སྙིང་དཀར་བཀྲ་ཤིས། Nyingkar Tashi

Nyingkar Tashi, a 24-year-old Tibetan man, set himself on fire around 3:30 pm (local time) on Monday (12 November) at Dowa township in Rebgong.  He raised slogans calling for the long life His Holiness the Dalai Lama and freedom for Tibetans. He died on the spot. A photo shows his body completely engulfed in flames in front of a row of local Tibetans.
༢༠༡༢/༡༡/༡༢  དེ་རིང་ཡང་བོད་མདོ་སྨད་རེབ་གོང་མདོ་བ་རུ་བོད་མི་ཞིག་གིས་རང་ལུས་མེར་བསྲེགས་ཀྱིས་སྐུ་གྲོངས་འདུག
དེ་རིང་ཕྱི་ཚེས་ ༡༢ ཉིན་གྱི་བོད་ནང་ཕྱི་དྲོའི་ཆུ་ཚོད་ ༣ དང་སྐར་མ་ ༡༥ ཡས་མས་སུ། བོད་མདོ་སྨད་རེབ་གོང་མདོ་བ་གད་དམར་ཐང་གི་སློབ་གྲྭའི་ནང་དུ།  རང་ལོ་ ༢༤ ཡིན་པའི་རྒྱལ་གཅེས་དཔའ་བོ་སྙིང་དཀར་བཀྲ་ཤིས་ལགས་ཀྱིས་“༸རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག བོད་ལ་རང་དབང་དགོས” ཞེས་སྐད་འབོད་བྱེད་བཞིན།  རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་འདུག  དེ་རིང་ཁུལ་དེར་རྒྱལ་གཅེས་དཔའ་མོ་རྟ་མགྲིན་འཚོ་དང་དཔའ་བོ་སྐལ་བཟང་སྦྱིན་པ་གཉིས་ཀྱི་ཁྱིམ་དུ་མྱ་ངན་འཚམས་འདྲིར་ཕེབས་མཁན་ཧ་ཅང་མང་པོ་འབྱོར་ཡོད་པར་བརྟེན།   རྒྱལ་གཅེས་དཔའ་བོ་སྙིང་དཀར་བཀྲ་ཤིས་ལགས་ཀྱི་སྐུ་ཕུང་རྒྱ་ལག་ཏུ་ཤོར་མ་བཅུག་པར་རང་ཁྱིམ་དུ་གདན་འདྲེན་ཞུས་འདུག ད་ལྟའི་ཆར་རེབ་གོང་ནས་སྤྱི་ལེ་ ༡༠༠ ཙམ་གྱི་སར་ཡོད་པའི་མདོ་བ་ཞང་ཐོག་ཏུ་དམག་མིའི་རླངས་འཁོར་ཕོན་ཆེན་བཏང་ཡོད་འདུག 

བསྟན་རབ་དང་རྡོར་དབང་གཉིས་ཀྱིས་གནས་ཚུལ་བཏང་བའི་ནང་། རྒྱལ་གཅེས་དཔའ་བོ་ཁོང་གིས་ཁ་ཆེམས་ཡི་གེར། “༸རྒྱལ་བ་པཎ་ཆེན་རྣམ་གཉིས་གཙོར་མཛད་པའི་བོད་མི་ས་ཡ་དྲུག་ལ། བོད་རང་དབང་དགོས། བོད་རང་བཙན་དགོས། བོད་ཡིག་སློབ་རྒྱུའི་རང་དབང་དགོས། ཕ་སྐད་
བཤད་རྒྱུའི་རང་དབང་དགོས།  ༸པཎ་ཆེན་རིན་པོ་ཆེ་བཙོན་གྲོལ་བྱེད་དགོས། ༸རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་སུ་འཇུག་དགོས། རང་ལུས་མེར་བསྲེགས་བྱས་ནས་རྒྱ་གཞུང་ལ་ངོ་རྒོལ་བྱེད་པ་ཡིན། ཕ་བཀྲ་ཤིས་རྣམ་རྒྱལ་གཙོར་མཛད་པའི་བཟའ་མི་ཡོངས་ཀྱིས་སེམས་ཁུར་དང་སྡུག་བསྔལ་བྱེད་མི་དགོས། དཀར་པོ་ཆོས་ལ་དད་རྒྱུ། དགེ་བའི་ལམ་ལ་ཞུགས་རྒྱུ་མཁྱེན། བདག་གི་རེ་བ་ནི། བོད་མི་ས་ཡ་དྲུག་གིས་བོད་ཡིག་སློབ་རྒྱུ། ཕ་སྐད་བཤད་རྒྱུ། བོད་ལྭ་གོན་པ། མཐུན་སྒྲིལ་དང་རྡོག་རྩ་གཅིག་སྒྲིལ་བྱེད་རྒྱུ་མཁྱེན་ཞེས་སྙིང་དཀར་བཀྲ་ཤིས་ནས། ”ཞེས་བཀོད་ཡོད་འདུག

འདི་གར་གནས་ཚུལ་མཁོ་གཏོང་བ་བསོད་ནམས་ལགས་ཀྱིས་བརྗོད་པ་ལྟར་ན།  རྒྱལ་གཅེས་དཔའ་བོ་ཁོང་ནི།  མདོ་སྨད་རེབ་གོང་མདོ་བ་ཞང་སྒྲོ་ཚང་སྡེ་བའི་ཡིན་ལ།  ཁོང་གི་ཕའི་མིང་ལ་བཀྲ་ཤིས་རྣམ་རྒྱལ་ལོ་ ༤༧ ཡིན་པ་དང་། མའི་མིང་ལ་མཁའ་འགྲོ་འཚོ་ལོ་ ༤༧ ཡིན།  ཁོང་གི་མ་ཚེ་ལས་འདས་ནས་ལོ་ ༤ ཕྱིན་འདུག རྒྱལ་གཅེས་དཔའ་བོ་ཁོང་གི་ཆུང་མའི་མིང་ལ་འབྲུག་མོ་ཚེ་རིང་ལོ་ ༢༣ ཡིན་པ་རེད།

རྒྱལ་གཅེས་དཔའ་བོ་ཁོང་གིས་རང་ལུས་མེར་བསྲེགས་གཏོང་དགོས་པའི་རྒྱུ་རྐྱེན་གཙོ་བོ་རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་འགྲོ་བཞིན་པའི་ཐོག  ཁ་སང་ཕྱི་ཚེས་ ༡༡ ཉིན་རེབ་གོང་ཁུལ་དང་རྫོང་གི་ལས་བྱེད་མི་སྣ་མདོ་བ་ཞང་ཐོག་ཏུ་ཡོང་སྟེ།  ཕྱི་ཚེས་ ༧ ཉིན་རྒྱལ་གཅེས་དཔའ་མོ་རྟ་མགྲིན་འཚོ་དང་ཕྱི་ཚེས་ ༨ ཉིན་དཔའ་བོ་སྐལ་བཟང་སྦྱིན་པ་རྣམ་གཉིས་ཀྱིས་མེར་བསྲེག་བཏང་དགོས་པའི་རྒྱུ་མཚན་དང་། ཕྱི་ཕྱོགས་ཀྱི་ངན་སྐུལ་ཡོད་མེད། རྒྱལ་ཁབ་ཀྱི་སྲིད་ཇུས་དང་འགལ་ཚུལ་སོགས་དྲིལ་སྒྲོག་བྱས་པ་དང་། དེ་རིང་ཕྱི་ཚེས་ ༡༢ ཉིན་ལའང་རྒྱ་དམར་དབུས་གཞུང་དང་ཞིང་ཆེན་རིམ་པའི་འབྲེལ་ཡོད་ལས་བྱེད་རླངས་འཁོར་ ༧ ཡོང་སྟེ།  ས་གནས་སྡེ་དཔོན་དང་འབྲེལ་ཡོད་ཁག་འབོད་འགུགས་ཀྱིས་གཏམ་བཤད་སྤེལ་ཡོད་སྟབས།  རྒྱལ་གཅེས་དཔའ་བོ་སྙིང་དཀར་བཀྲ་ཤིས་ལགས་ཀྱིས་སྐབས་དེ་དང་བསྟུན་ནས་རང་ལུས་མེར་བསྲེགས་བཏང་ཡོད་འདུག 

ཁ་སང་ཕྱི་ཚེས་ ༡༡ ཉིན་རེབ་གོང་ཁུལ་དང་རྫོང་གི་ལས་བྱེད་ཀྱིས་དྲིལ་སྒྲོག་གཏམ་བཤད་སྤེལ་ཏེ།  ད་དུང་མི་མཐུད་འདི་འདྲ་ཡོང་གི་ཡོད་མེད་དང་། མང་ཚོགས་ནང་བསམ་ཚུལ་ག་རེ་ཡོང་གི་ཡོད་མེད།  ས་གནས་ལས་བྱེད་པའི་ནང་ལ་བསམ་ཚུལ་ག་རེ་ཡོད་མེན་སོགས་བྲིས་སྐབས།  རྒྱ་གཞུང་གི་ལས་ཀ་བྱས་ཏེ་ལོ་ ༡༥ ཕྱིན་ཞིང་། ད་ལྟའི་མདོ་བ་སྒྲོ་རོང་བོ་སྡེ་བའི་ཧྲུའུ་ཅུ་(དམར་ཤོག་དྲུང་ཆེ་)ཡིན་པའི་ལྕགས་ལ་ཟེར་པ་ཁོང་གིས།  མང་ཚོགས་ནང་ལ་བསམ་ཚུལ་ག་རེ་ཡོད་མེད་ཤེས་མ་སོང་། ངའི་བསམ་ན་མེར་བསྲེགས་གཏོང་དགོས་པའི་རྒྱུ་རྐྱེན་གཙོ་བོ་ནི།  ༸གོང་ས་མཆོག་གི་སྐུ་པར་བཤམས་མི་ཆོག་པ་དང་གསོལ་བ་སྨོན་ལམ་བརྒྱབ་མི་ཆོག་པ། ༸གོང་ས་མཆོག་ཕྱི་ལོག་ཏུ་ཕུད་དེ་ཕྱིར་བོད་ནང་ཕེབས་བཅུག་གི་མེད་པ།  ༸པཎ་ཆེན་ཆུང་སྲིད་རིན་པོ་ཆེ་མཆོག་བཙོན་ཁང་དུ་བཀག་པ།  བོད་ལ་རང་དབང་མེད་པ་བཅས་ལ་བརྟེན་ནས་རང་ལུས་མེ་བསྲེགས་བཏང་དགོས་པ་འདི་ལ་ཐུག་པ་རེད་ཅེས་དྲི་བ་འདོན་མཁན་ལ་ལན་འདེབས་བྱས་ཡོད་འདུག་ལ།  ས་གནས་བོད་རིགས་མི་མང་གིས་ཁོང་གིས་བརྗོད་པའི་བསམ་ཚུལ་ལ་ཧ་ལས་ཏེ།  ལས་བྱེད་ཅིག་གིས་དེ་ལྟར་བཤད་ཐུབ་པའི་ཁོང་གི་བློ་ཁོག་ལ་བསྟོད་བསྔགས་བྱས་ཡོད་འདུག 

གཞན་ཡང་། ས་གནས་བོད་མི་ཞིག་ལ་སྐད་ཆ་དྲིས་པར།  ཁོང་གིས “མེ་བསྲེགས་གཏོང་དགོས་པའི་རྒྱུ་རྐྱེན་ནི་རེབ་གོང་(ཐུན་རིན་)རྫོང་གི་དམར་ཕྱོགས་དྲུང་ཆེ་ཅཱང་ཧྲུའུ་ཁྲིན་གྱིས།  ཉེ་ལམ་མདོ་བ་ཤང་ཐོག་ཏུ་ཡོང་སྟེ་༸གོང་ས་མཆོག་གི་སྐུ་པར་བཤམས་མི་ཆོག་པའི་བཙན་བཀའ་བཏང་བ་སོགས་ལ་བརྟེན་གནས་ཚུལ་འདི་བྱུང་བ་རེད།” ཅེས་བརྗོད་ཡོད།

ཅཱང་ཧྲུའི་ཁྲིན་ནི་དེ་སྔོན་མཚོ་ལྷོ་ཁུལ་མང་ར་(ཀོས་ནན) རྫོང་གི་དམར་ཤོག་དྲུང་ཆེ་ཡིན་པ་དང་། སྐབས་དེ་དུས་ཀྱང་ཁོས་ས་ཁུལ་དེར་དམ་དྲགས་ཤུགས་ཆེན་བྱས་ཡོད་འདུག 

November 12, 2012 4:13 pm
DHARAMSHALA: Two Tibetans have set themselves on fire in Rebgong (Ch: Tongren) in north-eastern Tibet’s Amdo Province (incorporated to China’s Qinghai Province), taking the total self-immolations to 10 in this month alone, fresh reports coming out of Tibet say.

Nyingkar Tashi, a 24-year-old Tibetan man, set himself on fire around 3:30 pm (local time) on Monday (12 November) at Dowa township in Rebgong.  He raised slogans calling for the long life His Holiness the Dalai Lama and freedom for Tibetans. He died on the spot. A photo shows his body completely engulfed in flames in front of a row of local Tibetans.

A large number of military convoys have been dispatched towards Dowa township, located some 100 kms from Rebgong county.

Local Tibetans say Nyingkar self-immolated when a large number of authorities from the Central and local government are camping in the town since yesterday, who blamed “outside forces for instigating self-immolations by Tamdin Tso and Kalsang Jinpa on 7 and 8 November respectively.

At a public meeting convened by county and local government officials in the town on Sunday, a local Tibetan official stunned the public when he said “the reasons for self-immolations are ban on keeping His Holiness the Dalai Lama’s photo and worshipping him, restriction on His Holiness the Dalai Lama’s return to his homeland, imprisonment of the Panchen Lama and lack of freedom in Tibet.”

The details of the another self-immolator are currently not known.

With the latest incident today, 72 Tibetans have self-immolated in Tibet calling for the return of His Holiness the Dalai Lama to Tibet and freedom for Tibetans. 57 of them have died.

News from tibet.net and tibettimes.net