བློ་བཟང་ཤེས་རབ། Lobsang Sherab

28/3/2012, a monk immolated himself and dead for save Tibet in Amdo Ngaba. 

According to the reporter a monk named Lobsang Sherab, 20 years old, from Raru Geden Tenphel Ling mosatery in Chashang town, Amdo Ngaba, seted fire himself for freedom Tibet. His father's name is Sonam and mother is Nyima. Last year he went to Kirti monastery for Buddhist philosophy but in year he returned to his monastery. He immolated himself on the street of Chashang town and he dead on the spot. After that local Chinese police took his body to Police station, local Tibetans requested to police giving his body back but the police did not accept that. 

༢༠༡༢/༠༣/༢༨ གནས་ཚུལ་འབྱོར་བ་ལྟར་ན། གོང་ཚེས་ཉིན་ཕྱི་དྲོའི་བོད་ནང་གི་ཆུ་ཚོད་ ༧ །༡༠ ཙམ་ལ་རྔ་པ་རྫོང་གཅའ་ཞང་རྭ་རུ་བའི་སྤེན་པ་ཚང་གི་གྲྭ་བློ་བཟང་ཤེས་རབ། རང་ལོ་ ༢༠ ཡིན་ཞིང་། ཕ་མིང་ལ་བསོད་དོན་དང་མ་མིང་ལ་ཉི་མ་ཡིན་པ་ཁོང་གིས་གཅའ་ཞང་ཐོག་གི་གཞུང་ལམ་ནས་རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་རྩུབ་ཀྱི་སྲིད་བྱུས་ལ་ངོ་རྒོལ་སྐད་འབོད་བྱས་ཏེ། དུས་ཐོག་དེར་སྐུ་གྲོངས་ཡོད་འདུག
ཁོང་གིས་འབོད་ཚིག་ག་རེ་སྒྲོག་ཡོད་མེད་ཤེས་རྟོགས་ཐུབ་མེད་ཀྱང་། ཁོང་འདས་གྲོངས་སུ་གྱུར་མ་ཐག་བོད་མི་ཚོས་ཁོང་གི་ཕུང་པོ་ཁྱེར་རྩིས་བྱས་སྐབས། རྒྱ་གཞུང་གི་དྲག་ཆས་ཉེན་རྟོག་པ་སོགས་བསླེབས་ཏེ་བཙན་འཕྲོག་བྱས་འདུག་པར་མི་མང་གིས་ཕུང་པོ་ནང་མིར་སྤྲོད་དགོས་པའི་རེ་འདུན་ཡང་ཡང་བཏོན་ཡང་ཉན་འཇོག་མ་བྱས་པར་བཙན་ཁྱེར་བྱས་འདུག
གྲྭ་བློ་བཟང་ཤེས་རབ་ལགས་ཆུང་དུས་རང་ལོ་ ༩ ཙམ་ནས་རྭ་རུ་བའི་དགོན་པ་དགེ་ལྡན་བསྟན་འཕེལ་གླིང་དུ་ཆོས་ཞུགས་གནང་ཡོད་ཅིང་། ལོ་སྔོན་མའི་ཕྱི་ཟླ་ ༡༠ ཙམ་ནས་རྔ་པ་ཀིརྟི་དགོན་པར་མཚན་ཉིད་སློབ་གཉེར་བྱེད་དུ་སོང་ཡོད་ཀྱང་འདི་ཟླའི་ཚེས་ ༢༦ ཉིན་ཕྱིར་ཕ་ཡུལ་དུ་ལོགས་འདུག རྭ་རུ་བའི་དགོན་པར་དེང་སྐབས་གྲྭ་པ་ ༣༡ ཡོད་ལ། ཁོང་ཚང་ལ་མིང་སྲིང་ ༣ ཡོད་པའི་འབྲིང་བ་ཡིན་འདུག
དོན་རྐྱེན་དེ་བྱུང་མ་ཐག་གཅའ་ཞང་ཐོག་ཏུ་དྲག་ཆས་ཉེན་རྟོག་པ་སོགས་ཀྱིས་དམ་དྲག་ཤུགས་ཆེན་བྱས་ཡོད་ཅིང་། དེང་སྐབས་རྔ་པ་ཀིརྟི་དགོན་པའི་ལས་གནས་ཁ་གསལ་མེད་པའི་ལས་བྱེད་པ་ཡིན་ཟེར་བའི་རྒྱ་གཞུང་གི་མི་སྣ་ ༣༠༠ ལྷག་གཏན་སྡོད་བྱས་ཤིང་། རྔ་པའི་སྟོད་སྨད་བར་གསུམ་དུ་དྲག་ཆས་ཉེན་རྟོག་པ་དང་། དམིགས་བསལ་ཉེན་རྟོག་པ་སོགས་ཀྱིས་དམ་དྲག་མུ་མཐུད་བྱེད་བཞིན་ཡོད་འདུག
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
གནས་ཚུལ་ཡོང་ཁུངས། བོད་ཀྱི་དུས་བབས།