བློ་བཟང་རྡོ་རྗེ། Losang Dorje

༢༠༡༤/༠༢/༡༤ ཉིན་རྔ་པ་ཀིརྟི་དགོན་པའི་ཉེ་འགྲམ་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་ཡོད་འདུག

ད་ལྟ་རང་བོད་ནས་གནས་ཚུལ་འབྱོར་བ་ལྟར་ན། དེ་རིང་ཚེས་ ༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༦།༣༠ ཡས་མས་སུ། རྔ་པ་ཀིརྟི་དགོན་པའི་ཉེ་འཁྲིས་སུ་བོད་མི་ཞིག་གིས་རང་ལུས་མེར་བསྲེཊ་གནང་ཡོད་འདུག ད་ལྟའི་ཆར་རང་ལུས་མེར་བསྲེཊ་གནང་མཁན་གྱི་བོད་མི་དེ་མི་སྐྱ་ཞིག་ཡིན་པ་ཤེས་པ་ཙམ་ལས། མེར་བསྲེཊ་གནང་རྗེས་ཀྱི་འཆི་གསོན་གནས་སྟངས་དང་། ཁོང་གི་མཚན་བཅས་གསལ་བོ་ཤེས་ཐུབ་མ་སོང་བས་གནས་ཚུལ་ཐོན་རིམ་བཞིན་ཇེ་རྒྱས་སུ་གཏོང་རྒྱུ་ཡིན།

རིམ་པ་གཉིས་པ། མདང་ནུབ་བསྐྱར་དུ་གནས་ཚུལ་འབྱོར་བར། རྔ་པར་རང་ལུས་མེར་བསྲེཊ་གནང་མཁན་གྱི་བོད་མི་ཁོང་གི་མིང་ལ་རྡོ་རྗེ་ཞུ་བཞིན་ཡོད་པ་དང་། ཁོང་རྔ་པ་རྒྱ་འབུམ་ཕྱུག་རྭ་གོང་མ་ནས་ཡིན་འདུག ཁ་སང་དགོང་དྲོའི་བོད་ནང་གི་ཆུ་ཚོད་ ༦།༣༠ ཙམ་ལ་རྡོ་རྗེ་ལགས་ཀྱིས་རྔ་པ་རྫོང་གི་དཔའ་བོའི་སྲང་ལམ་དུ་རང་ལུས་མེར་བསྲེགས་ཀྱིས་རྒྱ་ནག་གཞུང་ལ་ངོ་རྒོལ་གནང་རྗེས། དམག་མི་དང་ཉེན་རྟོག་པ་འབྱོར་ཏེ་སྐུ་ཕུང་བཙན་འཁྱེར་བྱས་ཡོད་པ་མ་ཟད། རྔ་པ་རྫོང་གི་ས་གནས་གང་སར་དམག་མི་དང་ཉེན་རྟོག་པ་འགྲེམས་འཇོག་གིས་དམ་དྲག་བྱེད་ཀྱི་ཡོད་འདུག

རིམ་པ་གསུམ་པ། ཀིརྟི་བྱེས་བ་གྲྭ་ཚང་གི་བོད་གནས་འབྲེལ་མཐུད་པ་ཀ་ཉག་ཚེ་རིང་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཁ་སང་ཕྱི་ཚེས་ ༡༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་དྲུག་དང་ཕྱེད་ཀ་ཙམ་ལ་རྔ་བ་རང་སྐྱོང་ཁུལ་རྔ་བ་རྫོང་གཅའ་རུ་བ་ཡུལ་ཚོའི་ཕྱུགས་ལས་གོང་མའི་ཕ་ཚེ་དཔག་དང་མ་ན་མེ་སྐྱིད་གཉིས་ཀྱི་བུ་བློ་བཟང་རྡོ་རྗེ། རང་ལོ་ ༢༥ ཙམ་ཡིན་པ་ཁོང་གིས་རྒྱ་གཞུང་གིས་བོད་ཐོག་འཛིན་པའི་སྲུད་བྱུས་ལ་ངོ་རྒོལ་སྐད་འབོད་གནང་བཞིན་སྐུ་ལུས་མེར་སྲེག་བཏང་ཡོད་འདུག

གནས་ཚུལ་དེ་བྱུང་མ་ཐག་རྔ་བ་རྫོང་མཁར་དུ་སྔ་ས་ནས་གྲ་སྒྲིག་བྱས་ནས་ཡོད་པའི་རྒྱ་གཞུང་གི་ཉེན་རྟོག་པ་མང་པོ་འབྱོར་ནས་ཁོང་གི་ལུས་ལ་འབར་བཞིན་པའི་མེ་བསད་དེ་རླངས་འཁོར་ཆུང་ཆུང་སྒམ་ཤིང་ཅན་ཞིག་གི་ནང་དུ་བཞག་ཅིང་སྟེང་ལ་རས་ནག་པོ་ཞིག་བཀབ་ནས་བཙན་ཁྲིད་བྱས་ཀྱང་སྐབས་དེར་ཁོང་གིས་མགོ་ཡར་བཀྱགས་ནས་ལག་གཉིས་ཐར་མོ་སྦྱར་ཡོད་ཀྱང་དེ་མ་ཐག་ཉེན་རྟོག་པས་མར་མནན་ནས་ཁྱེར་ཡོད་ནའང་། ད་ལྟའི་ཤི་གསོན་གྱི་གནས་སྟངས་དང་གང་དུ་ཡོད་མེད་སོགས་ཤེས་རྟོགས་ཐུབ་མེད་པ་དང་། ཁོང་ཚང་ལ་མིང་སྲིང་བཞི་ཡོད་པའི་ཆེ་བ་བུ་མོ་དར་མཚོ་དང་། གཉིས་པ་བློ་བཟང་རྡོ་རྗེ་ཁོང་ཡིན་ཞིང་། གསུམ་པ་བུ་མོ་མེས་མེས། བཞི་པ་བུ་བཀྲ་ཤིས་བཅས་ཡིན་འདུག་ལ། ལོ་ཤས་གོང་ཕ་མ་གཉིས་ཁ་ཁར་གྱུར་ཡོད་འདུག

བློ་བཟང་རྡོ་རྗེ་ཁོང་ཆུང་ཆུང་སྐབས་རྔ་བ་ཀིརྟི་དགོན་པར་གྲྭ་པ་བྱས་ནས་ལོ་ཤས་རིང་དགོན་པའི་ནང་བསྡད་འདུག་ཀྱང་། རྗེས་སུ་སྐྱ་སར་བབ་རྗེས་ཨ་མ་དང་སྤུན་ཆུང་བ་བཀྲ་ཤིས་གཉིས་དང་མཉམ་དུ་མགོ་ལོག་དར་ལག་རྫོང་དུ་རླངས་འཁོར་འཁྲུད་སའི་ཚོང་ཁང་ཞིག་གཉེར་ནས་བསྡད་ཡོད་འདུག ཟླ་ཤས་གོང་ནས་ཕྱུགས་ལས་གོང་མར་ཡོང་ནས་ཕ་ཚེ་དཔག་དང་མཉམ་དུ་བསྡད་ཅིང་དེའི་རྗེས་རྔ་བ་ཀིརྟི་དགོན་པའི་སྨོན་ལམ་ཆེན་མོར་མཇལ་དུ་ཡོང་འདུག ཁ་སང་བོད་ཚེས་བཅུ་བཞིའི་ཉིན་རྔ་བ་ཀིརྟི་དགོན་པའི་འཆམ་ལ་ཁེལ་ཡོད་པ་དང་སྔ་དྲོ་ཁོང་འཆམ་ལ་མཇལ་དུ་ཡོང་ཡོད་འདུག གནས་ཚུལ་དེ་བྱུང་ཙམ་ནས་རྔ་བ་རྫོང་མཁར་གྱི་གཞུང་ལམ་ཁག་དང་ལམ་གྱི་བཞི་མདོ་སོགས་དྲག་ཆས་ཉེན་རྟོག་པ་དང་དམིགས་བསལ་ཉེན་རྟོག་པ་མང་པོས་དམ་དྲག་ནན་མོ་བྱེད་བཞིན་ཡོད་འདུག

གནས་ཚུལ་ཐོན་རིམ་བཞི་པ། 
༢༠༡༤/༠༢/༡༦ ཉེ་ལམ་རྔ་པར་རང་ལུས་མེར་བསྲེགས་གནང་མཁན་བློ་བཟང་རྡོ་རྗེ་ལགས་དེ་རིང་རྔ་པ་ཁུལ་ལྟེ་གནས་འབར་ཁམས་སྨན་ཁང་ཞིག་ཏུ་སྐུ་གྲོངས་ཡོད་འདུག

ཟླ་འདིའི་ཕྱི་ཚེས་ ༡༣ ཨ་མདོ་རྔ་པ་ནས་རང་ལུས་མེར་སྲེག་གནང་བཞིན་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་བློ་བཟང་རྡོ་རྗེ་ལགས་ཕྱི་ཚེས་ ༡༦ ཉིན་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་སྨན་ཁང་ཞིག་ནང་འདས་གྲོངས་སུ་གྱུར་ཡོད་པ་དང་། ནང་མིས་འབྲེལ་ཡོད་ཚང་མར་སྐུ་ཕུང་ནང་མིར་སྤྲོད་དགོས་པའི་རེ་བ་ནན་གྱིས་བཏོན་ཡང་། སྐུ་ཕུང་ནང་མིར་བརྩིས་སྤྲོད་བྱས་མེད་པར་རྒྱ་གཞུང་གིས་མེར་སྲེག་བཏང་ནས་རུས་ཐལ་ཡིན་ཟེར་བ་ཞིག་སྤྲད་ཡོད་འདུག

ནང་མི་དང་གཉེན་ཉེ་སོགས་ཀྱིས་དཔའ་བོ་ཁོང་གི་རྗེས་འཇུག་སྒྲུབ་བཞིན་ཡོད་ཅིང་། རྔ་པ་མི་མང་གིས་ཉིན་གསུམ་རིང་ཚོང་ཁང་དང་ཟ་ཁང་སོགས་སྒོ་བརྒྱབ་ནས་དཔའ་བོ་ཁོང་གི་ཆེད་དགོན་པ་ཁག་ལ་བསྔོ་རྟེན་ཕུལ་བ་ནང་མིར་སེམས་གསོའི་ཞལ་འདེབས་ཕུལ་བ་སོགས་དགེ་སྦྱོར་ལ་བརྩོན་བཞིན་གདུང་སེམས་མཉམ་སྐྱེད་གནང་ཡོད་འདུག

དེང་རྔ་པའི་དགོན་པ་ཁག་གི་ཆོ་འཕྲུལ་སྨོན་ལམ་ཆེན་མོ་འཚོགས་བཞིན་པ་དང་སྐབས་ཁེལ་ཡོད་ཅིང་། ཉེན་རྟོག་པ་མང་པོས་མི་མང་དཀྱུས་མ་ལ་བརྫུས་ཏེ་མི་མང་ཁྲོད་ཉུལ་མ་བྱེད་བཞིན་ཡོད་པ་དང་། དེ་བཞིན་དྲག་ཆས་ཉེན་རྟོག་པ་མང་པོས་རྔ་པའི་སྟོད་སྨད་བར་གསུམ་དུ་མངོན་གསལ་དོད་པོའི་སྒོ་ནས་ཀྱང་དམ་དྲག་བྱེད་བཞིན་ཡོད་འདུག ཅེས་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་བཏང་འབྱོར་བྱུང་།

News from tibettimes.net

འཕགས་མོ་བསམ་འགྲུབ། Phagmo Samdup

ཁ་སང་དགོང་མོར་བོད་ནང་གི་རྨ་ལྷོ་ཁུལ་རྩེ་ཁོག་རྫོང་རྡོ་དཀར་མོ་ཞང་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་ཡོད་འདུག

བསྟན་འཛིན་ཡོན་ཏན་ལགས་ཀྱིས་འདི་གར་གནས་ཚུལ་ངོ་སྤྲོད་གནང་བ་ལྟར་ན། ཟླ་འདིའི་ཚེས་ ༥ ཉིན་གྱི་བོད་ནང་གི་དགོང་དྲོའི་ཆུ་ཚོད་ ༩།༣༠ ཡས་མས་སུ། རྨ་ལྷོ་ཁུལ་རྩེ་ཁོག་རྫོང་རྡོ་དཀར་མོ་ཞང་གི་ཉེ་འཁྲིས་བན་ཆེན་ཉིན་སློབ་གྲྭ་གཉིས་པའི་འདབས་སུ། མགོན་ཤུལ་སྒར་བའི་རང་ལོ་ ༢༧ ཡིན་པའི་གཞོན་སྐྱེས་འཕགས་མོ་བསམ་འགྲུབ་ལགས་ཀྱིས།རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་ཡོད་པ་དང་། དེ་མ་ཐག་དམག་མི་འབྱོར་ཏེ་སྐུ་ཕུང་བཙན་འཁྱེར་བྱས་ཡོད། 
ངྷ་སར་གནས་སྡོད་བསྟན་འཛིན་ལགས་ཀྱིས་གསར་ལམ་དུ་གནས་ཚུལ་ངོ་སྤྲོད་གནང་བ་ལྟར་ན། ཕྱི་ཚེས་ ༥ ཉིན་འཕཊ་མོ་བསམ་འགྲུབ་ལགས་ཀྱིས་རང་ལུས་མེར་བསྲེཊ་གནང་རྗེས། དམག་མི་དང་ཉེན་རྟོག་པ་འབྱོར་ཏེ་སྐུ་ཕུང་བཙན་འཁྱེར་བྱས་ཡོད་འདུག་ལ། ཚེས་ ༦ ཉིན་གྱི་མཚན་མོར་ས་གནས་ཉེན་རྟོག་པས་ཁོང་གི་སྐུ་ཕུང་ཟི་ལིང་གྲོང་ཁྱེར་གྱི་སྨན་ཁང་ཞིག་ཏུ་འཁྱེར་ཏེ་བརྟག་དཔྱད་བྱས་རྗེས། ཐད་ཀར་ཕུང་པོ་བསྲེཊ་ས་ཞིག་ཏུ་འཁྱེར་ཏེ་མེར་བསྲེཊ་བཏང་ཡོད་འདུག

འཕགས་མོ་བསམ་འགྲུབ་ལགས་ནི་སྔགས་པ་ཞིག་ཡིན་འདུག་ལ། ཁོང་གི་ཨ་མའི་མིང་ལ་འབྲུག་མོ་ཞུ་བཞིན་ཡོད་འདུག  ཁོང་དང་བཟའ་ཟླ་གཉིས་ལ་བུ་གཅིག་དང་བུ་མོ་གཅིག་བཅས་བྱིས་པ་གཉིས་ཡོད་འདུག

རང་ལུས་མེར་བསྲེཊ་ཀྱི་གནས་ཚུལ་བྱུང་རྗེས་རྒྱ་གཞུང་གིས་ས་གནས་ཀྱི་བརྒྱུད་ལམ་ཁག་ཚང་མར་དམ་དྲག་སྟངས་འཛིན་བྱས་ཡོད་པ་མ་ཟད། ས་གནས་སུ་དམག་མི་དང་ཉེན་རྟོག་པ་སོགས་འགྲེམས་འཇོག་གིས་མི་མང་ལ་དམ་དྲག་ཤུགས་ཆེར་བྱེད་ཀྱི་ཡོད་འདུག
News from tibettimes.net

ཚུལ་ཁྲིམས་རྒྱ་མཚོ། Tsultrim Gyatso

༢༠༡༣/༡༢/༡༩ དེ་རིང་ཉིན་རྒྱབ་བོད་ཨ་མདོ་བླ་བྲང་བཀྲ་ཤིས་འཁྱིལ་ཨ་མཆོག་དགོན་པའི་གྲྭ་ཚུལ་ཁྲིམས་རྒྱ་མཚོ་ལགས་ཀྱིས་རྒྱ་གཞུང་ལ་ངོ་རྒོལ་གནང་སྟེ་རང་ལུས་མེར་བསྲེགས་ཀྱིས་སྐུ་གྲོངས་ཡོད་འདུག

ད་ལྟ་རང་རྒྱ་གར་ལྷོ་ཕྱོགས་འབྲས་སྤུངས་དགོན་པའི་གྲྭ་བསོད་ནམས་ལགས་ཀྱིས་གནས་ཚུལ་བཏང་འབྱོར་བྱུང་བར། དེ་རིང་ཉིན་རྒྱབ་བོད་ནང་གི་ཆུ་ཚོད་ ༢།༣༠ སྟེང་། ཀན་ལྷོ་ཁུལ་བསང་ཆུ་རྫོང་ཨ་མཆོག་གྲོང་བརྡལ་དུ། ཨ་མཆོག་དགོན་པའི་གྲྭ་ཚུལ་ཁྲིམས་རྒྱ་མཚོ་ལགས་ཀྱིས། བོད་བསྟན་སྲིད་མི་རིགས་ཆེད་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག དེ་མ་ཐག་ས་གནས་སྐྱ་སེར་མི་མང་གིས་ཁོང་གི་སྐུ་ཕུང་དགོན་པའི་ནང་གདན་འདྲེན་ཞུས་ཏེ། དགོན་པའི་གྲྭ་བ་ ༤༠༠ ལྷག་གིས་མཆོད་འབུལ་དང་བསྔོ་སྨོན་གསུང་བཞིན་ཡོད་འདུག

ཁོང་གིས་ཞལ་ཆེམས་ཡི་གེ་ཞིག་བཞག་ཡོད་པའི་ནང་། རྒྱ་ནག་གི་བཙན་དབང་ཁྲིམས་འོག་ན་བོད་མི་ཚོས་སྡུག་བསྔལ་མྱོང་གི་ཡོད་ཅིང་། ཁོ་རང་གིས། རྒྱལ་བ་བསྟན་འཛིན་རྒྱ་མཚོ་རང་ཡུལ་དུ་ཕེབས་ཆེད་དང་། པཎ་ཆེན་སྣང་བ་མཐའ་ཡས་བཙོན་གྲོལ་ཐོབ་ཆེད། བོད་མི་ས་ཡ་དྲུག་གི་སྡུག་བསྔལ་སེལ་ཆེད་རང་ལུས་མེར་བསྲེགས་བཏང་བ་ཡིན་ཚུལ་དང་། བོད་མི་ཚོས་མཐུན་སྒྲིལ་བྱེད་དགོས་སྐོར་སོགས་བཀོད་ཡོད་འདུག

རྒྱལ་གཅེས་དཔའ་བོ་གྲྭ་ཚུལ་ཁྲིམས་རྒྱ་མཚོ་ལགས་ཨ་མཆོག་དགོན་པའི་རྒྱུད་པ་གྲྭ་ཚང་གི་གྲྭ་བ་ཡིན་ཞིང་ད་ལྟ་རང་ལོ་ ༤༣ ཡིན་འདུག ཁོང་གི་སྐྱེས་ཡུལ་ཨ་མཆོག་ཉི་མ་ལུང་ཡིན་པ་དང་། ཕ་མིང་ལ་རྟ་མགྲིན་བཀྲ་ཤིས་ཟེར་ཞིང་སྔ་མོ་ནས་འདས་ཟིན་ཞིང་མ་མིང་ལ་ལྷ་མོ་སྐྱིད་ཞུ་བཞིན་ཡོད་འདུག ཁོང་གི་སྤུན་ཆེ་བའི་མིང་ལ་ཚེ་བྷེ་ཟེར་ཞིང་། གཞན། གཅོད་པ་དང་སངས་རྒྱས་སྒྲོལ་མ་ཟེར་བའི་སྲིང་མོ་གཉིས་ཡོད་འདུག ཁོང་ཆོས་དང་རིག་གནས་ཀུན་ལ་ཐུགས་སྣང་ཆེ་ཞིང་། དགོན་པའི་ཆོ་ག་ཕྱག་ལེན་ལ་སྙིང་རུས་ཆེན་པོས་བློར་འཛིན་དང་ཉམས་ལེན་གནང་མཁན་ཞིག་དང་། གཅོད་ཀྱི་གདམས་པ་ཟབ་མོར་ཉམས་ལེན་སྒོམ་སྒྲུབ་དང་ཆུ་མིག་འགྲིམ་ཏེ་དཀའ་ཐུབ་ལ་རྒྱུན་བཞུགས་གནང་མཁན་ཞིག་ཀྱང་ཡིན་འདུག
News from tibettimes.net

དཀོན་མཆོག་ཚེ་བརྟན། Konchok Tseten

Kunchok Tseten, 30, set fire to himself in the main market of Meruma town in Ngaba on Tuesday (3 December). After setting himself on fire, he raised slogans for the long life of His Holiness the Dalai Lama, the return of His Holiness the Dalai Lama to Tibet and the early reunion of Tibetans in Tibet.


༢༠༡༣/༡༢/༠༥ ཁ་སང་ཨ་མདོ་རྨ་ཆུའི་ཆུ་ཁ་མ་ཡུལ་ཚོའི་རང་ལོ་ ༣༠ ཡིན་པའི་དཀོན་མཆོག་ཚེ་བརྟན་ཞུ་བ་ཞིག་རྔ་པ་རྫོང་དམེ་རུ་མ་ཡུལ་ཚོའི་ཁྲོམ་གཞུང་དུ་རང་ལུས་མེར་བསྲེགས་གནང་ཡོད་འདུག

ཁ་སང་ཕྱི་ཚེས་ ༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༥ ཡས་མས་ལ། ཨ་མདོ་རྔ་པ་ཁུལ་རྔ་པ་རྫོང་དམེ་རུ་མ་ཡུལ་ཚོའི་ཁྲོམ་གཞུང་དུ་དཀོན་མཆོག་ཚེ་བརྟེན་ཞུ་བ་ཞིག་གིས། རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་ཡོད་པ་དང་། སྐབས་དེར་ཁོང་གི་ལུས་སྟེང་དུ་མེ་འབར་བཞིན་དུ་ “རྒྱལ་བ་བསྟན་འཛིན་རྒྱ་མཚོ་ཁྲི་ལོར་བརྟན་པར་ཤོག རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་དགོས། བོད་མི་གཞིས་བྱེས་མཉམ་འཛོམས་ཡོང་དགོས” ཞེས་སྐད་འབོད་གནང་བཞིན་ཡར་རྒྱུག་མར་རྒྱུག་བྱས་རྗེས་སར་འགྱེལ་ཡོད་འདུག

ངྷ་སར་གནས་བཞུགས་ཆབ་སྲིད་བཙོན་ཟུར་ལྷ་མོ་སྐྱབས་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། གནས་ཚུལ་བྱུང་མ་ཐག་རྒྱ་གཞུང་ཉེན་རྟོག་པ་དང་དམག་མི་བསླེབས་ཏེ་ཁོང་བཙན་འཁྱེར་བྱས་སྐབས། ས་གནས་བོད་མི་ཚོས་བཀག་འགོག་བྱས་པར་བརྟེན་ཡུལ་མི་དང་ཉེན་རྟོག་པའི་བར་རྩོད་རྙོག་བྱུང་སྟེ། ས་གནས་བོད་མི་འགའ་འཛིན་བཟུང་བྱས་ཡོད་པ་དང་། མཐར་ཉེན་རྟོག་པས་ཁོང་བཙན་འཁྱེར་བྱས་ཡོད་པ་མ་ཟད། རྒྱལ་གཅེས་དཔའ་བོ་དཀོན་མཆོག་ཚེ་བརྟན་ལགས་ཀྱི་ཆུང་མ་ནམ་སྣང་ལགས་དང་གཉེན་འབྲེལ་འགའ་ཞིག་ཀྱང་འཛིན་བཟུང་བཙན་འཁྲིད་བྱས་ཡོད་འདུག

ཚེ་རིང་རྣམ་རྒྱལ། Tsering Namgyal

November 11 : A 20 year old Tibetan monk has set himself ablaze earlier today in Tibet's Pema County in Golok, a Tibetan source told phayul. 

A monk of Akyong monastery, Tsering lit himself up in protest against the Chinese government and its hardline policies, the same source said. Engulfed in flames, Tsering collapsed after walking a few metres. Chinese police on street patrol arrived at the scene and doused the fire. Tsering was rushed to the county hospital where he is kept under strict police surveillance. 

Tsering is the 123rd Tibetan to set his body ablaze in protest against China since 2009.
ཁ་སང་མགོ་ལོག་པདྨ་རྫོང་དུ་རང་ལུས་མེར་བསྲེཊ་གནང་མཁན་གྲྭ་ཚེ་རིང་རྒྱལ་ལགས། མདང་དགོང་ཟི་ལིང་སྨན་ཁང་དུ་ཁྱེར་བཞིན་པའི་ལམ་བར་དུ་སྐུ་གྲོངས་འདུག

ཁ་སང་ཕྱི་ཚེས་ ༡༡ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༥ ཡས་མས་སུ། བོད་མདོ་སྨད་མཚོ་སྔོན་མགོ་ལོག་ཁུལ་པདྨ་མ་རྫོང་ཇོ་ནང་ཨ་སྐྱོང་དགོན་པའི་རང་ལོ་ ༢༠ ཡིན་པའི་གྲྭ་ཚེ་རིང་རྒྱལ་ལགས་ཀྱིས། པདྨ་རྫོང་ཐོག་ཏུ་རང་ལུས་མེར་བསྲེཊ་ཀྱིས་རྒྱ་ནག་གཞུང་ལ་ངོ་རྒོལ་གནང་སྐབས། ཉེན་རྟོག་པ་དང་དམག་མི་འབྱོར་ཏེ་ཁོའི་ལུས་སྟེང་གི་མེ་བསད་དེ་རྫོང་སྨན་ཁང་དུ་བསྐྱལ་ཡོད་པ་དང་། མདང་དགོང་ཆུ་ཚོད་ ༡༠ ཡས་མས་སུ་རྫོང་ཉེན་རྟོག་པ་དང་མཉམ་དུ་ཁོང་གི་ཉེ་འབྲེལ་གཅིག་

ཞི་ཆུང་། Zhichung

༢༠༡༣/༠༩/༢༨ གནས་ཚུལ་འབྱོར་གསལ་ལ། དེ་རིང་ཉིན་རྒྱབ་བོད་ནང་གི་ཆུ་ཚོད་ ༤།༣༠ ཙམ་ལ། རྔ་པ་སྒོ་མང་དགོན་ལྷ་སྡེ་མཐའ་བའི་ཞི་ཆུང་ལགས་ཀྱིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག

ད་ལྟ་རང་རྒྱ་གར་ལྷོ་ཕྱོགས་འབྲས་སྤུངས་སྒོ་མང་ཟུང་ཆུ་ཁང་ཚན་གྱི་གྲྭ་བ་ཞིག་གིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཁ་སང་ནས་བཟུང་རྔ་པ་ཁུལ་རྔ་པ་རྫོང་སྒོ་མང་ཞིང་མཐའ་བ་སྡེ་བའི་མང་ཚོགས་ཚོས་སྡེ་བའི་ཉེ་འཁྲིས་སུ་གུར་བརྒྱབ་སྟེ་ ‘མན་སྟོན’ ཟེར་བའི་དབྱར་སྐྱིད་ལྟ་བུའི་སྟོན་མོ་ཞིག་བྱེད་མགོ་ཚུགས་ཡོད་པ་དང་། ༼ ལོ་ལྟར་མཐའ་བ་སྡེ་བའི་མི་ཚང་རེ་རེ་ནས་མ་ཎི་གསོག་སྒྲུབ་བྱས་པའི་གྲངས་ཀ་བསྡུ་རུབ་དང་མཉམ་དུ་སྡེ་མི་རྣམས་འཛོམས་ཏེ་སྟོན་མོ་ཞིག་བྱེད་ཀྱིན་ཡོད་འདུག ༽ དེ་རིང་ཉིན་གུང་ཞི་ཆུང་ལགས་སྟོན་མོ་བྱེད་ཡུལ་ནས་རང་ཁྱིམ་དུ་ཕྱིན་ཡོད་ཅིང་། ཕྱི་དྲོའི་ཆུ་ཚོད་ ༤།༣༠ ཙམ་ལ་ཁོང་ཚང་གི་སྒོ་ཁ་ནས་གཟུགས་པོར་མེ་བསྒྲོན་ཏེ་སྐད་འབོད་རྒྱག་བཞིན་གཞུང་ལམ་གྱི་ཕྱོགས་སུ་བརྒྱུགས་ཏེ། གཞུང་ལམ་སྟེང་བསླེབ་གྲབས་ཡོད་སྐབས་ས་ལ་འགྱེལ་ཡོད་འདུག དེ་མ་ཐག་ས་གནས་མང་ཚོགས་ཁོའི་གམ་དུ་བཅར་སྐབས་སྐུ་གྲོངས་ཚར་ཡོད་འདུག

མང་ཚོགས་ཀྱིས་སྐུ་ཕུང་ཁྱིམ་དུ་གདན་འདྲེན་ཞུས་སྐབས་རྒྱ་གཞུང་གི་ཉེན་རྟོག་པ་དང་དམག་མི་ ༡༠༠ ལྷག་འབྱོར་ཏེ་མང་ཚོགས་ལ་འཇིགས་སྐུལ་བྱས་ཏེ་ཕུང་བོ་རྩིས་སྤྲོད་བྱེད་དགོས་པའི་བཙན་བཀའ་བཏང་ཡོད་པ་དང་། རིམ་བཞིན་མང་ཚོགས་ཀྱང་ཇེ་མང་དུ་སོང་སྟེ་ཕྱོགས་གཉིས་བར་གདོང་ཐུག་བྱུང་ལ་ཉེ་སྐབས། སྡེ་བའི་རྒན་པོ་ཚོས་མང་ཚོགས་ལ་ཞུ་བ་བྱས་ཏེ་ཛ་དྲག་གི་གནས་ཚུལ་བྱུང་བཅུག་མེད་ཀྱང་འདས་པོའི་སྐུ་ཕུང་རྒྱ་དམག་གིས་བཙན་འཕྲོག་བྱས་ཡོད་འདུག གནས་ཚུལ་དེ་བྱུང་རྗེས་སྡེ་བའི་མན་སྟོན་ཡང་མཚམས་འཇོག་བྱས་ཡོད་འདུག

ཞི་ཆུང་ལགས་རང་ལོ་ ༤༡ ཡིན་པ་དང་། ཁོའི་སྐྱེས་དམན་གྱི་མིང་ལ་བ་ལོ་ཟེར་ཞིང་རང་ལོ་ ༣༩ ཡིན་འདུག ཁོང་བཟའ་མི་གཉིས་ལ་རང་ལོ་ ༡༨ ཅན་གྱི་བུ་མོ་ཚེ་པོ་ཟེར་བ་ཞིག་དང་། རང་ལོ་ ༡༤ ཅན་གྱི་བུ་ཕུན་ཚོགས་ཟེར་བ་ཞིག་བཅས་བྱིས་པ་གཉིས་ཡོད་འདུག

སྒོ་མང་མཐའ་བ་སྡེ་བས་ཁ་སང་མན་སྟོན་གྲ་སྒྲིག་བྱེད་སྐབས། རྒྱ་ནག་གི་དཔོན་རིགས་དང་ཉེན་རྟོག་པ་མང་པོ་ཞིག་ཀྱང་དེར་འབྱོར་ཏེ་ལྟ་རྟོག་བྱེད་ཀྱིན་ཡོད་པ་དང་། སྐབས་དེར་ཞི་ཆུང་ལགས་ཀྱིས་ཁོ་རང་གི་གྲོགས་པོ་ཞིག་ལ། “རྒྱ་རྒན་འདི་དག་གིས་ང་ཚོ་འདུག་གི་འཇུག་ས་མ་རེད། ངས་ཁོ་ཚོའི་གམ་ནས་རང་ལུས་མེར་བསྲེགས་གཏོང་དགོས་ས་རེད” ཅེས་བརྗོད་ཡོད་འདུག

དེ་རིང་ཉིན་གུང་ཞི་ཆུང་ལགས་ཁྱིམ་དུ་སོང་སྟེ་༧གོང་ས་མཆོག་གི་སྐུ་པར་ཞིག་ཞལ་ཕྱེས་པའི་མདུན་དུ་མཆོད་མེ་ཞིག་བསྒྲོན་རྗེས་རང་ལུས་མེར་བསྲེགས་གནང་ཡོད་འདུག
News from tibettimes.net

ཀརྨ་ངེས་དོན་རྒྱ་མཚོ། Karma Ngedhon Gyatso

August 6, 2013 11:06 am DHARAMSHALA: The monk who died after setting himself on fire early this morning in Nepal has been identified as 38-year-old Karma Nyidhon Gyatso. 
༢༠༡༣/༠༨/༠༦ ཉིན་གྱི་ཞོགས་པར་བལ་ཡུལ་མཆོད་རྟེན་བྱ་རུང་ཁ་ཤོར་སྐོར་ལམ་ནང་རོལ་དུ་བོད་མི་ཞིག་གིས་རང་ལུས་མེར་བསྲེཊ་གནང་སྟེ་འདས་གྲོངས་སུ་ཕྱིན་ཡོད་འདུག 
ད་ལྟ་རང་འདི་གར་གནས་ཚུལ་འབྱོར་བ་ལྟར་ན། དེ་རིང་ཕྱི་ཚེས་ ༦ ཉིན་གྱི་ཞོགས་པར་བལ་ཡུལ་མཆོད་རྟེན་ནང་རོལ་དུ་རང་ལུས་མེར་བསྲེཊ་གནང་མཁན་གྱི་གྲྭ་བ་ཁོང་གི་མིང་ལ་ཀརྨ་ངེས་དོན་རྒྱ་མཚོ་ཞུ་བ་དང་། སྐྱེས་ཡུལ་བོད་རང་སྐྱོང་ལྗོངས་ཀྱི་ཁོངས་གཏོགས་འདམ་གཞུང་ནས་ཡིན་འདུག ཁོང་ད་ལྟ་རང་ལོ་ ༣༩ ཡིན་པ་དང་། བལ་ཡུལ་དབུས་སྣེ་ལེན་ཁང་གི་འབྱོར་ཐོའི་ནང་ཁོང་ ༢༠༡༢ ལོའི་ཕྱི་ཟླ་ ༡ ནང་བོད་ནས་བལ་ཡུལ་དབུས་བོད་ཀྱི་སྣེ་ལེན་ཁང་དུ་འབྱོར་ཡོད་ཚུལ་བཀོད་འདུག

ཀརྨ་ངེས་དོན་རྒྱ་མཚོ་ལགས་ཀྱིས་མཆོད་རྟེན་ནང་མཆོད་མེ་སྦར་རྗེས། སྐོར་ལམ་ཆེན་མོའི་ནང་དུ་སོང་སྟེ་རང་ལུས་མེར་བསྲེཊ་གནང་ཡོད་འདུག་ལ། རྗེས་བལ་ཡུལ་ཉེན་རྟོག་པས་ཤེས་རྟོགས་བྱུང་སྟེ་དེ་མ་ཐག་རྒྱལ་ས་ཀ་ཐ་མན་གྲུར་ཡོད་པའི་ཁྲི་རེ་བྷུ་ཧོའུ་ཝན་ (Tribhuwan) སློབ་ཆེན་གྱི་སྨན་ཁང་དུ་བསྐྱལ་ཡོད་ཀྱང་། ཆུ་ཚོད་ ༨།༡༧ ཐོག་སྨན་ཁང་དུ་བསླེབས་སྐབས་ཁོང་སྐུ་གྲོངས་ཟིན་པ་དང་། ད་ལྟའི་ཆར་ཁོང་གི་སྐུ་ཕུང་བལ་ཡུལ་ཉེན་རྟོག་པས་ལྟ་རྟོག་འོག་སྨན་ཁང་གར་ཉར་ཡོད་འདུག

ཐེངས་འདི་ནི་བལ་ཡུལ་ནང་རང་ལུས་མེར་བསྲེཊ་གནང་ཐེངས་ ༣ དེ་ཆགས་ཡོད་འདུག

August 6, 2013 11:06 am DHARAMSHALA: The monk who died after setting himself on fire early this morning in Nepal has been identified as 38-year-old Karma Nyidhon Gyatso. 

Eyewitnesses said the monk set himself on fire after offering prayers and 200 lamps at Bouddhanath Stupa in Kathmandu. The

Rennrad FREE TIBET བོད་རང་བཙན་ཆེད་རྐང་འཁོར་རྒྱུག་འགྲན།

ཡོ་རུབ་རྒྱལ་ཁབ་ཁག་ཏུ་ཆེས་སྐད་གྲགས་ཅན་གྱི་Arber Radmathon ཞེས་པའི་རྐང་འཁོར་རྒྱུག་རྩེད་འགྲན་བསྡུར་ནི་ལོ་ལྟར་འཇར་མན་ནིའི་ལྷོ་ཕྱོགས་སུ་འཚོགས་བཞིན་ཡོད་པར་ལྟར། འདི་ལོའི་རྐང་འཁོར་རྒྱུག་རྩེད་དེ་ཕྱི་ལོ་ ༢༠༡༣ ཟླ་ ༧ ཚེས་ ༢༨ ཉིན་ལྷོ་ཕྱོགས་ Regensburg གྲོང་ཁྱེར་དུ་འཚོགས་ཡོད་འདུག་ལ། སྐབས་དེ་དང་བསྟུན་འཇར་མན་ནིའི་བོད་དོན་རྒྱབ་བསྐྱོར་པའི་(Tibet Initiative Deutschland e.V.) ས་གནས་འབྲེལ་མཐུད་པ་སྐུ་ཞབས་ Josef Schmid ལགས་ཀྱིས་སྣེ་ཁྲིད་འོག་ས་གནས་མི་འདྲ་བ་ནས་ཕེབས་པའི་བོད་དོན་རྒྱབ་སྐྱོར་བ་བརྒྱད་(Josef Schmid, Tobia Spranger,

Tom Herzog, Bert, Roswitha, Tanja Ostermeier, Johannes Fischer, Conny )ཀྱིས་བོད་ནང་དཀའ་སྡུག་མྱོང་བཞིན་པའི་བོད་མི་རྣམས་དང་། དེ་བཞིན་ད་བར་བོད་དོན་ཆེད་ལུས་ངག་ཡིད་གསུམ་ཡོད་ཚད་ཕུལ་བའི་རྒྱལ་གཅེས་དཔའ་དཔའ་མོ་རྣམས་ཀྱི་ཆེད་”བོད་རང་བཙན་ཆེད་རྐང་འཁོར་རྒྱུག་འགྲན“ (Rennrad Team Free Tibet) ཞེས་པ་མིང་ཐོག་ནས་སྤྱི་ལེ་བརྒྱ་ཡི་སར་རྐང་འཁོར་རྒྱུག་འགྲན་གནང་འདུག འདི་ལོའི་ Arber Radmarathon ནང་དུ་འགྲན་ཞུགས་བྱེད་མཁན་ཡུ་རོབ་རྒྱ་ཁབ་འདྲ་མིན་དང་ས་གནས་སོགས་ནས་བསྡོམས་རྒྱུག་རྩེད་པ་ ༦༥༠༠ ལྷག་མཉམ་ཞུགས་བྱས་འདུག

གོང་འཁོད་བོད་དོན་རྒྱབ་སྐྱོར་བ་རྣམས་ཀྱིས་བོད་དོན་ཁྱབ་བསྒྲགས་ཀྱི་ཡིག་ཆ་འགྲེམས་སྤེལ་དང་གཏམ་བཤད། དེ་བཞིན་ Donau TV དང་ TVA བརྙན་འཕྲིན་ཁང་སོགས་ཀྱི་གསར་འགོད་པས་དྲིས་བར་ལན་འདེབས་སུ་བོད་ནང་དུ་འགྲོ་བ་མི་ཡི་ཐོབ་ཐང་མེད་པ་དང་། བོད་ནང་དུ་ཡོད་པའི་བོད་མི་རྣམས་ཀྱིས་མི་སྤྱོད་འདས་པའི་དཀའ་སྡུག་མྱོང་བཞིན་ཡོད་སྟབས། འདི་དག་དངོས་ཡོད་གནས་ཚུལ་ཡིན་པ་འཛམ་གླིང་མི་མང་གིས་ཤེས་ཆེད་ང་ཚོས་གོ་སྐབས་འདི་ལེན་བཞིན་ཡོད་ལ། ད་དུང་འཛམ་གླིང་མཉམ་འབྲེལ་རྒྱལ་ཚོགས་དང་ཡོ་རུབ་གནའ་འབྲེལ་མཐུན་ཚོགས། དེ་བཞིན་སྟོབས་ཆེན་རྒྱལ་ཁབ་རྣམས་ཀྱིས་སོ་སོའི་ཚོང་འབྲེལ་གྱི་ཁེ་ཕན་ཆེད་འགྲོ་བ་མི་ཡི་རིན་ཐང་ལ་རྡོག་རོལ་མི་གཏོང་བའི་རེ་བ་ཞུ་བཞིན་ཡོད་པ་སོགས་འགྲེལ་བརྗོད་དང་གཏམ་བཤད་དོན་སྙིང་ལྡན་པ་གནང་འདུག མདོར་ན་སྐད་གྲགས་ཡོད་པའི་ Arber Radmarathon ལ་ལྟ་མཁན་དང་དོ་སྣང་གནང་མཁན་ཕྱི་མི་ས་ཡ་མང་པོ་ཡོད་སྟབས། ད་ལན་སྟབས་བདེ་ལ་ཁྱབ་རྒྱ་ཆེ་བའི་བོད་དོན་ཁྱབ་བསྒྲགས་དེ་ཡང་མི་མང་ས་ཡ་མང་པོས་མཐོང་ཐོས་སུ་གྱུར་ཡོད་པ་རེད་འདུག 

དཀོན་མཆོག་བསོད་ནམས། Konchok Sonam

Kunchok Sonam, an 18-year-old monk of Thangkor Sogtsang monastery in Zoege county in Ngaba region in eastern Tibet, has died after setting himself on fire, media reports and human rights group say.

ད་ལྟ་རིང་གནས་ཚུལ་འབྱོར་གསལ་ལ། དེ་རིང་སྔ་དྲོའི་བོད་ནང་གི་ཆུ་ཚོད་ ༨།༤༠ ཡས་མས་སུ་སི་ཁྲོན་ཞིང་ཆེན་རྔ་པ་ཁུལ་མཛོད་དགེ་རྫོང་ཐང་སྐོར་སོག་ཚང་དགོན་པའི་རང་ལོ་ ༡༨ ཡིན་པའི་གྲྭ་དཀོན་མཆོག་བསོད་ནམས་ཞུ་བ་ཞིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེ་བསྲེགས་གནང་སྟེ་འདས་གྲོངས་སུ་ཕྱིན་ཡོད་འདུག
དགེ་འདུན་པ་ཁོང་དེ་རིང་སྔ་དྲོར་དགོན་པའི་ཚོགས་གྲོལ་ནས་ཡོང་སྐབས་རང་ལུས་མེར་བསྲེགས་གནང་ཡོད་པ་དང་། ཁོང་ནི་ཐང་སྐོར་སོག་ཚང་སྡེ་བའི་ཕ་བསོད་ནམས་དཔལ་ལྡན་དང་མ་ལན་ཕྲུག་གཉིས་ཀྱི་བུ་ཡིན་འདུག དེ་རིང་ས་གནས་དེའི་ཨར་ཙཱ་ཏི་ཞེས་པའི་གནས་རིར་མང་ཚོགས་བསང་གསོལ་གཏོང་བའི་ཉིན་མོར་ཁེལ་ཡོད་ཀྱང་། གནས་ཚུལ་དེ་བྱུང་བ་ཐོས་འཕྲལ་མང་ཚོགས་དགོན་ནང་དུ་འབྱོར་ཏེ་ད་ལྟ་སྐྱ་སེར་ ༡༥༠༠ ལྷག་འཛོམས་ཡོད་པ་དང་། རྒྱ་གཞུང་གི་དམག་མི་དང་ཉེན་རྟོག་པ་མང་པོ་བསླེབས་ཏེ་གནས་ཚུལ་ཛ་དྲག་ཆགས་ཡོད་འདུག
ས་གནས་དེ་ཁུལ་གྱི་བརྒྱུད་ལམ་ཁག་སྔོན་མ་ནས་རྒྱ་གཞུང་གིས་དམ་དྲག་བྱས་ཡོད་པ་དང་། དེ་རིང་གནས་ཚུལ་དེ་བྱུང་རྗེས་བརྡ་འཕྲིན་ཁག་རྦད་དེ་བཀག་ཡོད་འདུག རང་ལུས་མེར་བསྲེགས་ཀྱི་གནས་ཚུལ་དེ་བྱུང་རྗེས་རྒྱ་ནག་གི་ཉེན་རྟོག་པ་འབྱོར་ཏེ་ཁོང་གི་སྐུ་ཕུང་འཕྲོག་རྩིས་བྱས་ཡོད་ཀྱང་། ས་གནས་མང་ཚོགས་ཀྱིས་སྐུ་ཕུང་རྒྱ་ལག་ཏུ་ཤོར་མ་བཅུག་པར་ཉེ་འགྲམ་གྱི་རྨ་ཆུར་བསྐུར་ཡོད་འདུག (གནས་ཚུལ་ཡོང་ཁུངས་གཞན་ཞིག་ཏུ། སྐུ་ཕུང་དགོན་ནང་དུ་གདན་ཞུས་ཀྱིས་གྲྭ་མང་གིས་བསྔོ་སྨོན་གསུང་བཞིན་ཡོད་ཚུལ་ཡང་འདུག)
རིམ་པ་གཉིས་པ། རྗེས་སུ་གནས་ཚུལ་ཐོན་པ་ལྟར་ན། སོག་ཚང་དགོན་བཀྲ་ཤིས་ཐེག་མཆོག་གླིང་གི་གྲྭ་དཀོན་མཆོག་བསོད་ནམས་ལགས་ཀྱིས་ཞོགས་པའི་ཚོགས་གྲོལ་ནས་ཡོང་སྐབས། ལམ་བར་ནས་རང་ལུས་མེར་བསྲེགས་གནང་ཡོད་པ་དང་། སྐབས་དེར་དགེ་འདུན་པ་ཚོས་མཐོང་དུས་མེ་ལྕེ་དྲག་པོ་འབར་བཞིན་པའི་གསེང་དུ་ཁོང་གིས་ལག་གཉིས་ཐལ་མོ་སྦྱར་ཏེ་ངག་ནས་མང་པོ་ཞིག་རྗོད་ཀྱིན་ཡོད་ཀྱང་ཚིག་འབྲི་གསལ་བོ་ཐོས་ཐུབ་མེད་པ་དང་། ཅུང་ཙམ་རྗེས་ཁོང་ས་ལ་འགྱེལ་རྗེས་གྲྭ་བ་ཚོ་གམ་དུ་བཅར་སྐབས་སྐུ་གྲོངས་ཚར་ཡོད་ཀྱང་ད་དུང་ཕྱག་གཉིས་དམ་པོར་ཐལ་མོ་སྦྱར་ནས་བཞུགས་ཡོད་འདུག
དེའི་རྗེས་རྒྱ་ནག་གི་ཉེན་རྟོག་པ་དང་དམག་མི་མང་པོ་འབྱོར་ཏེ། དགོན་པའི་དགེ་འདུན་པ་ཚོར་འཇིགས་སྐུལ་བྱས་ཏེ་ཕུང་པོ་རྩིས་སྤྲོད་བྱེད་དགོས་ཚུལ་བརྗོད་ཡོད་པ་དང་། སྐབས་དེར་ས་གནས་དེ་ཁུལ་གྱི་མང་ཚོགས་ཀྱང་དགོན་ནང་དུ་འབྱོར་ཏེ་སྐུ་ཕུང་རྒྱ་ལག་ཏུ་ཤོར་མ་བཅུག་པར་ལྷ་ཁང་ཞིག་ཏུ་གདན་འདྲེན་ཞུས་ཏེ་གྲྭ་མང་གིས་བསྔོ་སྨོན་གསུངས་ཡོད་འདུག རྒྱ་ནག་གི་ཉེན་རྟོག་པ་དང་དམག་མི་ཚོ་དགོན་ནང་དུ་ཡོང་སྟེ་དྲག་ཤུགས་ཀྱིས་ཕུང་པོ་འཕྲོག་རྩིས་བྱེད་སྐབས། དགོན་པ་དང་ས་གནས་ཀྱི་གནད་ཡོད་མི་སྣ་སྐོར་ཞིག་གིས་ལྐོག་ནས་སྐུ་ཕུང་ས་གཞན་ཞུག་ཏུ་གནས་སྤོར་བྱས་ཏེ། རྒྱ་དམར་ཚོར་འདས་པོའི་ཕུང་བོ་རྨ་ཆུར་བསྐུར་ཚར་ཡོད་ཚུལ་བརྗོད་ཡོད་འདུག ད་ལྟ་ས་གནས་མི་མང་དཀྱུས་མ་ཚོས་ཀྱང་སྐུ་ཕུང་གར་བཞུགས་ཀྱི་གནས་ཚུལ་ཤེས་རྟོགས་མེད་པ་ཆགས་ཡོད་འདུག
མདོ་སྨད་ལོ་རྒྱུས་ཆེན་མོ་ལྟར་ན། དགོན་འདིའི་མིང་ཆ་ཚང་ལ། བཀྲ་ཤིས་ཐེག་མཆོག་གླིང་ཟེར་ཞིང་། ཕྱི་ལོ་ ༡༦༥༨ ལོར་བློ་བཟང་བསྟན་འཛིན་རྒྱ་མཚོ་ཞུ་བས་ཕྱག་བཏབ་གནང་ཡོད་འདུག ཆོས་བརྒྱུད་དགེ་ལུགས་ཡིན་ཞིང་། གསང་སྔགས་རྒྱུད་སྟོད་གྲྭ་ཚང་གི་ཕྱག་ལེན་སྐྱོང་ཞིང་། བཀའ་རམས། གསང་འདུས་བསྐྱེད་རྫོགས། ལམ་རིམ་བདེ་ལམ་བཅས་འཛིན་གྲྭ་བཞི་ཡོད་འདུག རིག་གསར་སྐབས་རྒྱ་ནག་གིས་བཅོམ་ཉུལ་བཏང་ཡོད་ཀྱང་ ༡༩༨༣ ལོར་ས་གནས་མི་མང་ཚོས་བསྐྱར་གསོ་གནང་སྟེ་ད་ལྟ་གྲྭ་མང་ ༣༠༠ ཡས་མས་ཡོད་འདུག

Kunchok Sonam, an 18-year-old monk of Thangkor Sogtsang monastery in Zoege county in Ngaba region in eastern Tibet, has died after setting himself on fire, media reports and human rights group say.

Kunchok Sonam set himself on fire around 8:00 am (local time) Saturday (20 July) while returning from the monastery after a daily prayer service. Today is a special occasion for the local Tibetans to hold incense burning ceremony (Tib: Sangsol) in the morning. But on hearing reports of self-immolation, thousands of Tibetans rushed towards the monastery.

The local Tibetans prevented the police from taking away the body, which one report says was then consigned to the nearby Machu river. Another report says the body was taken inside the monastery and a prayer service is being held. 

The situation in the region remains tense. The authorities have deployed a large number of security forces at the monastery and cut off the telephone and Internet lines.

The Central Tibetan Administration is verifying the details of today’s incident. It will provide updates on the situation as more details become available. 

Over 120 Tibetans have set themselves on fire in Tibet calling for the return of His Holiness the Dalai Lama to Tibet and freedom for Tibetans. (Fact sheet on self-immolations in Tibet)

Why Tibet is burning

The Central Tibetan Administration had issued a white paper on the underlying causes of the increasing number of self-immolations that are currently engulfing Tibet.  

“The reason lies in China’s massive policy failure in Tibet over the course of more than 60 years of its rule. The revolution that is brewing in Tibet is driven by political repression, cultural assimilation, social discrimination, economic marginalisation and environmental destruction,” noted the white paper titled “Why Tibet is burning” released this January. (Read full text)

The International community, including the UN and EU Parliament, have strongly urged the Chinese government to address the Tibetan people’s genuine grievances and end its policies which are pushing Tibetans to take drastic actions.

But the Chinese government has responded to the crisis with more repressive measures such as deployment of massive security forces in the Tibetan areas and meting out death and harsh prison sentences to Tibetans on trumped-up charges.

The Central Tibetan Administration has repeatedly appealed to Tibetans not to take drastic actions, including self-immolation.

News from tibettimes.net and tibet.net

དབང་ཆེན་སྒྲོལ་མ། Wangchen Dolma

སྤྱི་ལོ་༢༠༡༣་༠༦་༡༡ ཉིན་ཁམས་རྟའུ་རྫོང་དུ་རང་ལུས་མེར་བསྲེགས་བཏང་བའི་གནས་ཚུལ་ཐོན་

པའི་རྒྱལ་གཅེས་པ་ཨ་ནེ་དེའི་གནས་ཡུལ་ཕ་མ་སོགས་གསལ་པོ་གོ་ཡོད་པའི་གནས་ཚུལ་ནི། རྒྱལ་གཅེས་དཔའ་མོ་ཨ་ནེ་དེ་ནི་རྟའུ་རྫོང་ཁུངས་བྲག་བག་ཡུལ་དུ་ཡིན་པ་དང་། ཕའི་མིང་ལ་བསྟན་འཛིན་དང་། མའི་མིང་དབྱིན་གཉེར་ཟེར། ཨ་ནེ་དེའི་སྐྱ་མིང་ལ་སྒྲོལ་དཀར་དང་། ཆོས་མིང་ལ་དབང་ཆེན་སྒྲོན་མ་ཟེར་རྦ་ཞབས་བྲག་དཀར་དགོན་གྱི་བཙུན་མ་ཡིན། སྤྱི་ལོ་༢༠༡༣་ཟླ་བ་༠༦་ཚེས་༡༤་ཉིན་གྱི་སྔ་དྲོར་ཆུ་ཚོད་བརྒྱད་པ་ཙམ་ལ་གྲོངས་ཡོད་པ་དང་། རྒྱ་མིས་ཕུངས་པོ་ནང་མིར་རྩིས་སྤྲོད་མ་བྱས་པར་གློག་བསྲེགས་བཏང་ཡོད་འདུག། ཁོང་གི་ནང་དུ་ཕ་མ་གཉིས་དང་ཇོ་ཇོ་གཉིས། གཅུང་མོ་གཉིས་བཅས་ཡོད། ད་ལྟར་རྒྱ་མིས་དམག་གི་དམ་དྲག་ཤུགས་ཆེན་བྱེད་ནས་གཉེན་ཉེ་སོགས་སུ་ཡིན་རུང་ཁོང་གི་ནང་དུ་མི་གཏོང་བ་དང་མང་མི་ཕྱིར་འགྲོ་བ་སོགས་ལ་དཀའ་བསྔལ་ཤིན་ཏུ་ཆེན་པོ་ཡོད་པས་ཆོས་ཕྱོགས་ཀྱི་མཆོད་འབུལ་རིགས་ཀྱང་བྱ་ཐབས་བྲལ་བའི་གནས་སུ་གྱུར་འདུག། གནས་ཚུལ་འདི་དངོས་ཡོད་དང་བདེན་པ་ཡིན་པས་ཚང་མས་ཁོང་གི་ཆེད་དུ་ཐུགས་སྨོན་གནང་སྐྱོང་ཡོང་རེ་ཆེ།
གནས་ཚུལ་འདི་ YE XI Tibet ལས་དྲངས།
DHARAMSHALA: A Tibetan nun set herself on fire in Tawu county in Karze (incorporated into China’s Sichuan Province) eastern Tibet on Tuesday (11 June), media reports and human rights organisations say.
The nun set fire to herself outside Nyatso monastery, where

བསྟན་འཛིན་ཤེས་རབ། Tenzin Sherab

གཟའ་ཟླ་བའི་ཉིན་ཁམས་ཡུལ་ཤུལ་ཆུ་དམར་ལེབ་རྫོང་ཆིག་སྒྲིག་གྲོང་རྡལ་དུ་བསྟན་འཛིན་ཤེས་རབ་ཞུ་བ་ཞིག་གིས་རང་ལུས་མེར་བསྲེཊ་གནང་སྟེ་སྐུ་གྲོངས་འདུག   
རྒྱ་གར་ལྷོ་ཕྱོགས་ཀྱི་གྲྭ་བྱམས་པ་ཡོན་ཏན་ལགས་ཀྱིས་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༢༧ ཉིན། ཁམས་ཡུལ་ཤུལ་ཆུ་དམར་ལེབ་རྫོང་།  ཆིག་སྒྲིལ་གྲོང་བརྡལ་སྐྱ་འཁྱོག་ཡུལ་ཚོའི་རི་ཁག་གཉིས་པ། ཨ་དྲེལ་སྡེ་པའི་བསྟན་འཛིན་ཤེས་རབ་ལགས་ཀྱིས་ཆུ་དམར་ལེབ་རྫོང་གི་རྒྱ་རིང་ཟེར་བའི་ས་ཆར་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག ཁོང་འདས་གྲོངས་སུ་གྱུར་བ་ཤེས་རྟོགས་བྱུང་མ་ཐག་ཆུ་དམར་ལེབ་རྫོང་ཉེན་རྟོག་པ་བསླེབས་ཏེ་སྐུ་ཕུང་བཙན་ཁྱེར་བྱས་ཡོད་ཀྱང་། ཁ་སང་ཕྱི་ཚེས་ ༢༨ ཉིན་ཁོང་གི་ནང་མི་སྐད་བཏང་ནས་སྐུ་ཕུང་རྩིས་སྤྲོད་བྱས་ཡོད་པ་དང་། མི་འགྱང་བར་སྐུ་ཕུང་དབོན་པོ་དགོན་ནང་དུ་འཁྱེར་འཆར་ཡོད་འདུག 
རྒྱལ་གཅེས་དཔའ་བོ་བསྟན་འཛིན་ཤེས་རབ་ལཊ་ཀྱི་ཕ་མིང་ལ་དོན་འགྲུབ་དང་མ་མིང་ལ་ཆོས་མས་ཞུ་བ་དང་། ཁོང་ལ་སྤུན་མཆེད་ ༥ ཡོད་འདུག མེར་བསྲེགས་མ་བཏང་བའི་ཉིན་འགའི་སྔོན་དུ། ཁོང་གིས་གྲོགས་པོ་ཁ་ཤས་ལ་རྒྱ་ནག་གི་སྲིད་ཇུས་ཡག་པོ་མེད་ཚུལ་དང་།  བོད་མི་རིགས་ཀྱི་ཆོས་དང་རིག་གཞུང་རྩ་བརླག་འགྲོ་ཉེན་ཡོད་པ།  རྒྱ་ནག་གི་དྲག་སྤྱོད་འོག་ནས་འདུག་ཐབས་བྲལ་བ་སོགས་བརྗོད་ཡོད་འདུག

May 29: In reports coming just in, a Tibetan man set himself on fire in Adril region of eastern Tibet protesting China’s occupation and hard-line policies in Tibet.

Tenzin Sherab, 31, carried out his self-immolation protest on May 27. He succumbed to his injuries at the site of his fiery protest.

འཇར་མན་ནི་བོད་དོན་རྒྱབ་སྐྱོར་ཚོགས་པའི་འགན་འཛིན་ལྷན་ཚོགས་ཐེངས་ ༢༤ པ་གྲོང་ཁྱེར་ཕི་རན་ཕུར་ཀྲི་ལ་ཚོགས་པ།

དེའང་འཇར་མན་ནིའི་བོད་དོན་རྒྱབ་སྐྱོར་ཚོགས་ Tibet Initiative Deutschland (TID) པའི་འགན་འཛིན་ལྷ་ཚོགས་ཐེངས་ ༢༤ དེ་ཕྱི་ལོ་ ༢༠༡༣ ཕྱི་ཟླ་ ༥ ཚེས་ ༤ ཉིན་“བོད་
དོན་ཆེད་མཉམ་འབྲེལ་དང་སྟོབས་ཤུགས”ཞེས་པའི་རྗོད་གཞིའི་ཐོགས་སྐོང་ཚོགས་གནང་སོང་།

དེའང་ཚོགས་པ་འདི་ནི་ཡོ་རུབ་ཁུལ་གྱི་བོད་དོན་རྒྱབ་སྐྱོར་ཚོགས་པ་ཆེ་ཤོས་ཞིག་ཡིན་པ་དང་། ད་ལྟའི་བར་ཚོགས་ཞུགས་འཐུས་མི་ ༡༧༠༠ དང་རྒྱབ་སྐྱོར་ཚོགས་མི་གྲངས་ ༧༡༠༠ ལྷག་ཡོད་པ་དང་། ས་གནས་ཡན་ལག་ཚོགས་པ་ ༣༢ ། ས་གནས་འབྲེལ་མཐུད་ཚོགས་ཆུང་ ༢༨ ། སློབ་སྟོན་ཚོགས་མི་གྲངས་ ༦ ། རྒྱུན་ཞུགས་ལས་བྱེད་ ༧ ཡོད་པ་ལས་བདུན་ཕྲག་རེའི་ནང་དུ་ཆུ་ཚོད་ ༡༥༥ རིང་ཕྱག་ལས་གནང་གི་ཡོད་འདུག 

ད་ལན་ཚོགས་འདུ་དེའི་ཐོག་འཇར་ཁོད་བོད་རིགས་ཚོགས་པའི་ (The Association of Tibetans in Germany eV) ཚོགས་གཙོ་བྱམས་པ་ཀུན་དགའ་ཤར་ལགས་དང་། སུད་བོད་མཐུན་གྲོགས་ཚོགས་པའི་ཚོགས་གཙོ་མིག་དམར་རདྣ་ལགས་དང་དེ་བཞིན་གནད་ཡོད་བོད་རིགས་འགའ་ཞིག་ཀྱང་ཆེད་ཕེབས་གནང་འདུག དེ་བཞིན་འཇར་མན་ནིའི་ས་གནས་མི་འདྲ་ ༦༠ ལྷག་ནས་ཕེབས་པའི་འཚོགས་མི་མི་གྲངས་ ༨༠ ལྷག་ཞིག་མཉམ་འཛོམས་བྱུང་སོང་། 

དང་ཐོག་མར་འཇར་མན་ནིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཝོལཕ་ཀང་གྷི་ར་ཌེར་ Wolfgang Grader ལགས་ཀྱིས་ད་ལན་འགན་འཛིན་ལྷན་ཚོགས་ཐེངས་ ༢༤ པའི་ཐོག་“བོད་དོན་ཆེད་མཉམ་འབྲེལ་དང་སྟོབས་ཤུགས”ཞེས་པ་འཚོགས་དགོས་པའི་ཚོགས་འདུའི་ངོ་སྤྲོད་དང་བསྒྲགས་ས་གནས་ཚོགས་པ་ཁག་གི་ལས་དོན་བྱེད་ཕྱོགས་ལ་ལེགས་གསོལ། དེ་བཞིན་གསར་དུ་ཚུགས་པའི་ས་གནས་འཐུས་ཚོགས་དང་གསར་ཞུགས་ཚོགས་མི་རྣམས་ངོ་སྤྲོད་སོགས་གནང་། 
དེ་རྗེས་འཇར་འཁོད་བོད་རིགས་ཚོགས་པའི་ཚོགས་གཙོ་བྱམས་པ་ཀུན་དགའ་ཤར་ལགས་ཀྱིས་ཚོགས་འདུར་ཕེབས་པའི་ཚོགས་ཞུགས་པ་ཡོངས་ལ་འཚམས་འདྲི་དང་བསྒྲགས་འཇར་མན་ནིའི་གནས་སྡོད་བོད་རིགས་རྣམས་ཀྱིས་ལས་དོན་བྱེད་ཕྱོགས་དང་། དེ་བཞིན་འཇར་མན་ནིའི་བོད་དོན་རྒྱབ་སྐྱོར་ཚོགས་པས་འཇར་བཞུགས་བོད་རིགས་གཙོས་བོད་ཕྱི་ནང་གཉིས་ཀྱི་གནས་སྟངས་ལ་ལོ་མང་རིང་རྒྱབ་སྐྱོར་དང་ཐུགས་ཁུལ་གནང་བར་ཐུགས་རྗེ་ཞུའི་གསུང་བཤད་གནང་། 
ཚོགས་འདུའི་དངོས་གཞིའི་ཐོག་ཕྱི་ལོ་ ༢༠༡༢ ལོའི་ལས་བསྡོམས་སྙན་ཐོ་དང་ ༢༠༡༣ ལོའི་ལས་འཆར་ལས་འཇར་མན་ནིའི་བོད་དོན་རྒྱབ་སྐྱོར་ཚོགས་པ་བཙུགས་ནས་ ༢༠༡༤ ལོར་མི་ལོ་ ༢༥ འཁོར་རྒྱུ་ཡོད་སྟབས་དེ་དང་བསྟུན་བོད་དོན་འཐབ་རྩོད་དང་དུས་དྲན་སྲུང་གཙི་ཞུ་ཕྱོགས་སོགས་ཀྱི་སྐོར་བགྲོ་གླེེང་། 

དེ་བཞིན་བོད་དོན་འཐབ་རྩོད་བྱས་ཕྱོགས་ཐད་སྔ་ལོའི་ལས་འགུལ་གལ་ཆེ་ཤོས་ཁག་ནས་གཅིག་ནི་རྒྱ་ནག་གིས་མི་ལོ་སྟོང་ཕྲག་ལྷག་བོད་མཐོ་སྒང་དུ་འཚོ་བ་རོལ་བའི་བོད་ཀྱི་འབྲོག་པ་རྣམས་བཙན་དབང་གིས་གྲོང་ཁྱེར་ནང་དུ་གནས་སྤོ་གཏོང་བཞིན་པ་ནི། རྒྱལ་སྤྱིའི་འགྲོ་བ་མི་ཡི་ཐོབ་ཐང་དང་འཁོར་ཡུག་སྲུང་སྐྱོབས་ཐད་ཡོངས་སུ་རྩ་འགལ་ཡིན་སྟབས་དེ་དག་ལ་ངོ་རྒོལ་དང་རྒྱལ་སྤྱིའི་འགྲོ་བ་མི་ཡི་ཐོབ་ཐང་ཚོགས་སྡེ་ཁག་ལ་རྒྱབ་སྐྱོར་ཡོང་ཆེད་“སྔོ་ལྗང་གི་བོད། བོད་རང་བཙན། ” (Green Tibet. Free Tibet) ཞེས་པའི་ལས་འགུལ་ཞིག་སྤེལ་ཏེ་ས་གནས་ཁག་མི་འདྲ་བ་ནས་རྒྱབ་སྐྱོར་བ་སྟོང་ཕྲག་བརྒྱད་ལྷག་ཞིག་གིས་ས་རྟགས་བསྡུ་རུབ་ཀྱིས་རྒྱ་གཞུང་ལ་ཕུལ་ཡོད་འདུག 

དེ་བཞིན་ལོ་ལྟར་འཇར་མན་ནིའི་བོད་དོན་རྒྱབ་སྐྱོར་ཚོགས་པས་སུམ་ཅུའི་དུས་དྲན་ཡས་མས་སུ་འཇར་མན་ནིའི་རྒྱལ་ཡོངས་སུ་ས་གནས་གཞུང་དོན་ལས་ཁུངས་ཁག་ཏུ་བོད་ཀྱི་རྒྱལ་དར་བསྒྲེངས་འཛུག་གནང་རྒྱུའི་རེ་འབོད་ཞུ་བཞིན་ཡོད་པ་ལྟར་སྔ་ལོར་གྲོང་ཁྱེར་སྤྱི་ཁྱབ་གཞུང་དོན་ཁང་ཆིག་སྟོང་ཉིས་བརྒྱ་བཅུ་གཉིས་ (༡༢༡༢ ) ཙམ་གྱིས་བོད་ཀྱི་རྒྱལ་དར་བསྒྲེངས་འཛུགས་གནང་ཡོད་པ་ལས། འདི་ལོར་གྲོང་ཁྱེར་སྤྱི་ཁྱབ་གཞུང་དོན་ཁང་ཆིག་སྟོང་གཉིས་བརྒྱ་སུམ་བཅུ་སོ་དྲུག་ (༡༢༣༦) ཙམ་གྱིས་སུམ་ཅུའི་དུས་དྲན་ཉིན་བོད་ཀྱི་རྒྱལ་དར་བསྒྲེངས་འཛུག་གིས་བོད་དང་བོད་མིར་གདུང་སེམས་མཉམ་སྐྱེད་མཚོན་ཐབས་བྱས་ཡོད་འདུག དེ་བཞིན་འདི་ལོར་དམིགས་བསལ་བོད་དུ་རང་ལུས་མེར་བསྲེག་བཏང་དང་གཏོང་བཞིན་པ་རྣམས་ལ་གདུང་

སེམས་མཚོན་ཆེད་གསར་འགྱུར་དང་དྲ་ལམ་ཁག་དང་། དེ་མིན་གྲོང་ཁྱེར་དང་ཡུལ་མིའི་རྒྱུད་ནས་ད་ལྟའི་བོད་ཀྱི་ཛ་དྲག་གནས་སྟངས་ངོ་སྤྲོད་སོགས་ཐབས་ལམ་མི་འདྲ་བརྒྱད་ཙམ་གྱི་ཐོག་ལས་འགུལ་སྤེལ་དང་སྤེལ་བཞིན་པ་ཡིན་འདུག དེ་དང་ཆབ་གཅིག་བོད་བཞུགས་རྩོམ་པ་པོ་གྲགས་ཅན་ཚེ་རིང་འོད་ཟེར་ལགས་གཙོས་པས་བོད་དོན་ཐོག་བྲིས་པའི་རྩོམ་ཡིག་དང་དེབ་རྣམས་འཇར་མན་ནིའི་སྐད་ཐོག་ཡིག་བསྒྱུར་དང་པར་བསྐྲུན་གནང་གིན་འདུག 
ད་ལན་ཚོགས་ཐོག་གི་སྐུ་མགྲོན་གཙོ་བོ་རྒྱ་ནག་གི་ཆབ་སྲིད་དང་ལྟ་བ་མི་མཐུན་པའི་རྒྱ་རིགས་རྩོམ་པ་པོ་གྲགས་ཅན་དང་རྒྱལ་སྤྱིའི་ཐོག་དྲང་བདེན་འཐབ་རྩོད་ཀྱི་རྩོམ་རིགས་བྱ་དགའ་ཐེངས་མང་ཐོབ་མྱོང་བའི་བོད་དོན་རྒྱབ་སྐྱོར་བ་ལིའོ་ཡི་ཝུ་ Liao Yiwu གདན་ཞུས་ཀྱིས་ཁོང་གིས་ཉེ་ཆར་བྲིས་པའི་རྩོམ་ཡིག་“རང་ལུས་མེ་སྲེག་གི་ལས་འགུལ་དེ་ཁོང་ཁྲོའི་རྒྱུན་ཞིག་ཏུ་འགྱུར་སྲིད་པ་”ཞེས་པའི་དོན་ཚན་དྲུག་ཅན་གྱི་རྩོམ་ཡིག་དེར་བགྲོ་གླེང་གནང་། དེའང་ཁོང་གིས་“རྒྱུན་རིང་

པོ་ཞིག་གི་རྗེས་སུ་ང་ཚོའི་རེ་བ་ལྟར་རྒྱ་ནག་དེ་མང་གཙོའི་རྒྱལ་ཁབ་ཅིག་ཏུ་འགྱུར་ཚེ། ད་གཟོད་བོད་ཀྱི་འཐབ་རྩོད་དེའི་མཇུག་གཞི་ནས་བསྡུ་རྒྱུ་རེད།” ཟེར། ད་དུང་ཁོང་གིས་ད་ལྟའི་ཆར་བོད་མི་རྣམས་ཀྱི་འཐབ་རྩོད་དེ་ཞི་བའི་ལས་འགུལ་ཞིག་ཡིན་ནའང་རིམ་པར་གུང་ཁྲན་ཏང་གཞུང་གིས་སོ་སོའི་རྣམ་འགྱུར་དེར་འགྱུར་བ་མ་གཏང་ཚེ། བོད་ཀྱི་མི་རབས་རྗེས་མ་རྣམས་ལ་འཐབ་རྩོད་དེ་རྣོ་ངར་དང་དྲགས་ཤུགས་ཅན་ཞིག་ཏུ་འགྱུར་མི་སྲིད་པ་ཞིག་མ་རེད་སོགས་ཀྱི་གཏམ་བཤད་དང་ཚོགས་ཞུགས་བ་རྣམས་ཀྱི་དྲི་བར་ལན་འདེབས་བཅས་མདོར་ན་ཆུ་ཚོད་གསུམ་མ་ཟིན་ཙམ་རིང་བགྲོ་གླེང་ལྷུག་པོར་གནང་སོང་། 
དེ་རྗེས་འཇར་མན་ནིའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ལགས་ནས་འཇར་མན་ནིའི་རྒྱལ་ཡོངས་ས་གནས་ཁག་ནས་ཆེད་ཕེབས་གནང་བའི་འགན་འཛིན་ལྷན་ཚོགས་ཀྱི་ཚོགས་མི་རྣམས་ལ་སྒོ་གང་ནས་བོད་དོན་ཐོག་ཐུགས་ཁུལ་གནང་བར་ཐུགས་རྗེ་ཆེ་ཞུའི་གསུང་བཤད་བཅས་ཚོགས་འདུ་རྒྱལ་ཁའི་ངང་གྲོལ།། 

དཀོན་མཆོག་འོད་ཟེར། Konchok Woser

དེ་རིང་ཕྱི་དྲོར་བོད་ཨ་མདོ་རྔ་པ་ཁུལ་མཛོ་དགེ་རྫོང་སྟག་ཚང་ལྷ་མོ་ཀིརྟི་དགོན་པའི་དཀོན་མཆོག་འོད་ཟེར་གྱིས་དགོན་པའི་འདུ་ཁང་ཉེ་འགྲམ་དུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག

བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་གནས་ཚུལ་བཏང་འབྱོར་ལ། དེ་རིང་བོད་ནང་གི་ཆུ་ཚོད་ ༦།༤༠ ཙམ་ལ་མདོ་སྨད་རྔ་པ་བོད་རིགས་རང་སྐྱོང་ཁུལ་མཛོད་དགེ་རྫོང་སྟག་ཚང་མོ་ཀིརྟི་དགོན་པའི་རང་ལོ་ ༢༣ ཡིན་པའི་གྲྭ་དཀོན་མཆོག་འོད་ཟེར་གྱིས་སྟག་ཚང་ལྷ་མོ་ཀིརྟི་དགོན་པའི་འདུ་ཁང་འགྲམ་གྱི་གཡས་ཟུར་ནས་རང་ལུས་མེར་བསྲེགས་གནང་སྟེ་རྒྱ་གཞུང་གི་གདུག་རྩུབ་སྲིད་ཇུས་ལ་ངོ་རྒོལ་སྐད་འབོད་གནང་སྟེ་འདས་གྲོངས་སུ་ཕྱན་ཡོད་འདུག

སྟག་ཚང་མོ་ཀིརྟི་དགོན་པའི་དགེ་འདུན་པ་རྣམས་ཀྱིས་ཁོང་གི་སྐུ་ཕུང་གྲྭ་ཤག་ཏུ་གདན་འདྲེན་གྱིས་བསྔོ་བ་སྨོན་ལམ་གསུངས་ཡོད་པ་དང་། ཁོང་གི་སྐུ་ཕུང་སང་ཉིན་སྔ་དྲོར་ཞུགས་འབུལ་བྱེད་དགོས་ཚུལ་ས་གནས་རྒྱ་གཞུང་གིས་བརྡ་ལན་འབྱོར་ཡོད་འདུག
 གྲྭ་དཀོན་མཆོག་འོད་ཟེར་ལགས་ནི་མཛོད་དགེ་རྫོང་རྨེ་ཆུ་ཡུལ་ཚོའི་ཀིརྟི་རྐ་ཆུ་ཁའི་ཚ་ཁོ་རུ་བའི་ཕ་ཚེ་རིང་ནོར་བུ་དང་། མ་བསམ་འགྲུབ་སྒྲོལ་མ་གཉིས་ལ་བུ་གསུམ་ཡོད་པའི་འབྲིང་བ་ཡིན་འདུག

ཁོང་ཆུང་དུས་ནས་སྟག་ཚང་ལྷ་མོ་ཀིརྟི་དགོན་པར་ཆོས་ཞུགས་བྱས་ཏེ་རྒྱུད་པ་གྲྭ་ཚང་ཡིན་འདུག་ལ། ཁོང་རྒྱུན་དུ་ཀུན་སྤྱོད་དང་བསླབ་པ་སློབ་གཉེར་སོགས་མིག་དཔེར་འོས་པ་ཞིག་ཡིན་འདུག

སྟག་ཚང་ལྷ་མོ་ཀིརྟིའི་དགོན་བློ་གླིང་དགེ་ལྡན་བཀྲ་ཤིས་འཁྱིལ་ནི་མཛོད་དགེ་རྫོང་གི་ནུབ་བྱང་ཕྱོགས་སུ་སྤྱི་ལེ་ ༡༤༠ ལྷག་གི་སར་ཡོད་ལ། ཕྱི་ལོ་ ༡༧༤༨ ལོར་ཀིརྟི་སྐུ་ཕྲེང་ལྔ་པ་བློ་བཟང་བསྟན་པའི་རྒྱལ་མཚན་མཆོག་གིས་ཕྱག་བཏབ་གནང་ཞིང་། དེང་སྐབས་མཚན་ཉིད་གྲྭ་ཚང་དང་། རྒྱུད་པ་གྲྭ་ཚང་། དུས་འཁོར་གྲྭ་ཚང་། སྨན་པ་གྲྭ་ཚང་བཅས་གྲྭ་ཚང་བཞི་ལ། དགེ་འདུན་པ་ཞལ་གྲངས་ ༧༠༠ ལྷག་ཡོད་འདུག
News from tibettimes.net

བློ་བཟང་ཟླ་བ། Lobsang Dawa

དེ་རིང་ཕྱི་དྲོར་བོད་ཨ་མདོ་རྔ་པ་ཁུལ་མཛོ་དགེ་རྫོང་སྟག་ཚང་ལྷ་མོ་ཀིརྟི་དགོན་པའི་གྲྭ་བློ་བཟང་ཟླ་བ་ལགས་ཀྱིས་དགོན་པའི་འདུ་ཁང་ཉེ་འགྲམ་དུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག

བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་གནས་ཚུལ་བཏང་འབྱོར་ལ། དེ་རིང་བོད་ནང་གི་ཆུ་ཚོད་ ༦།༤༠ ཙམ་ལ་མདོ་སྨད་རྔ་པ་བོད་རིགས་རང་སྐྱོང་ཁུལ་མཛོད་དགེ་རྫོང་སྟག་ཚང་མོ་ཀིརྟི་དགོན་པའི་རང་ལོ་ ༢༠ ཡིན་པའི་གྲྭ་བློ་བཟང་ཟླ་བ་ལགས་ཀྱིས་སྟག་ཚང་ལྷ་མོ་ཀིརྟི་དགོན་པའི་འདུ་ཁང་འགྲམ་གྱི་གཡས་ཟུར་ནས་རང་ལུས་མེར་བསྲེགས་གནང་སྟེ་རྒྱ་གཞུང་གི་གདུག་རྩུབ་སྲིད་ཇུས་ལ་ངོ་རྒོལ་སྐད་འབོད་གནང་སྟེ་འདས་གྲོངས་སུ་ཕྱན་ཡོད་འདུག

སྟག་ཚང་མོ་ཀིརྟི་དགོན་པའི་དགེ་འདུན་པ་རྣམས་ཀྱིས་ཁོང་གི་སྐུ་ཕུང་གྲྭ་ཤག་ཏུ་གདན་འདྲེན་གྱིས་བསྔོ་བ་སྨོན་ལམ་གསུངས་ཡོད་པ་དང་། ཁོང་གི་སྐུ་ཕུང་སང་ཉིན་སྔ་དྲོར་ཞུགས་འབུལ་བྱེད་དགོས་ཚུལ་ས་གནས་རྒྱ་གཞུང་གིས་བརྡ་ལན་འབྱོར་ཡོད་འདུག

གྲྭ་བློ་བཟང་ཟླ་བ་ལགས་ནི་མཛོད་དགེ་རྫོང་གཟའ་རུ་ཡུལ་ཚོའི་གཟའ་རུ་འབྲོག་པ་སྨད་མ་ནས་ཡིན་ཞིང་། རང་ལོ་ ༦༢ ཡིན་པའི་ཕ་རྡོ་རྗེ་མཁའ་འགྲོ་བཟའ་ཟླ་གཉིས་ལ་བུ་བུ་མོ་བདུན་ཡོད་པའི་ནང་གི་ཆུང་ཤོས་ཡིན་འདུག་ལ། ཁོང་གི་ཨ་མ་གྲོངས་ཟིན་འདུག 
ཁོང་ཆུང་དུས་ནས་སྟག་ཚང་ལྷ་མོ་ཀིརྟི་དགོན་པར་ཆོས་ཞུགས་བྱས་ཏེ་བློ་བཟང་ཟླ་བ་དེང་སྐབས་བསྡུས་ཆེན་འཛིན་གྲྭ་ཡིན་པ་དང་། ཁོང་རྒྱུན་དུ་ཀུན་སྤྱོད་དང་བསླབ་པ་སློབ་གཉེར་སོགས་མིག་དཔེར་འོས་པ་ཞིག་ཡིན་འདུག

སྟག་ཚང་ལྷ་མོ་ཀིརྟིའི་དགོན་བློ་གླིང་དགེ་ལྡན་བཀྲ་ཤིས་འཁྱིལ་ནི་མཛོད་དགེ་རྫོང་གི་ནུབ་བྱང་ཕྱོགས་སུ་སྤྱི་ལེ་ ༡༤༠ ལྷག་གི་སར་ཡོད་ལ། ཕྱི་ལོ་ ༡༧༤༨ ལོར་ཀིརྟི་སྐུ་ཕྲེང་ལྔ་པ་བློ་བཟང་བསྟན་པའི་རྒྱལ་མཚན་མཆོག་གིས་ཕྱག་བཏབ་གནང་ཞིང་། དེང་སྐབས་མཚན་ཉིད་གྲྭ་ཚང་དང་། རྒྱུད་པ་གྲྭ་ཚང་། དུས་འཁོར་གྲྭ་ཚང་། སྨན་པ་གྲྭ་ཚང་བཅས་གྲྭ་ཚང་བཞི་ལ། དགེ་འདུན་པ་ཞལ་གྲངས་ ༧༠༠ ལྷག་ཡོད་འདུག
News from tibettimes.net 

ཕྱུག་མཚོ། Chugtso

April 17, 2013 2:39 pm DHARMSHALA: Jugtso, a 20 year-old Tibetan woman died after setting herself on fire in Zamthang, Ngaba in north-eastern Tibet (incorporated into China’s Sichuan Province) around 3 pm local time on 16 April. She is the sixth Tibetan to self-immolate from the Zamthang region. The total number of self-immolations has risen to 115, out which 98 died.
She self-immolated near Jonang monastery to protest against the repressive policies of the Chinese government. Local Tibetans carried her body to the nearby Jonang monastery after the incident. Her body was later shifted to her home. Local Chinese authorities asked the family to cremate the body that night itself. Thousands of local Tibetans and monks came to pay their respects and express their solidarity at the funeral.
Jugtso is a native of Barma township in Zamthang. She is married and has a 3 year-old child.

འདོན་སྤེལ། ༢༠༡༣/༠༤/༡༦ དེ་རིང་ཉིན་རྒྱབ་མདོ་སྨད་འཛམ་ཐང་ཇོ་ནང་དགོན་ཆེན་ཉེ་འཁྲིས་ནས་བོད་རིགས་བུད་མེད་ཕྱུག་མཚོ་ཞེས་པ་ཞིག་གིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག

ད་ལྟ་རང་ཚངས་དབྱིངས་རྒྱ་མཚོ་ལགས་ཀྱིས་གནས་ཚུལ་བཏང་འབྱོར་ལ། དེ་རིང་བོད་ནང་གི་དུས་ཚོད་ ༣ ཡས་མས་སུ་འཛམ་ཐང་ཇོ་ནང་དགོན་ཆེན་གྱི་ཉེ་འགྲམ་ནས་རང་ལོ་ ༢༠ ཡིན་པའི་བོད་རིགས་བུད་མེད་ཕྱུག་མཚོ་ཞུ་བ་ཞིག་གིས་རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་དབང་སྒྱུར་སྲིད་བྱུས་ལ་ངོ་རྒོལ་གནང་སྟེ་སྐུ་གྲོངས་ཡོད་འདུག

ས་གནས་ནས་གནས་ཚུལ་དངོས་འབྲེལ་བརྗོད་གནང་དོན་ལྟར་ན། ཁོང་མོས་རང་ལུས་མེར་བསྲེགས་གནང་མ་ཐག་ས་གནས་དེ་ག་རང་ལ་སྐུ་གྲོངས་ཡོད་པ་དང་། སྐབས་དེར་ས་གནས་མི་མང་གིས་ཁོང་གི་སྐུ་ཕུང་འཛམ་ཐང་ཇོ་ནང་དགོན་ཆེན་དུ་གདན་འདྲེན་ཞུས་ཏེ་རྒྱུན་སྡོད་བླ་གྲྭ་རྣམས་ཀྱིས་ཕོ་ལུང་དང་བསྔོ་སྨོན་གསུངས་ཡོད་འདུག་ལ། དེ་ནས་སྐུ་ཕུང་རང་ཁྱིམ་དུ་གདན་འདྲེན་ཞུས་ཡོད་འདུག

དེའི་རྗེས་སུ་གནས་ཚུལ་འབྱོར་གསལ། ས་གནས་རྫོང་སྲིད་གཞུང་དང་ས་གནས་ཉེན་རྟོག་ཁང་སོགས་ཀྱིས། སྔོན་མར་རང་ལུས་མེར་བསྲེགས་གནང་མཁན་དག་དང་གཅིག་མཚུངས་ཀྱིས་བཙན་བཀའ་བཏང་ནས་ཁོང་མོའི་སྐུ་ཕུང་དེ་རིང་གི་མཚན་མོར་ཞུགས་འབུལ་བྱེད་དགོས་བྱུང་སྟེ། ད་ལྟ་ཁོང་མོའི་སྐུ་ཕུང་ཞུགས་འབུལ་འབྱེད་པར་གྲ་སྒྲིག་བྱེད་བཞིན་ཡོད་པ་དང་། ད་སྐབས་ཁོང་མོའི་ནང་དང་། དགོན་པར་གྲྭ་བ་དང་མི་སྐྱ་ཕོ་མོ་སྟོང་ཕྲག་མང་པོ་འདུ་འཛོམས་གྱིས་གདུང་སེམས་མཉམ་སྐྱེད་བྱེད་བཞིན་འདུག་ཟེར།

རྒྱལ་གཅེས་དཔའ་མོ་ཕྱུག་མཚོ་ལགས་ཀྱི་ཕ་ཡུལ་ནི། མདོ་སྨད་འཛམ་ཐང་བར་མ་ཡུལ་ཚོ་ནས་ཡིན་འདུག་ལ། ཁོང་མོའི་ཕའི་མིང་ལ་བསྟན་ཁོ་དང་། མའི་མིང་ལ་སྒྲོན་སྐྱིད་ཟེར་ཞིང་། ཁོང་མོ་གཉེན་སྒྲིག་བྱས་ཏེ་ལོ་ངོ་ ༣ ཅན་གྱི་བྱིས་པ་ཞིག་ཀྱང་ཡོད་འདུག
News from tibettimes.net and tibet.net

དཀོན་མཆོག་བསྟན་འཛིན། Konchok Tenzin

འདོན་སྤེལ། ༢༠༡༣/༠༣/༢༩ གཟའ་མིག་དམར་ཉིན་མདོ་སྨད་ཀླུ་ཆུ་རྫོང་དུ་རང་ལོ་ ༢༨ ཡིན་པའི་གྲྭ་དཀོན་མཆོག་བསྟན་འཛིན་ལཊ་ཀྱིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག

ཟླ་འདིའི་ཚེས་༢༦ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༧ པ་ཙམ་ལ་བོད་མདོ་སྨད་ཀླུ་ཆུ་རྫོང་རྨོག་རི་དགོན་པའི་རང་ལོ་ ༢༨ ཡིན་པའི་གྲྭ་དཀོན་མཆོག་བསྟན་འཛིན་ལགས་ཀྱིས། རྫོང་རྨོག་རི་དགོན་པའི་ཉེ་འདབས་ཀྱི་(འདན་ལུང་མདོ་) སུམ་མདོའི་ལམ་ཆེན་སྟེང་། རྒྱ་གཞུང་གིས་བོད་ཐོག་འཛིན་པའི་དྲག་གནོན་ཅན་གྱི་སྲིད་བྱུས་ལ་ངོ་རྒོལ་ཆེད་རང་ལུས་མེར་བསྲེགས་བཏང་སྟེ་སྐབས་ཐོག་དེར་སྐུ་གྲོངས་ཡོད་འདུག

སྐབས་དེར་མང་ཚོགས་ཀྱིས་ཁོང་གི་སྐུ་ཕུང་དགོན་པའི་ནང་གདན་འདྲེན་ཞུས་ཡོད་ཀྱང་རྒྱ་གཞུང་གིས་བཙན་འཕྲོག་བྱ་རྒྱུུར་དོགས་ཏེ། ཉིན་དེའི་མཚན་མོར་སྐུ་ཕུང་ཞུགས་འབུལ་བྱེད་དགོས་བྱུང་ཡོད་འདུག མེར་བསྲེགས་གནས་ཚུལ་དེ་བྱུང་འཕྲལ་རྨོག་རི་དགོན་པ་གཙོས་དགོན་པའི་ཉེ་འདབས་ཀྱི་གྲོང་སྡེ་ཁག་ཚང་མར་ཉེན་རྟོག་པ་མང་པོ་འགྲེམས་འཇོག་གིས་དམ་དྲག་ནན་མོ་བྱས་ཡོད་ཅིང་། འདི་ནི་མདོ་སྨད་ཀླུ་ཆུ་རྫོང་དུ་རང་ལུས་མེར་བསྲེགས་གཏོང་མཁན་བོད་མི་ ༦ དེ་ཆགས་འདུག

བཞུགས་སྒར་ཀིརྟི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་གཉིས་ཀྱིས་འདི་གར་གནས་ཚུལ་མཁོ་སྤྲོད་གནང་དོན་ལ།རྒྱལ་གཅེས་དཔའ་བོ་ཁོང་ནི་ཀླུ་ཆུ་རྫོང་ཟམ་ཚ་ཡུལ་ཚོའི་རྨོག་རི་སྡེ་བའི་ཕ་ལྷ་ཁོ་དང་མ་ལྷ་མོ་འཚོ་གཉིས་ཀྱི་བུ་ཡིན་ཞིང་། ཁོང་ལ་ཕ་གཅིག་པའི་མིང་སྲིང་བདུན་ཡོད་པའི་ཁྲོད་ཁོང་ཆུང་ཤོས་དེ་ཡིན་འདུག ཁོང་ཆུང་ཆུང་སྐབས་ནས་རྨོག་རི་དགོན་པར་ཆོས་ཞུགས་བྱས་ཏེ་དགོན་པའི་འཆར་ཅན་གྱི་ཆོ་ག་ཕྱག་ལེན་དང་། འདོན་པ་བློ་འཛིན་སོགས་རིམ་པར་གནང་སྟེ་ད་ཆར་ཐུན་མོང་རིག་གནས་དང་ནང་དོན་རིག་པ་སོགས་ལ་སློབ་སྦྱོང་གནང་མུས་རེད་འདུག

རྨོག་རི་དགོན་བསམ་འཕེལ་གླིང་(དགེ་ལྡན་བྱམས་འཕེལ་གླིང་)ནི་ཟམ་ཚ་གསེར་ཁྲི་འཇིགས་མེད་ནམ་མཁའ་མཆོག་གིས།ཕྱི་ལོ་ ༡༧༨༠ ལོར་གསར་དུ་ཕྱག་བཏབ་པ་ཞིག་དང་རྒྱུད་སྟོད་གྲྭ་ཚང་གི་ཕྱག་ལེན་ངོས་གཙང་ཚུགས། ཕྱིས་སུ་སྟག་ཚང་ལྷ་མོ་ཀིརྟི་དགོན་པ་ནས་ཁྲི་བ་དང་དགེ་རྒན་བསྐོ་གཏོང་གནང་སྲོལ་བྱུང་སྟེ་ད་ལྟའི་བར་གནང་མུས་ཡིན་ལ། དེང་སྐབས་ཀྱི་ཟམ་ཚ་གསེར་ཁྲི་འདི་བ་སྐུ་ཕྲེང་བདུན་པ་ཡིན་པ་དང་། ད་ཆར་དགོན་པ་དེར་ཁྱོན་དགེ་འདུན་པ་ ༩༠ ཙམ་ཡོད་འདུག

གསར་འགོད་པ། དཔལ་ལྡན། 

News from tibettimes.net

སྤྲུལ་སྐུ་ཨ་ཐུབ་བམ་མཚན་གཞན་ལ་ཐུབ་བསྟན་སྙན་གྲགས་རིན་པོ་ཆེ་མཆོག་དང༌། ཁོང་གི་ཚ་མོ་བཙུན་མ་ཨ་ཚེ། Tulku Thubten Nyendak and A Tse

ཁམས་རྫོགས་ཆེན་དགོན་གྱི་མཁན་ཆེན་ཁྲི་ཟུར་མི་ཉག་ལྷ་སྒང་བྲག་དཀར་དགོན་གྱི་སྤྲུལ་སྐུ་དང་ཁོང་གི་ཚ་མོ་གཉིས་ཀྱིས་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་བ།

༢༠༡༣ ཟླ་ ༣ ཚེས་ ༢༧ རེས་གཟའ་ལྷག་པ། འདི་གར་ཕྱི་ལོ་ ༢༠༡༣ ཟླ་ ༣ ཚེས་ ༢༧ ཉིན་ཁུངས་ལྡན་གནས་ཚུལ་བཏང་གནས་ནང་འཁོད་དོན་ལྟར་ན། ཁམས་རྫོགས་ཆེན་དགོན་གྱི་མཁན་ཆེན་ཁྲི་ཟུར་ཡིན་པ་མི་ཉག་ལྷ་སྒང་བྲག་དཀར་དགོན་གྱི་སྤྲུལ་སྐུ་ཨ་ཐུབ་བམ་མཚན་གཞན་ལ་ཐུབ་བསྟན་སྙན་གྲགས་རིན་པོ་ཆེ་མཆོག་དང༌། ཁོང་གི་ཚ་མོ་བཙུན་མ་ཨ་ཚེ་གཉིས་ནས་བོད་བསྟན་པ་ཆབ་སྲིད་ཀྱི་དོན་དུ་རང་སྲོག་བློས་གཏོང་གནང་བའི་རྒྱལ་གཅེས་པ་རྣམས་ཀྱི་དགེ་རྩའི་ཆེད་དུ་མཆོད་འབུལ་རྒྱས་པ་ཞིག་ཕུལ་བ་དང་སྟབས་བསྟུན། ཕྱི་ལོ་ ༢༠༡༢ ཟླ་ ༤ ཚེས་ ༦ བོད་ཚེས་ ༡༥ ཉིན་རང་ཤག་ཏུ་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་བའི་གནས་ཚུལ་ཐོན་འདུག

རིན་པོ་ཆེ་མཆོག་གིས་ཁོང་ཉིད་དགོངས་པ་མ་རྫོགས་པའི་ཉིན་ཤས་སྔོན་ནས་ནང་མི་རྣམས་ལ་གསུང་དོན། ད་ནས་ཉིན་འདི་གའི་རིང་ཉེ་ལམ་བོད་སྤྱི་པའི་དོན་དུ་རང་ལུས་མེ་རུ་སྤར་ཞིང་རང་སྲོག་བློས་བཏང་བའི་བོད་ཀྱི་རྒྱལ་གཅེས་ཕོ་མོ་རྣམས་ཀྱི་དགེ་རྩའི་ཆེད་དུ་མར་མེའི་མཆོད་འབུལ་རྒྱས་པ་ཞིག་འབུལ་དགོས། ཞེས་གསུངས་ནས་མཆོད་མར་འབོར་ཆེན་ཉོས་ནས་གཟིམ་ཁང་དུ་བརྩིགས་པ་དང༌། རང་ལུས་མེར་སྲེག་མ་གཏང་བའི་ཉིན་ལྔ་ཙམ་སྔོན་ནས་མཆོད་མེ་མང་པོ་སྤར་བ་དང་དུས་མཚུངས་ཕྱོགས་གཞན་དུ་ཡོད་པའི་སློབ་མ་རྣམས་ལའང་སྲོག་བསླུ་ཚེ་ཐར་གྲངས་མང་གཏོང་གནང་བཅུག་ཡོད་འདུག་ཅིང༌།

དེ་མཇུག་ཕྱི་ལོ་ ༢༠༡༢ ཟླ་ ༤ ཚེས་ ༦ བོད་ནང་གི་སྔ་དྲོའི་ཆུ་ཚོད་ ༡༠ ཙམ་དུ་ཁོང་གིས་ནང་མིར་ཞལ་དཔར་གནང་སྟེ་གསུང་དོན།དེ་རིང་བོད་ཚེས་བཅོ་ལྔ་ཡིན་པས་ངས་དེ་རིང་བོད་བསྟན་པ་ཆབ་སྲིད་ཀྱི་ཆེད་དུ་རང་སྲོག་བློས་བཏང་བའི་དཔའ་བོ་དཔའ་མོ་རྣམས་ཀྱི་ཆེད་དུ་མར་མེ་མང་པོ་སྤར་ཡོད་ལ་དེ་རིང་རང་སེམས་བདེ་དགོས་པའི་ཚོགས་རླབས་ཆེན་ཞིག་རྫོགས་བཅུག་རྒྱུ་ཡིན། ཞེས་མཐའ་མའི་ཞལ་ཆེམས་ཀྱི་ཚུལ་དུ་གསུངས་གནང་ཡོད་འདུག་པ་ལྟར། ཞལ་དཔར་ཕེབས་ནས་དུས་ཚོད་ཅུང་མ་འགོར་བར་ཁོང་གི་གཟིམ་ཁང་གྲྭ་ཤག་དང་བཅས་མེ་ཕུང་དུ་གྱུར་ཏེ་མཁན་རིན་པོ་ཆེ་དང་ཁོང་གི་ཚ་མོ་གཉིས་ཀ་འདས་གྲོངས་སུ་གྱུར་བའི་གནས་ཚུལ་ཐོན་འདུག

གནས་ཚུལ་དེ་བྱུང་མ་ཐག་དར་རྩེ་མདོ་ས་ཁུལ་ནས་ཉེན་རྟོག་པ་དགོན་སྡེར་འབྱོར་ཏེ་དམ་བསྒྲགས་ཤུགས་ཆེ་བྱས་པར་བརྟེན། དགོན་པའི་ལས་སྣེ་སོགས་ནས་ཆོས་སྒོ་རྒྱག་རྒྱུར་དོགས་ཏེ་གཟིམ་ཤག་ཏུ་མེ་ཤོར་བ་ལས་རང་ལུས་མེར་སྲེག་བཏང་བའི་སྐོར་གསང་རྒྱ་བྱས་པས་གནས་སྐབས་རིང་ཉེན་རྟོག་མི་སྣའང་ཕྱིར་འཐེན་བྱས་ཡོད་འདུག་ཀྱང༌། རིམ་པས་ས་གནས་སུ་བརྒྱུད་ལམ་སོགས་གང་སར་དམ་བསྒྲགས་ཆེན་པོ་བྱས་པ་མ་ཟད། དེ་སྔ་རིན་པོ་ཆེ་མཆོག་ནས་མཁན་ཆེན་ཁྲི་པ་གནང་ཡུལ་ཁམས་སྡེ་དགེ་རྫོགས་ཆེན་དགོན་དང་ཉེ་འཁོར་ས་གནས་སུ་ངོ་རྒོལ་བསྟུད་མར་བྱུང་བའི་རྐྱེན་གྱིས་ཉེན་རྟོག་པ་མང་པོ་ས་གནས་སུ་འབྱོར་ཏེ་ས་གནས་བོད་མི་མང་པོར་དོན་མེད་ཉེས་རྡུང་བཏང་སྟེ་རྨས་སྐྱོན་བཏང་བ་སོགས་ལ་བརྟེན་རྫོགས་ཆེན་དགོན་དང༌། ཤྲིའ་སེང་ལྔ་རིག་ཆོས་གྲྭ། རྫོགས་ཆེན་པདྨ་ཐང་སྒྲུབ་སྡེ་སོགས་ཀྱི་སྤྲུལ་སྐུ་དང་མཁན་པོ། གྲྭ་བཙུན་སོགས་ཁྱོན་ཆེ་རྫོགས་ཆེན་ས་གནས་མི་མང་སྲིད་གཞུང་ཟེར་བའི་མངགས་གཏོང་ཁང་གི་སྒོ་འགྲམ་དུ་འཛོམས་ཏེ་དོན་མེད་ཉེས་རྡུང་གཏོང་བ་དང་དྲག་པོའི་དམག་དཔུང་མྱུར་དུ་ཕྱིར་འཐེན་བྱ་དགོས་པ་སོགས་ཀྱི་ཞི་རྒོལ་གཅིག་རྗེས་གཉིས་མཐུད་དུ་བྱས་པའི་གནས་ཚུལ་ཡང་ཐོན་ཡོད།

མཁན་ཆེན་ཁྲི་ཟུར་སྤྲུལ་སྐུ་ཨ་ཐུབ་བམ་ཐུབ་བསྟན་སྙན་གྲགས་རིན་པོ་ཆེ་མཆོག་ནི་དགུང་ལོ་ ༤༥ ཙམ་དུ་ཕེབས་ཀྱི་ཡོད་པ་དང༌། ཁོང་གི་ཚ་མོ་བཙུན་མ་ཨ་ཚེ་ལགས་ནི་དགུང་ལོ་ ༢༣ ཙམ་དུ་སོན་གྱི་ཡོད་འདུག མཁན་ཆེན་ཁྲི་ཟུར་སྤྲུལ་སྐུ་ཨ་ཐུབ་རིན་པོ་ཆེ་མཆོག་ནི་སྐུ་ཆུང་དུས་ནས་ཁམས་མི་ཉག་ལྷ་ཁང་བྲག་མཁར་དགོན་དུ་གྲྭ་ཞུགས་གནང་ཞིང༌། མི་ཉག་བྲག་མཁར་བཤད་གྲྭ་དང༌། ལྷ་སའི་འབྲས་སྤུངས་དགོན། རྔ་པ་ཀི་རྟི་དགོན་སོགས་སུ་སློབ་གཉེར་གནང༌། རྫོགས་ཆེན་གདན་ས་རང་ནས་གསན་བསམ་ཉམས་བཞེས་གནང་བསྟུན་ཁམས་རྫོགས་ཆེན་གདན་ས་ཨ་མའི་ཁྲི་པའི་ཐུགས་འགན་བཞེས་མྱོང་བ་བཅས་སྐུ་ཚེའི་ལོ་རྒྱུས་མདོར་བསྡུས་་བཅས། །
DHARAMSHALA:  Confirmed reports coming out of Tibet say Tulku Athup alias Thubten Nyandak Rinpoche, 45, and his niece Atse, 23, self-immolated at the former’s residence in Dzogchen monastery on 6 April 2012 for the cause of Tibet.

Few days before the immolation,Tulku Athup said he would light many butter lamps for all those who have self-immolated for the cause of Tibet. He also asked his students to engage in meritorious activities like saving of animal lives.

On the day of his self-immolation, he told his family on phone: “Today I am ending my life with ease by offering butter lamps for all those Tibetans who have set themselves on fire for the cause of Tibet”. Immediately after making the call, he and his niece set themselves on fire.

Chinese police from Dartsedo immediately arrived at  Dzogchen monastery. Fearing closure of the monastery, the monastery officials told the police that Tulku Athup and his niece died due to accidental fire in the house rather than self-immolation. Chinese police then withdrew from the monastery. Since then the authorities have imposed severe restrictions across the region and cracked down on local Tibetans leaving many of them severely injured.

Tulku Athup joined Lhakang Dragkhar monastery in Minyak, Kham at a young age and later studied at Drepung monastery in Lhasa and Kirti monastery in Ngaba.
News from tibet.net

ལྷ་མོ་སྐྱབས། Lhamo Kyab

Lhamo Kyab set himself ablaze in a forest in Sangchu County in Amdo, Eastern Tibet. The self-immolation took place around 10 pm (local time). He died in his fiery protest.

འདོན་སྤེལ། ༢༠༡༣/༠༣/༢༦ ཁ་སང་གཟའ་ཟླ་བའི་ཉིན་བོད་མདོ་སྨད་བླ་བྲང་བསང་ཆུ་རྫོང་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་སྟེ་སྐུ་གྲོངས་འདུག
ཁ་སང་ཕྱི་ཚེས་ ༢༥ ཉིན་གྱི་ཞོགས་པར་བོད་མདོ་སྨད་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་སྐྱིད་ཚང་དམེ་ཤུལ་ཤང་གི་ནགས་ཚལ་ཆེན་མོ་ཞིག་ཡོད་པའི་ཉེ་འདབས་སུ། མིང་ལ་ལྷ་མོ་སྐྱབས་ཞུ་བའི་བོད་མི་ཞིག་གིས། རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་གནང་སྟེ་སྐུ་གྲོངས་ཡོད་འདུག
གནས་ཚུལ་ཡོང་ཁུངས་ལྟར་ན། རང་ལོ་  ༤༣ ཡིན་པའི་བོད་མི་ལྷ་མོ་སྐྱབས་ལགས་ནི། བོད་མདོ་སྨད་ཀན་ལྷོ་ཁུལ་བླ་བྲང་བསང་ཆུ་རྫོང་དམེ་ཤུལ་ཤང་མཁར་དམར་ཤུལ་སྡེ་བ་ནས་ཡིན་པ་དང་། ཁོང་ནི་བཟའ་ཟླ་མེད་པའི་ཕོ་ཧྲེང་ཞིག་ཡིན་འདུག  ལོ་དུ་མའི་ཡར་སྔོན་ནས་བཟུང་ཁོང་གིས་ནགས་སྲུང་བའི་ལས་ཀ་བྱས་ཏེ། ཀླུ་ཤོད་ཡུལ་ཚོའི་ནན་པན་སྡེ་བའི་མདུན་གྱི་ནགས་ཚལ་ཆེན་པོ་ཞིག་ཡོད་པ་དེའི་ཉེ་འདབས་སུ་འཚོ་སྡོད་བྱས་ཡོད་འདུག
ཁ་སང་ཞོགས་པ་ནམ་མ་ལངས་གོང་ཁོང་གིས་ཤིང་ཆ་སྤུངས་བ་དང་དེའི་ཁྲོད་ས་སྣུམ་བླུགས་རྗེས་རང་ཉིད་དེའི་ཁྲོད་དུ་གསོན་བསྲེགས་བྱས་ཡོད་འདུག་ལ།  ཕྱིས་སུ་སྡེ་མི་ཚོས་ཁོང་གི་སྐུ་ཕུང་མེ་རོར་གྱུར་ཏེ་མགོ་བོ་གཅིག་པུ་མ་གཏོགས་གཞན་ཅི་ཡང་ལྷག་མེད་པ་མཐོང་ཡོད་འདུག
གནས་ཚུལ་བྱུང་རྗེས་ས་གནས་སྲིད་གཞུང་གི་མི་སྣ་དང་ཉེན་རྟོག་པ།  དམག་མི་བཅས་གནས་ཚུལ་བྱུང་ཡུལ་དུ་ཡོང་སྟེ་སྐོར་སྲུང་གིས་ཡུལ་མི་ཚོ་ས་གནས་དེར་ཡོང་བཅུག་མེད་པར་མ་ཟད། ས་གནས་ཡུལ་མི་ཚོའི་འགྲོ་སྐྱོད་རང་དབང་ལ་བཀག་སྡོམ་ནན་མོ་བྱེད་ཀྱི་ཡོད་འདུག

ཕྱི་ལོ་ ༢༠༠༩ ལོ་ནས་ད་བར་བོད་ནང་རང་ལུས་མེར་བསྲེཊ་གནང་མཁན་ ༡༡༡ བྱུང་ཡོད་པ་དང་། དེའི་ཁྲོད་ཀྱི་བོད་མི་ ༩༣ འདས་གྲོངས་སུ་གྱུར་ཡོད། 

DHARAMSHALA, March 25: Within 24 hours of Kal Kyi’s self-immolation in Zamthang, another Tibetan has set himself on fire today in an apparent protest against China’s continuing occupation of Tibet. 

Forty-three-old Lhamo Kyab set himself ablaze in a forest in Sangchu County in Amdo, Eastern Tibet. The self-immolation took place around 10 pm (local time). He died in his fiery protest.

According to our sources in exile, Lhamo Kyab set himself in a forest where he works as a forest guard.

“Early morning, he doused himself in kerosene and jumped into a fire which he started with timber wood,” said the same source, who did not want to be named.

Following his self-immolation protest, a large number of armed security personnel arrived at the location and the situation in the region is described as tense “under strict surveillance”.

Kyab’s self-immolation is the second such case in one a day. Thirty-year-old Kal Kyi, a mother of four has set herself ablaze on 24 March in Eastern Tibet at 3:30 pm (local time). She died at the protest site.
News from tibettimes.net and Phayul

སྐལ་སྐྱིད། Kalkyi

 ༢༠༡༣/༠༣/༢༤ དེ་རིང་ཕྱི་དྲོ་མདོ་སྨད་འཛམ་ཐང་དུ་རང་ལོ་ ༣༠ ཡིན་པའི་བུད་མེད་ཅིག་གིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག

དེ་རིང་ཕྱི་ཚེས་ ༢༤ ཉིན་གྱི་བོད་ནང་གི་ཆུ་ཚོད་ ༣:༣༠ ཙམ་ལ་མདོ་སྨད་འཛམ་ཐང་ཇོ་ནང་དགོན་པའི་འགྲམ་དུ་རང་ལོ་ ༣༠ ཡིན་པའི་བོད་རིགས་བུད་མེད་སྐལ་སྐྱིད་ཞུ་བ་ཞིག་གིས། རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་བྱས་ཏེ་སྐུ་གྲོངས་ཡོད་འདུག
ཚངས་དབྱངས་རྒྱ་མཚོ་ལགས་ཀྱིས་གནས་ཚུལ་མཁོ་སྤྲོད་གནང་བའི་ནང་། ཁོང་མོའི་སྐུ་ཕུང་རྒྱ་གཞུང་གི་ལག་ཏུ་མ་ཤོར་བར་འབྲེལ་ཡོད་མི་སྣ་ཁག་གིས་འཛམ་ཐང་ཇོ་ནང་དགོན་དུ་གདན་འདྲེན་ཞུས་ཏེ་ད་ལྟ་དགོན་པར་རྒྱུན་བཞུགས་གྲྭ་བ་རྣམས་ཀྱིས་ཕོ་ལུང་དང་མཆོད་འབུལ་སྨོན་ལམ་གསུང་བཞིན་ཡོད་འདུག
དེའི་རྗེས་གནས་ཚུལ་གཉིས་པ་འབྱོར་བའི་ནང་། ས་གནས་རྫོང་སྲིད་གཞུང་དང་ས་གནས་ཉེན་རྟོག་པས་འདས་པོའི་སྐུ་ཕུང་དེ་རིང་མཚན་མོའི་དུས་ཚོད་ ༡༢ བར་ངེས་པར་དུ་ཞུགས་འབུལ་དགོས་པའི་བཙན་བཀའ་བཏང་ཡོད་ཅིང་། དེ་ལྟར་མ་བྱས་ཚེ་ཁོང་མོའི་སྐུ་ཕུང་བཙན་ཁྱེར་བྱ་རྒྱུ་ཡིན་ཚུལ་བརྗོད་སྟབས་དེ་རིང་མཚན་མོའི་དུས་ཚོད་ ༡༢ སྟེང་ཁོང་མོའི་སྐུ་ཕུང་ཞུགས་འབུལ་གནང་རྒྱུ་དང་། ད་ལྟ་ས་གནས་སུ་འཛམ་ཐང་ཇོ་ནང་དགོན་ཆེན་གྱི་གྲྭ་བ་དང་ས་གནས་མང་ཚོགས་བཅས་ཁྱོན་མི་ ༤༠༠༠ ལྷག་ཁོང་མོའི་ནང་མིར་གདུང་སེམས་མཉམ་སྐྱེད་ཆེད་འཛོམས་ཏེ། སྐུ་ཕུང་ཞུགས་འབུལ་བྱ་རྒྱུར་གྲྭ་སྒྲིག་བྱེད་བཞིན་ཡོད་འདུག
རྒྱལ་གཅེས་དཔའ་མོ་སྐལ་སྐྱིད་ལགས་ཀྱི་ཕ་ཡུལ་ནི་མདོ་སྨད་འཛམ་ཐང་བར་བ་ཡུལ་ཚོའི་པོས་བ་ཚང་ཞེས་པའི་ཁྱིམ་ཚང་ནས་ཡིན་ཞིང་། ཁོང་མོར་ད་ཆར་ཤུལ་དུ་རང་ལོ་ ༡༥ མན་གྱི་བུ་བདེ་རྣམ་དང་། པོ་ཆུང་། བསོ་པོ། བུ་མོ་ཆུང་བཅས་བུ་ཕྲུག་བཞི་ཡོད་འདུག ཁོང་མོའི་ཁྱོ་གའི་མིང་ལ་གྲུས་པེ་དང་། ཕ་མིང་ལ་མཆོག་ལྡན། མ་མིང་ལ་དཔའ་རིས་བཅས་ཞུ་ཡི་ཡོད་འདུག
འདི་ནི་མདོ་སྨད་འཛམ་ཐང་དུ་བོད་མི་རང་ལུས་མེར་བསྲེགས་གཏོང་མཁན་ཐེངས་ ༥ བ་དེ་ཆགས་ཡོད།
News from tibettimes.net

དཀོན་མཆོག་དབང་མོ། Konchok Wangmo

ཕྱི་ཟླ་༣ཚེས་༡༣དགོང་མོ་བོད་ནང་གི་ཆུ་ཚོད་༡༡དང་ཕྱེད་ཀའི་སྟེང་།དེང་སང་རྒྱ་ནག་སི་ཁྲོན་ཞིང་ཆེན་གྱི་ཁོངས་སུ་ཆ་བགོས་བྱས་ཡོད་པ། མདོ་སྨད་མཛོད་དགེ་རྫོང་གི་ལྟེ་བའི་གྲོང་ཁྱེར་སྟག་ཚ་གྲོང་བརྡལ་དུ་བུད་མེད་དཀོན་མཆོག་དབང་མོ་ཟེར་བས་རང་ལུས་མེར་སྲེག་བྱས་ཏེ། རྒྱ་ནག་གཞུང་གི་སྲིད་ཇུས་ལ་ངོ་རྒོལ་སྐད་འབོད་བྱས་ནས་དེ་གར་འདས་གྲོངས་སུ་གྱུར་ཡོད་ནའང་། འབྲེལ་ཡོད་མཛོད་དགེ་རྫོང་གི་ཉེན་རྟོག་པ་སོགས་ཀྱིས་ཕུང་པོ་བཙན་ཁྱེར་བྱས་ཏེ། ཉི་མ་དེའི་ཕྱིར་ཉིན་ཁོང་གི་བཟའ་ཟླ་སྒྲོལ་མ་སྐྱབས་ལ་རུས་ཐལ་ཅིག་ཉེན་རྟོག་པས་ཕྱིར་སྤྲོད་བྱས་པ་དང་འབྲེལ།རྒྱ་ནག་གཞུང་གི་འབྲེལ་ཡོད་ལས་བྱེད་ཚོས་དཀོན་མཆོག་དབང་མོས་རང་ལུས་མེར་སྲེག་གཏོང་དོན་ནི། བཟའ་ཚང་ཕན་ཚུན་གྱི་དཀའ་རྙོག་ལ་བརྟེན་ནས་བྱུང་བ་བརྗོད་དགོས་ལུགས་བཙན་བཀའ་བཏང་བ། སྒྲོལ་མ་སྐྱབས་ཀྱིས་ངོས་ལེན་མ་བྱས་སྟབས་ད་ཆ་དཀོན་མཆོག་དབང་མོའི་བཟའ་ཟླ་སྒྲོལ་མ་སྐྱབས་ལགས་མཛོད་དགེའི་ཉེན་རྟོག་པས་འཛིན་བཟུང་བཀག་ཉར་བྱས་ཡོད་པ་སོགས།འབྲེལ་ཡོད་མཛོད་དགེའི་ལེགས་བཤད་ལ་ཁུངས་ལྡན་གནས་ཚུལ་འབྱོར་བ་སོང༌།
དེ་ལྟར་རང་ལུས་མེར་སྲེག་པ་དཀོན་མཆོག་དབང་མོ་ལགས་ནི་ཕ་ཡུལ་མཛོད་དགེ་རྫོང་སྟག་ཚ་མཐའ་བ་ནས་ཡིན་པ་དང་། ཁོ་མོར་ད་ཆ་ཤུལ་དུ་བུ་མོ་ཆུང་ཆུང་ལོ་བརྒྱད་ལོན་པ་ཅིག་དང་བཟའ་ཟླ་སྒྲོལ་མ་སྐྱབས་གཉིས་ཡོད་ཅིང་། ཁོ་མོ་ད་ལྟ་རང་ལོ་༣༠ཐམ་དང་བཟའ་ཟླ་སྒྲོལ་མ་སྐྱབས་རང་ལོ་༣༡། དེ་བཞིན་སྒྲོལ་མ་སྐྱབས་ཀྱི་ཕ་ཡུལ་མཛོད་དགེ་བྱམས་མེ་ཕྱུགས་རྭ་སྡེ་བ་ནས་ཡིན་པ་རེད་ལ།ཁོ་མོ་ནི་མཛོད་དགེ་རྫོང་ཁོངས་སུ་བྱུང་བའི་རང་ལུས་མེར་སྲེག་ཐེངས་མ་བདུན་པ་དེ་རེད་འདུག།
News from Radio Free Asia