བློ་ཚུལ་ཁྲིམས། (བློ་བཟང་འཕྲིན་ལས།) Lo Tsultrim (Losang Trinle)

At 6th August a man did self-immolation himself in Amdo Ngawa, East Tibet and dead. 

༢༠༡༢/༠༨/༠༦ ཉིན་རྔ་པ་ཀིརྟི་དགོན་པའི་གྲྭ་བ་ཞིག་གིས་རང་ལུས་མེར་བསྲེགས་བཏང་ཡོད་ཀྱང་། དེ་མ་ཐག་རྒྱ་གཞུང་གི་ཉེན་རྟོག་པ་བསླེབས་ཏེ་བཙན་འཁྲིད་བྱས་ཡོད་འདུག
རྒྱ་གར་ལྷོ་ཕྱོགས་འབྲས་སྤུངས་ཟུང་ཆུ་ཁང་ཚན་གྱི་གྲྭ་གསུང་རབ་རྒྱ་མཚོ་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། གོང་ཚེས་ཕྱི་དྲོའི་བོད་ནང་གི་ཆུ་ཚོད་ ༥ དང་སྐར་མ་ ༡༠ པའི་སྟེང་རྔ་པ་ཀིརྟི་དགོན་པའི་གྲྭ་བློ་ཚུལ་ཁྲིམས་(བློ་བཟང་འཕྲིན་ལས)ལགས་ཀྱིས་རྔ་པ་རྫོང་ཐོག་གི་དཔའ་བོའི་སྲང་ལམ་ཞེས་པ་རུ། “ རྒྱལ་བ་རིན་པོ་ཆེ་བོད་མྱུར་དུ་བོད་ནང་ཕེབས་འཇུག་དགོས”ཞེས་པ་སོགས་ཀྱི་སྐད་འབོད་གནང་བཞིན་རང་ལུས་མེར་བསྲེགས་བཏང་ཡོད་འདུག་ལ། དེ་མ་ཐག་རྒྱ་གཞུང་གི་ཉེན་རྟོག་པ་དང་དམག་མི་བསླེབས་ནས་ཁོང་གི་ལུས་ཀྱི་མེད་བསད་དེ་བཙན་ཁྲིད་བྱས་ཡོད་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། གྲྭ་བ་ཞིག་གིས་རང་ལུས་མེར་བསྲེགས་བཏང་ཡོད་པ་དངོས་ཡོད་རེད། ཡིན་ནའང་དགེ་འདུན་པ་ཁོང་སྡེ་བ་གང་ནས་ཡིན་པ་དང་མིང་སོགས་ཅུང་ཁ་མཚུངས་ཀྱི་མི་འདུག ངས་ཐོག་མར་གོ་དུས་རྔ་པ་ཀིརྟི་ཡུལ་མཚོ་མ་ནས་རེད་ཟེར་ཡང་། རྗེས་སུ་རྔ་པ་རྨེ་རུ་མ་ནས་ཡིན་པའི་སྐད་ཆ་ཞིག་ཀྱང་འདུག ད་ལྟ་དགུང་ལོ་ག་ཚོད་ཡིན་མིན་དང་། ནང་མིའི་ལོ་རྒྱུས་སོགས་ཤེས་ཐུབ་ཀྱི་མི་འདུག རྩད་གཅོག་བྱེད་བཞིན་པ་ཡིན་པས་གནས་ཚུལ་ཁ་གསལ་ཆགས་རྗེས་བསྐྱར་དུ་གཏོང་ཡོང་། ད་ལྟ་པར་འགའ་ཡང་འབྱོར་སོང་མོད། དེ་རིང་མེར་བསྲེགས་གཏོང་མཁན་ཁོང་གི་པར་ཡིན་མིན་གསལ་ཁ་མི་འདུག རྒྱ་གཞུང་གིས་ཁ་པར་བརྒྱུད་ལམ་སོགས་བཀག་སྡོམ་བྱས་ཏེ་འབྲེལ་བ་མཐུད་ཐུབ་ཀྱི་མི་འདུག་ཟེར།
རྗེས་སུ་གནས་ཚུལ་ཐོན་གསལ་ལྟར་ཁོང་དེའི་དགོང་མོའི་ཆུ་ཚོད་ ༡༢ ཙམ་གྱི་ཐོག་འབར་ཁམས་སྨན་ཁང་དུ་སྐུ་གྲོངས་ཡོད་འདུག

At 6th August a man did self-immolation himself in Amdo Ngawa, East Tibet. According to Tibet Times news a man names Lotsul Trim (Losang Trinle) immolated himself on the "hero street" in Ngawa town. During getting fire he calling "let H.H. the Dalai Lama retrun to Tibet soon". At that time Chinese local police came there and took him to police station. After that nobody hears about him weather he is alive or not. 
According next reporting he was dead at the  night in hospital, Barkham town.