འཛེར་མ་ཅན་སོགས་ཀྱིས་མེ་གསོད་རྒྱུའི་ཚབ་ཏུ་གཅར་རྡུང་དྲག་པོ་བཏང་བ་དང་། རས་དཀར་པོ་ཞིག་གིས་བཀབ་ནས་ཉེན་རྟོག་པ་དམག་མིས་རྡོག་རྫིས་བྱས་པ་སོགས་དེར་ཡོད་བོད་མི་རྣམས་ཀྱིས་བཟོད་ཐབས་བྲལ་ཏེ། རང་སྲོག་ལ་མ་འཛེམ་པར་གོ་མཚོན་ཐོགས་པའི་དམག་དཔུང་གི་མདུན་བཀག་སྟེ་ཁོང་ཚུར་ལེན་ཐབས་བྱས་ཀྱང་། མི་མང་ལ་གང་བྱུང་གཅར་རྡུང་དང་འཛིན་བཟུང་བྱེད་བཞིན་བཙན་འཁྲིད་བྱས་ཡོད་འདུག་ལ། སྐབས་དེར་མི་མང་པོ་ཞིག་ལ་རྨས་སྐྱོན་ཡང་ཕོག་ཡོད་པ་མ་ཟད། རྨེའུ་རུ་མའི་རུ་ཆེན་གཉིས་པའི་དགའ་ཚང་གི་ཆོས་ཀྱི་ཟླ་བ་རྔ་པ་རྫོང་སྨན་ཁང་དུ་ཡོད་ཀྱང་ཕལ་ཆེར་གསོན་པོ་ཡོང་རེ་མེད་པ་ལྟ་བུའི་གནས་སྟངས་ཆགས་ཡོད་པ་དང་། ཕོ་སར་གཉིས་ལ་གཅར་རྡུང་སྐབས་རྨས་སྐྱོན་ཚབས་ཆེན་ཕོག་ཡོད་ཅིང་། བུད་མེད་ཅིག་གི་མིག་ཡ་གཅིག་ལོང་བ་བཟོས་ཡོད་འདུག

མེ་མདས་རྨས་སྐྱོན་ཕོག་པ་བུད་མེད་གཉིས་ཡོད་པ་ལས་གནས་ཚུལ་ཞིབ་ཕྲ་ཤེས་རྟོགས་མ་ཐུབ་ཀྱང་། མི་མང་པོས་དེ་ལས་མང་བ་ཡོད་པའི་ཚོད་དཔག་བྱེད་ཀྱིན་ཡོད་པ་དང་། མི་མང་གི་མཐོང་སར་མི་མང་པོ་ཞིག་འཛིན་བཟུང་བྱས་ཡོད་ཀྱང་མིང་སོགས་གསལ་པོ་ཤེས་རྟོགས་མ་ཐུབ།

ཕྱི་ཚེས་ ༡༥ ཉིན་རྔ་པའི་ཁྲོམ་གཞུང་སོགས་ལ་བོད་མི་ཚོར་འཇིགས་སྐུལ་གྱི་སྦྱར་ཡིག་ཆེན་པོ་མང་པོ་སྦྱར་ཞིང་། དམག་མི་དང་ཉེན་རྟོག་པས་ཁྲོམ་གཞུང་སོགས་ལ་དོག་ཟོན་ནན་མོ་བྱས་ཡོད་ཀྱང་ཉིན་དེར་རྔ་པའི་ཁྲོམ་གཞུང་སོགས་ལ་བོད་མི་ཚོས་ལོ་སར་ཚེས་གཅིག་ཉིན་ཚོང་ཁང་དང་ཟ་ཁང་ཚང་མ་སྒོ་ཕྱེ་དགོས་པ་དང་། མི་མང་གིས་ཁྲོམ་གཞུང་ནས་ལྟོ་སྐྱ་གོས་ཧྲིལ་བྱས་ཏེ་མྱ་ངན་གྱིས་ལོ་གསར་པ་བསུ་དགོས་ཚུལ་འཁོད་པའི་ཡི་གེ་མང་པོ་གཏོར་ཡོད་འདུག

སྤྲུལ་སྐུ་བསོད་ནམས་དབང་རྒྱལ། བསོད་བྷོ། Tulku Sonam Wanggyal or Sobho

ཨ་མདོ་མགོ་ལོག་ཁུལ་སྤྲུལ་སྐུ་བསོད་པས་རང་ལུས་མེར་བསྲེགས་བཏང་ནས་རྒྱ་གཞུང་ལ་ངོ་རྒོལ་སྤེལ་བ།

 At 2012-01-08, One high Lama names Tulku Sobha immolated himself for Tibet and Tibetans. 

According to the reporter, Tulku Sobha is a head Lama of Tongchob Monastery in Golok Gade district eastern Tibet.  When he was burning he shouting "Long life H.H. the Dalai Lama " "free Tibet".  After self-immolation he was dead. 

ཨ་མདོ་མགོ་ལོག་ཁུལ་སྤྲུལ་སྐུ་བསོད་པས་རང་ལུས་མེར་བསྲེགས་བཏང་ནས་རྒྱ་གཞུང་ལ་ངོ་རྒོལ་སྤེལ་བ།

དེ་རིང་ཕྱི་ལོ་༢༠༡༢ཟླ་བ་༡ཚེས་༨རེས་གཟའ་ཟླ་བའི་ཉིན་མཚོ་སྔོན་ཞིང་ཆེན་གི་ མགོ་ལོག་ཁུལ་མདའ་རི་རྫོང་ལ་བོད་མི་ཞིག་གིས་རང་ལུས་མེར་བསྲེགས་བཏང་སྟེ་རྒྱ་ ནག་གཞུང་ལ་ངོ་རྒོལ་བྱས་པའི་སྐོར་འདི་ག་རླུང་འཕྲིན་ཁང་དུ་བོད་ནས་གནས་ཚུལ་ རིམ་པ་འབྱོར་བའི་ནང༌། དེ་རིང་ཕྱི་ཚེས་༨ཉིན་གྱི་ཞོགས་པའི་ཚོུད་དྲུག་པ་ཡོལ་ཙམ་ལ་མཚོ་སྔོན་ཞིང་ཆེན་ མགུ་ལོག་ཁུལ་གྱི་གྲོང་ཁྱེར་གཙོ་བོ་མདའ་རི་རྫོང་གི་ལྟེ་གནས་སུ་དགུང་གྲངས་༤༢ ལ་ཕེབས་པའི་གོ་ལོག་དུང་སྐྱབས་དགོན་པའི་སྤྲུལ་སྐུ་བསོད་ནམས་དབང་རྒྱལ་ལགས་ ཀྱིས་སྐུ་ལུས་ལ་ཆོས་གོས་སེར་པ་བཞེས་ཤིང་ས་སྣུམ་ཤོས་ཏེ་རང་ལུས་མེར་བསྲེགས་ བཏང་བའི་རྗེས་དེ་ག་རང་དུ་དགོངས་པ་རྫོགས་དང༌། ཁོང་གི་སྐུ་ཕུང་རྒྱ་མའི་ཉེན་རྟོག་པས་འཁྱེར་ཕྱིན་པའི་རྗེས་ས་གནས་བོད་མི་ཚོས་ སྐུ་ཕུང་རྩིས་སྤྲོད་དགོས་པའི་རེ་འདུན་བྱས་ཀྱང་ཉན་འཇོགས་མ་བྱས་པར་བརྟེན་བོད་ མི་ཚོས་ས་གནས་ཉེན་རྟོག་ལས་ཁུངས་སུ་བསྐྱོད་དེ་ངོ་རྒོལ་གྱིས་ཉེན་རྟོག་ལས་ཁང་ གི་སྒོ་དང་སྒེའུ་ཁུང་ཆགས་སྐྱོན་བཏང་བའི་གནས་ཚུལ་བྱུང་ཡོད་པར་བརྟེན་དེ་ཉིན་ རང་ཁོང་གི་སྐུ་ཕུང་བོད་མི་ཚོར་རྩིས་སྤྲོད་བྱས་པ་དང༌། བོད་མི་ཚོས་ཁོང་གི་སྐུ་ཕུང་འཁྱེར་ཏེ་ཁྲོམ་གཞུང་དུ་ངོ་རྒོལ་གྱི་ཁྲོམ་སྐོར་ བྱས་ཡོད་པའི་གནས་ཚུལ་ངོ་སྤྲོད་གནང་ཡོད་པ་རེད། 

    ཡང་བོད་ནས་གནས་ཚུལ་ངོ་སྤྲོད་གནང་མཁན་གཞན་ཞིག་གིས་གསུང་ན། ཁོང་འཁྲུངས་ཡུལ་ནི་སྒ་སྡེ་རྫོང་གི་སྒོ་མོ་ཤང་ནས་ཡིན་པ་དང༌།  ཁོང་གིས་རང་ལུས་མེར་བསྲེག་མ་བཏང་གོང་མདའ་རི་རྫོང་གི་རིའི་སྟེང་བསྐྱོད་དེ་ སྐུ་བསང་ཕུལ་བ་དང༌། རང་ལུས་མེར་བསྲེགས་བཏང་བའི་སྐབས་བོད་ལ་རང་དབང་དགོས་ཅེས་དང་།     རྒྱལ་བ་རིན་པོ་ཆེ་སྐུ་ཚེ་ཞབས་པད་བརྟན་པ་ཤོག་ཅེས་སྐད་འབོད་བྱས་ཤིང་རླུང་རྟ་ དང་ཡི་གེ་ཡང་གཏོར་བ་མ་ཟད།      ད་དུང་རྫོང་གི་གྱང་ལྡེབས་སུ་ཡང་ཡི་གེ་མང་པོ་སྦྱར་ཡོད་པའི་གནས་ཚུལ་དང༌།   ས་གནས་ཀྱི་བོད་མིས་བརྗོད་པར་གཞིགས་ན།     ཡི་གེའི་ནང་དོན་དུ།    བོད་ལ་རང་དབང་དང་བདེ་སྐྱིད་ཆེད་དུ་དང། དེ་བཞིན་དུ་སྤྱི་ལོ་༢༠༠༩ ནས་བཟུང་རང་ལུས་མེར་བསྲེགས་བཏང་མཁན་གྱི་བོད་མིར་དྲན་གསོ་ཞུ་བའི་ཆེད་དུ་རང་ སྲོག་བློས་གཏོང་བྱས་པ་ལས་སྒེར་གྱི་ཁེ་ཕན་ཆེད་དུ་མིན་པ་དང༌། དམིགས་བསལ་རྒྱལ་བ་རིན་པོ་ཆེ་སྐུ་ཚེ་ཡུན་རིང་བརྟན་པའི་ཆེད་དུ་ཡིན་པས་བོད་མི་ ཚོས་མ་འོངས་པའི་མདུན་ལམ་ལ་ཡིད་ཆེས་མ་བརླག་པ་བྱ་དགོས།    བོད་ལ་བདེ་སྐྱིད་ཀྱི་ཉིན་མོ་ཞིག་ཤར་ངེས་རེད་ཅེས་བྲིས་ཡོད་པ་དང༌། ཡང་ཡི་གེ་འགའ་ཤས་ནང་བོད་མི་ཚོ་རྒྱ་མི་ལྟོ་བཟའ་རྒྱུ་མེད།    རྒྱ་མིའི་དངོས་ཟོག་ཉོ་རྒྱུ་མེད།    བོད་མི་རང་ཉིད་ཀྱི་དཔལ་འབྱོར་ལ་རོགས་སྐྱོར་དགོས་ཞེས་དང་།     བོད་མི་ནང་ཁུལ་མཐུན་སྒྲིལ་བྱེད་དགོས་པ་ལས་ཆོལ་ཁ་དང་ཆོས་བརྒྱུད་ཀྱི་ཐེན་ འཁྱེར་བྱ་རྒྱུ་མེད་པའི་སྐོར་བྲིས་གནང་ཡོད་པ་རེད།།

Hundreds of angry Tibetans forced Chinese authorities on Sunday to return the body of a monk who self-immolated, parading the corpse in the streets in China's western Qinghai province, witnesses said.

ཚུལ་ཁྲིམས། Tsultrim

ཕྱི་ཚེས་ ༦ ཉིན་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་གཏོང་མཁན་རྔ་པའི་ཚུལ་ཁྲིམས་ཚེས་ ༧ ཉིན་སྐུ་གྲོངས་འདུག

རྔ་པ་རྫོང་བར་མ་ཞང་ལྡོང་ཁུའི་ཞག་གདུགས་སྨན་པ་ཚང་གི་བུ་ཚུལ་ཁྲིམས། རང་ལོ་ ༢༠ ཡས་མས་ཤིག་ཡིན་པ་ཁོང་ཁོང་གིས་ཕྱི་ལོ་ ༢༠༡༢ ཟླ་ ༡ ཚེས་ ༦ ཉིན་རྔ་པ་རྫོང་མཁར་གྱི་བཞི་མདོའི་མགྲོན་ཁང་ཞིག་གི་ར་སྐོར་ནས་རང་ལུས་མེར་བསྲེགས་བཏང་སྟེ་རྒྱལ་བ་རིན་པོ་ཆེ་བོད་ལ་ཕེབས་དགོས། རྒྱལ་བ་རིན་པོ་ཆེ་སྐུ་ཚེ་ཁྲི་ལོ་བརྟན་པར་ཤོག ཅེས་སྐད་འབོད་བྱེད་བཞིན་ར་སྐོར་གྱི་ཕྱི་ལ་ཐོན་ཡོད་པར། དེ་མ་ཐག་ཉེ་འཁོར་གྱི་ཉེན་རྟོག་པ་དང་དམག་མི་སོགས་ཀྱིས་མེ་བསད་ནས་བཙན་ཁྲིད་བྱས་ཡོད་ཀྱང་ཚུལ་ཁྲིམས་ལགས་ཕྱི་ཚེས་ ༧ ཉིན་གྱི་མཚན་མོ་གྲོངས་ཡོད་འདུག གོང་གསལ་ངོ་རྒོལ་གྱི་གནས་ཚུལ་དེ་བྱུང་བའི་ཕྱི་ཉིན་རྔ་པ་རྫོང་མཁར་གྱི་བོད་པའི་ཚོང་ཁང་དང་ཟ་ཁང་ཚང་མས་སྒོ་བརྒྱབ་ནས་གདུང་སེམས་མཉམ་བསྐྱེད་བྱས་ཡོད་ཀྱང་རྔ་པ་མི་མང་རྣམས་འདས་གྲོངས་སུ་གྱུར་པའི་རྒྱལ་གཅེས་དཔའ་བོ་ཁོང་གི་ནང་མིར་སེམས་གསོ་བྱེད་པར་འགྲོ་བ་སོགས་ལ་བཀག་འགོག་བྱེད་བཞིན་ཡོད་འདུག་པ་དང་། ཉིན་དེར་རྔ་པའི་རྫོང་མཁར་སོགས་ལ་དམ་དྲག་ཤུགས་ཆེ་རུ་བཏང་ཡོད་འདུག

བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་མཁོ་སྤྲོད་བྱས། 
 6 January, 2012. A man with name Tsultrim from Amdo Ngawa, east west of Tibet did self-immolation for freedom of Tibet and Tibetans. He is about 20 years old. When he was self-immolating in front a restaurant in the main square of Ngawa district he shouted "long life H.H the Dalai Lama" "Dalai Lama return to Tibet" 
At day tomorrow 7 January, he died and Chinese government suppressing more and more with local Tibetans in Ngawa district. In this day all Tibetan shops and restaurants were closed for supporting his activities in Ngawa town. 

བསྟན་ཉི། Tennyi

ཕྱི་ཚེས་ ༦ ཉིན་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་གཏོང་མཁན་རྔ་པའི་བསྟན་ཉི་ཚེས་ ༦ ཉིན་སྐུ་གྲོངས་འདུག

རྔ་པ་རྫོང་མཐའ་བ་གོང་མ་ནས་ཡིན་པའི་བསྟན་ཉི། རང་ལོ་ ༢༠ ཡས་མས་ཤིག་ཡིན་པ་ཁོང་གིས་ཕྱི་ལོ་ ༢༠༡༢ ཟླ་ ༡ ཚེས་ ༦ ཉིན་རྔ་པ་རྫོང་མཁར་གྱི་བཞི་མདོའི་མགྲོན་ཁང་ཞིག་གི་ར་སྐོར་ནས་རང་ལུས་མེར་བསྲེགས་བཏང་སྟེ་རྒྱལ་བ་རིན་པོ་ཆེ་བོད་ལ་ཕེབས་དགོས། རྒྱལ་བ་རིན་པོ་ཆེ་སྐུ་ཚེ་ཁྲི་ལོ་བརྟན་པར་ཤོག ཅེས་སྐད་འབོད་བྱེད་བཞིན་ར་སྐོར་གྱི་ཕྱི་ལ་ཐོན་ཡོད་པར། དེ་མ་ཐག་ཉེ་འཁོར་གྱི་ཉེན་རྟོག་པ་དང་དམག་མི་སོགས་ཀྱིས་མེ་བསད་ནས་བཙན་ཁྲིད་བྱས་ཡོད་ཀྱང་བསྟན་ཉི་ལགས་ཉི་མ་དེ་རང་ལ་གྲོངས་ཡོད་པ་དང་། གོང་གསལ་ངོ་རྒོལ་གྱི་གནས་ཚུལ་དེ་བྱུང་བའི་ཕྱི་ཉིན་རྔ་པ་རྫོང་མཁར་གྱི་བོད་པའི་ཚོང་ཁང་དང་ཟ་ཁང་ཚང་མས་སྒོ་བརྒྱབ་ནས་གདུང་སེམས་མཉམ་བསྐྱེད་བྱས་ཡོད་ཀྱང་རྔ་པ་མི་མང་རྣམས་འདས་གྲོངས་སུ་གྱུར་པའི་རྒྱལ་གཅེས་དཔའ་བོ་ཁོང་གི་ནང་མིར་སེམས་གསོ་བྱེད་པར་འགྲོ་བ་སོགས་ལ་བཀག་འགོག་བྱེད་བཞིན་ཡོད་འདུག་པ་དང་། ཉིན་དེར་རྔ་པའི་རྫོང་མཁར་སོགས་ལ་དམ་དྲག་ཤུགས་ཆེ་རུ་བཏང་ཡོད་འདུག

བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་མཁོ་སྤྲོད་བྱས། 
 6 January, 2012. A man with name Tennyi from Amdo Ngawa, east west of Tibet did self-immolation for freedom of Tibet and Tibetans. He is about 20 years old. When he was self-immolating in front a restaurant in the main square of Ngawa district he shouted "long life H.H the Dalai Lama" "Dalai Lama return to Tibet" 
At that day he died and Chinese government suppressing more and more with local Tibetans in Ngawa district. In this day all Tibetan shops and restaurants were closed for supporting his activities in Ngawa town.