While engulfed in flames, he was calling for the return of His Holiness the Dalai lama to Tibet, the release of the 11th Panchen Lama and freedom for Tibetans, eyewitnesses said.
Wangchen Norbu’s body was cremated later that night around 10:30 pm in front of the monastery. Hundreds of local Tibetans attended the funeral to pay their last respects.
འདོན་སྤེལ། ༢༠༡༢/༡༡/༢༠ དོ་དགོང་བོད་མདོ་སྨད་མཚོ་ཤར་ཡ་རྫི་རྫོང་ཁོངས་སུ་རྒྱལ་གཅེས་དཔའ་བོ་དབང་ཆེན་ནོར་བུ་ལགས་ཀྱིས་རང་ལུས་མེར་བསྲེགས་ཀྱིས་སྐུ་གྲོངས་འདུག
དེ་རིང་ཕྱི་ཚེས་ ༡༩ ཉིན་གྱི་དགོང་མོ་བོད་ནང་གི་ཆུ་ཚོད་ ༨ ཙམ་
གྱི་སྟེང་། བོད་མདོ་སྨད་མཚོ་ཤར་ཡ་རྫི་རྫོང་རྐང་ཚ་རུ། རང་ལོ་ ༢༥ ཡིན་པའི་རྒྱལ་གཅེས་དཔའ་བོ་དབང་ཆེན་ནོར་བུ་ལགས་ཀྱིས། རྐང་ཚ་དགོན་དགའ་ལྡན་ཆོས་འཕེལ་གླིང་གི་དགོན་འདབས་ནས་རང་ལུས་མེར་བསྲེགས་བཏང་སྟེ། རྒྱ་གཞུང་གི་བཙན་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་པ་དང་། ཁོང་གི་སྐུ་ཕུང་དགོན་པར་གདན་ཞུ་བྱས་ཏེ་དགོན་གྲོང་གཉིས་ཀྱི་མི་མང་ཡོངས་འདུ་འཛོམས་ཐོག་ཁ་བཏགས་བསྒྲོན་པ་དང་བསྔོ་སྨོན་གསུངས་ཡོད་འདུག
ཨ་འཇམ་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་དོན་ལྟར་ན། རྒྱལ་གཅེས་དཔའ་བོ་ཁོང་གིས་རང་ལུས་མེར་བསྲེགས་སྐབས། ༸རྒྱལ་བ་བསྟན་འཛིན་རྒྱ་མཚོ་བོད་ཡུལ་དུ་ཕེབས་དགོས་པ་དང་། ༸པཎ་ཆེན་རིན་པོ་ཆེ་བཙོན་གྲོལ་གཏོང་དགོས་པ། བོད་མི་ལ་རང་དབང་དགོས་ཞེས་སྐད་འབོད་བྱས་ཡོད་འདུག
དོ་དགོང་བོད་ནང་གི་ཆུ་ཚོད་ ༡༠། ༣༠ ཙམ་ལ། དགོན་གྲོང་གཉིས་ཀྱི་སྐྱ་སེར་མང་འདུ་འཛོམས་ཐོག དཔའ་བོ་ཁོང་གི་སྐུ་གདུང་རྐང་ཚ་དགོན་པའི་མདུན་ཐད་ཀྱི་དུར་ཁྲོད་དུ་གདན་འདྲེན་གྱིས་ཞུགས་འབུལ་གནང་བཞིན་ཡོད་པ་དང་། མི་མང་གིས་སྐད་ཤུགས་ཆེན་པོས་༸རྒྱལ་བ་བསྟན་འཛིན་རྒྱ་མཚོ་ཞབས་པད་སྲིད་མཐའི་བར་དུ་བརྟན་གྱུར་ཅིག་ཅེས་སྐད་གསེང་མཐོན་པའི་གདུང་འབོད་དང་བསྔོ་སྨོན་གསོལ་འདེབས་གྱེར་བཞིན་པ་མ་ཟད། སེམས་ཀྱིས་མ་བཟོད་པར་ཀི་འབོད་སོགས་ཀྱང་བྱེད་ཀྱིན་ཡོད་འདུག
རྒྱལ་གཅེས་དཔའ་བོ་དབང་ཆེན་ནོར་བུ་ལགས་ནི་མདོ་སྨད་མཚོ་ཤར་ཡ་རྫི་རྫོང་རྐང་ཚ་བོད་རིགས་རང་སྐྱོང་ཞང་རྐང་ཚ་སྡེ་བའི་རུ་ཁག་དང་པོ་ནས་ཡིན་པ་དང་། ཁོང་ནི་མ་མཁའ་འགྲོ་འཚོ་དང་ཕ་འདས་པོ་བསྟན་འཛིན་གཉིས་ཀྱི་བུ་ཡིན་འདུག
News from tibet.net and tibettimes.net
No comments:
Post a Comment